ବାଲେଶ୍ୱର ଜିଲ୍ଲାର ନୀଳଗିରି ବନଖଣ୍ଡ ଅଧୀନ ମିତ୍ରପୁର ବନ ରେଞ୍ଜର କଥାଗୋଛି ଅଞ୍ଚଳରେ ଘଟିଥିବା ଚିତାବାଘ ମୃତ୍ୟୁ ଘଟଣାରେ ବନ ବିଭାଗକୁ ବଡ଼ ସଫଳତା ମିଳିଛି। ଘଟଣାର ମାତ୍ର ୪୮ ଘଣ୍ଟା ମଧ୍ୟରେ ବନ ଅଧିକାରୀମାନେ ଜଣେ ଅଭିଯୁକ୍ତ ଶିକାରୀଙ୍କୁ ଗିରଫ କରିଛନ୍ତି।
ଗତ ମେ ୧୨ ତାରିଖରେ ଜଙ୍ଗଳ ଭିତରେ ପତାଯାଇଥିବା ଏକ ଫାନ୍ଦରେ ପଡ଼ି ଚିତାବାଘଟିର ମୃତ୍ୟୁ ଘଟିଥିବା ସନ୍ଦେହ କରାଯାଇଥିଲା। ଘଟଣା ପରେ ବନ ବିଭାଗ ତଦନ୍ତ ଆରମ୍ଭ କରିଥିଲା। ସ୍ଥାନୀୟ ସୂଚନା ଏବଂ ଗୁପ୍ତ ତଥ୍ୟ ଆଧାରରେ ବନ କର୍ମଚାରୀମାନେ ଅଭିଯୁକ୍ତଙ୍କ ପରିଚୟ ପାଇଥିଲେ।
ପରେ ବନ ବିଭାଗର ଏକ ବିଶେଷ ଦଳ ଅଭିଯୁକ୍ତଙ୍କ ଘରେ ଚଢ଼ାଉ କରିଥିଲେ। ଚଢ଼ାଉ ସମୟରେ ଶିକାର କାର୍ଯ୍ୟରେ ବ୍ୟବହୃତ କିଛି ସାମଗ୍ରୀ ଜବତ କରାଯାଇଥିବା ସୂଚନା ମିଳିଛି।
ନୀଳଗିରି ଏସିଏଫଓ ତାତିନୀ ସେଠୀ କହିଛନ୍ତି ଯେ, ଚିତାବାଘଟି ଫାନ୍ଦରେ ପଡ଼ି ମୃତ୍ୟୁବରଣ କରିଥିଲା। ଭରସାଯୋଗ୍ୟ ସୂଚନା ଆଧାରରେ ଅଭିଯୁକ୍ତଙ୍କୁ ଚିହ୍ନଟ କରାଯାଇ ତାଙ୍କ ଘରେ ତଲାସି କରାଯାଇଥିଲା। ସେଠାରୁ ଶିକାର ସମ୍ବନ୍ଧୀୟ ସାମଗ୍ରୀ ମିଳିଥିଲା ଏବଂ ପରେ ତାଙ୍କୁ ଗିରଫ କରାଯାଇଥିଲା।
ପଚରାଉଚରା ବେଳେ ଅଭିଯୁକ୍ତ ଜଙ୍ଗଳକୁ ଯାଇ ଶିକାର ପାଇଁ ପ୍ରସ୍ତୁତି କରିଥିବା କଥା ସ୍ୱୀକାର କରିଥିବା ବନ ବିଭାଗ ସୂଚନା ଦେଇଛି। ଏହି ଘଟଣାରେ ଆହୁରି କେହି ଜଡିତ ଅଛନ୍ତି କି ନାହିଁ, ସେନେଇ ତଦନ୍ତ ଜାରି ରହିଛି।
ବନ୍ୟପ୍ରାଣୀ ସୁରକ୍ଷାକୁ ନେଇ ଏପରି ଘଟଣା ଚିନ୍ତା ବଢ଼ାଇଥିବା ବେଳେ, ଶିକାର ଓ ଅବୈଧ ଫାନ୍ଦ ପତାଇବା ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଜରୁରୀ ବୋଲି ପରିବେଶବିଦ୍ମାନେ ମତ ପ୍ରକାଶ କରିଛନ୍ତି।
ଭାରତୀୟ Mixed Martial Arts (MMA) ଜଗତରେ Matrix Fight...
ଆଇପିଏଲ୍‌ ୨୦୨୬ରେ ସନରାଇଜର୍ସ ହାଇଦ୍ରାବାଦ ଓ ରୟାଲ୍&...
ଆଇପିଏଲ୍‌ ୨୦୨୬ରେ ରାଜସ୍ଥାନ ରୟାଲ୍ସର ଓପେନିଂ ଯୋଡ଼ି...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ଗତିବିଧିରେ ହେଉଥ...
ୟଶଙ୍କ ଅପେକ୍ଷିତ ଚଳଚ୍ଚିତ୍ର ‘Toxic: A Fairytale...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର...
ବଲିଉଡ୍ ଅଭିନେତ୍ରୀ ଜାହ୍ନବୀ କପୁର ନିଜ ଜୀବନର ଏକ କଷ୍ଟଦାୟ...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ସ୍ଥିତିରେ ହେଉଥି...
ବଲିଉଡ୍ ଅଭିନେତା ସନି ଦେଓଲଙ୍କ ବହୁ ପ୍ରତୀକ୍ଷିତ ଐତିହାସିକ...
ଭାରତୀୟ ପୁରୁଷ ଫୁଟବଲ୍ ଦଳ ପାଇଁ ସଦ୍ୟ ପ୍ରକାଶିତ ଫିଫା ମାନ...
ଆଇପିଏଲ୍ ୨୦୨୬ରୁ କୋଲକାତା ନାଇଟ୍ ରାଇଡର୍ସ ବାଦ୍ ପଡ଼ିବା ପ...
