ବାଲିଅନ୍ତାରେ ଘଟିଥିବା ଜିଆରପି କନଷ୍ଟେବଳ ସୌମ୍ୟ ରଞ୍ଜନ ସ୍ୱାଇଁ ହତ୍ୟା ମାମଲାରେ କ୍ରାଇମବ୍ରାଞ୍ଚ ତଦନ୍ତକୁ ଜୋରଦାର କରିଥିବା ବେଳେ ଗୁରୁବାର ଆଉ ଜଣେ ଅଭିଯୁକ୍ତଙ୍କୁ ଗିରଫ କରାଯାଇଛି। ଏହି ନୂଆ ଗିରଫ ସହ ମାମଲାରେ ମୋଟ ଗିରଫ ସଂଖ୍ୟା ୧୭ରେ ପହଞ୍ଚିଛି।
ଗିରଫ ଅଭିଯୁକ୍ତଙ୍କ ନାମ ଅଶୋକ କୁମାର ଜେନା ବୋଲି ଜଣାପଡ଼ିଛି। ସେ କଟକ ସଦର ଅଞ୍ଚଳର ଗଣେଶ୍ୱରଗଡାର ବାସିନ୍ଦା। କ୍ରାଇମବ୍ରାଞ୍ଚ ତାଙ୍କୁ ଭୁବନେଶ୍ୱରର ପଟିଆ ଅଞ୍ଚଳର ଏକ ହୋଟେଲରୁ ଗିରଫ କରିଥିବା ସୂଚନା ମିଳିଛି।
ଘଟଣାର ତଦନ୍ତ ସମୟରେ କ୍ରାଇମବ୍ରାଞ୍ଚ ଅଧିକାରୀମାନେ ପୂର୍ବରୁ ଥାନା ଓ ଘଟଣାସ୍ଥଳରେ ଯାଇ ବିସ୍ତୃତ ତଦନ୍ତ କରିଥିଲେ। ଭାଇରାଲ ଭିଡିଓ ଫୁଟେଜକୁ ଆଧାର କରି ଘଟଣାର ବିଭିନ୍ନ ଦିଗକୁ ଖତିଆନ କରାଯାଉଛି ବୋଲି ଅଧିକାରୀମାନେ କହିଛନ୍ତି।
କ୍ରାଇମବ୍ରାଞ୍ଚ ଡିଜି ବିନୟତୋଷ ମିଶ୍ର ପୂର୍ବରୁ କହିଥିଲେ ଯେ, ଏହି ମାମଲାକୁ ବିଭିନ୍ନ ଦୃଷ୍ଟିକୋଣରୁ ତଦନ୍ତ କରାଯାଉଛି।
ଏହି ଘଟଣା ସହ ଜଡିତ ଆଉ ଏକ ମୁଖ୍ୟ ପ୍ରସଙ୍ଗ ହେଉଛି ବରିଷ୍ଠ ଆଇପିଏସ ଅଧିକାରୀ ଦୟାଳ ଗଙ୍ଗୱାରଙ୍କ ବଦଳି। ସୌମ୍ୟଙ୍କ ମୃତ୍ୟୁ ପରେ ତାଙ୍କ ପରିବାର ଗଙ୍ଗୱାରଙ୍କ ବିରୋଧରେ ଅଭିଯୋଗ ଆଣିଥିଲେ ଯେ, ସୌମ୍ୟ କାର୍ଯ୍ୟରତ ସମୟରେ ହେରାସମେଣ୍ଟର ଶିକାର ହେଉଥିଲେ। ପରେ ଗଙ୍ଗୱାରଙ୍କୁ ଗୃହ ବିଭାଗରେ ଓଏସଡି ଭାବେ ବଦଳି କରାଯାଇଥିଲା।
