ବାଲେଶ୍ୱରରେ ପ୍ରାୟ ଅଢ଼େଇ କୋଟି ଟଙ୍କାର ସାଇବର ଠକେଇ ମାମଲାରେ ୩ ଜଣ ଅଭିଯୁକ୍ତଙ୍କୁ ପୁଲିସ ଗିରଫ କରିଛି। ଏହି ଠକେଇ ମାମଲାରେ ଚୀନ୍ ଲିଙ୍କ୍ ଥିବା ସନ୍ଦେହ କରାଯାଉଥିବା ବେଳେ ଘଟଣାର ଅଧିକ ଖୋଳତାଡ଼ ଚାଲିଛି।

ସୂଚନା ଅନୁସାରେ, ଗତ ୧୪ ତାରିଖରେବ୍ୟାଙ୍କ ଅଫ୍ ଇଣ୍ଡିଆର ଏକ ଆକାଉଣ୍ଟ ଜରିଆରେ ପ୍ରାୟ ୨ କୋଟି ୫୦ ଲକ୍ଷ ଟଙ୍କାର ସାଇବର ଠକେଇହୋଇଥିଲା। ମାମଲାର ତଦନ୍ତ କରି ପୁଲିସ ସୋର ଥାନା ଅଞ୍ଚଳର ଏକ ହୋଟେଲରେ ଚଢ଼ାଉ କରି ତାମିଲନାଡୁର ହରିନାଥ କେଙ୍କୁ ଗିରଫ କରିଥିଲା।

ପୁଲିସର ତଦନ୍ତରୁ ଠକେଇରେ ବ୍ୟବହୃତ ବ୍ୟାଙ୍କ ଖାତାଧାରୀଙ୍କ ପରିଚୟ ମିଳିବା ପରେ ଯାଜପୁର ଜିଲ୍ଲାରୁବସନ୍ତ କୁମାର ଜେନା ଓ ଝରଣା ଜେନାଙ୍କୁ ମଧ୍ୟ ଗିରଫ କରାଯାଇଛି। ତିନି ଅଭିଯୁକ୍ତଙ୍କ ମଧ୍ୟରେ ହରିନାଥ କେ ତାମିଲନାଡୁର ହୋଇଥିବା ବେଳେ ବସନ୍ତ ଓ ଝରଣା ଯାଜପୁର ଜିଲ୍ଲାର ବୋଲି ଜଣାପଡ଼ିଛି।

ଅଭିଯୁକ୍ତମାନଙ୍କଠାରୁ ପୁଲିସଦୁଇଟି ମୋବାଇଲ୍ ଫୋନ୍ଜବତ କରିଛି। ଚୀନରେ ଥିବା କଥିତ ମାଲିକଙ୍କ ନିର୍ଦ୍ଦେଶରେ ତାମିଲନାଡୁର ଅଭିଯୁକ୍ତ ବାଲେଶ୍ୱର ଆସିଥିବା ନେଇ ତଦନ୍ତରେ ସୂଚନା ମିଳିଥିବା ରିପୋର୍ଟରେ କୁହାଯାଇଛି। ତେବେ ଏହି ଚୀନ୍ ଲିଙ୍କ୍ ସମ୍ପର୍କରେ ଅଧିକ ତଥ୍ୟ ପୁଲିସ ତଦନ୍ତ ପରେ ସ୍ପଷ୍ଟ ହେବ।

ଏହି ସାଇବର ଠକେଇରେ ଆଉ କେତେ ଜଣ ସମ୍ପୃକ୍ତ ଅଛନ୍ତି, ଠକେଇର ପ୍ରକୃତ ପରିମାଣ କେତେ ଏବଂ ଟଙ୍କା କେଉଁ କେଉଁ ଆକାଉଣ୍ଟକୁ ଯାଇଛି, ସେନେଇବାଲେଶ୍ୱର ପୁଲିସର ତଦନ୍ତ ଜାରି ରହିଛି