ଉଲ୍ଲେଖଯୋଗ୍ୟ, ମେ’ ୭ ତାରିଖରେ ଭୁବନେଶ୍ୱର ଉପକଣ୍ଠ ଭିଙ୍ଗାରପୁର-କାଜା ଅଞ୍ଚଳରେ ଦୁଇ ଯୁବକଙ୍କ ବିରୋଧରେ ଦୁଇ ମହିଳାଙ୍କୁ ଅସଦାଚରଣ ଓ ମାଡ଼ ମାରିବା ଅଭିଯୋଗ ଆସିଥିଲା। ପରେ ସ୍ଥାନୀୟ ଲୋକେ ଉଭୟଙ୍କୁ ଧରି ଗଣପିଟୁଣି ଦେଇଥିଲେ। ଏହି ଘଟଣାରେ ଜିଆରପି କନଷ୍ଟେବଳ ସୌମ୍ୟ ରଞ୍ଜନ ସ୍ୱାଇଁଙ୍କ ମୃତ୍ୟୁ ଘଟିଥିଲା, ଯେତେବେଳେ ଅନ୍ୟ ଯୁବକ ଆହତ ହୋଇଥିଲେ।
ଘଟଣା ପରେ ଗଣପିଟୁଣି, ପୁଲିସର ଅବହେଳା ଓ ମହିଳା ସୁରକ୍ଷା ନେଇ ରାଜ୍ୟରେ ବ୍ୟାପକ ଚର୍ଚ୍ଚା ଆରମ୍ଭ ହୋଇଥିଲା। ପରେ ରାଜ୍ୟ ସରକାର ଏହି ମାମଲାକୁ ସିଆଇଡି କ୍ରାଇମବ୍ରାଞ୍ଚକୁ ହସ୍ତାନ୍ତର କରିଥିଲେ। ଓଡ଼ିଶା ରାଜ୍ୟ ମହିଳା ଆୟୋଗ ମଧ୍ୟ ଏହି ଘଟଣାର ସ୍ୱତନ୍ତ୍ର ତଦନ୍ତ ଆରମ୍ଭ କରିଛନ୍ତି।
ଇସ୍ଲାମ ଧର୍ମର ପାଞ୍ଚଟି ପ୍ରମୁଖ ସ୍ତମ୍ଭ ମଧ୍ୟରୁ ଗୋଟିଏ ପବ...
ଇଞ୍ଜିନିୟରିଂ କ୍ଷେତ୍ରରେ IITରେ ଭର୍ତ୍ତି ହେବାକୁ ଇଚ୍ଛୁକ...
ନିଟ୍-ୟୁଜି ୨୦୨୬ ପରୀକ୍ଷାରେ ପେପର ଲିକ୍ ଅଭିଯୋଗକୁ କେନ୍ଦ୍...
ଇବୋଲା ଭାଇରସ୍‌ ସଂକ୍ରମଣ ନେଇ ବଢ଼ୁଥିବା ଚିନ୍ତା ମଧ୍...
କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (CBSE) ନିଜର ମଲ୍ଟିଲ...
ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଭାରତ-ରୁଷ ପ୍ରତିରକ୍ଷା...
ଇରାନ୍ ସହ ସମ୍ଭାବ୍ୟ ଶାନ୍ତି ଚୁକ୍ତିକୁ ନେଇ ଆମେରିକୀୟ ରାଷ...
ସାଧାରଣ ଭାବରେ ଚାଲିବାବେଳେ କୌଣସି ଅସୁବିଧା ନଥିଲେ ମଧ୍ୟ,...
ଭାରତରେ ଶିଶୁମାନଙ୍କ ମଧ୍ୟରେ ବଢ଼ୁଥିବା ଡାଇବେଟିସ୍‌...
ମେଘାଳୟର ଉମରୋଇରେ ମେ ୨୦ରୁ ଆରମ୍ଭ ହୋଇଥିବା ବହୁରାଷ୍ଟ୍ରୀୟ...
ମଇ 3ରେ ଆୟୋଜିତ NEET UG 2026 ପରୀକ୍ଷାକୁ ଦେଶର ଶିକ୍ଷା ବ...
ଭେନେଜୁଏଲାର କାର୍ଯ୍ୟବାହକ ରାଷ୍ଟ୍ରପତି ଡେଲସି ରୋଡ୍ରିଗେଜ୍...
