ଅଙ୍ଗୁଳ ଜିଲ୍ଲାରେ ଏକ ଚମକପୂର୍ଣ୍ଣ ଘଟଣାରେ ସ୍ୱାମୀଙ୍କ ଛୁରିଆଘାତରେ ଜଣେ ମହିଳା ଗୁରୁତର ଆହତ ହୋଇଛନ୍ତି। ଏହି ଘଟଣା ମଙ୍ଗଳବାର ଅଙ୍ଗୁଳ ଟାଉନ ଥାନା ଅଧୀନ PTC ସ୍କ୍ୱାର ନିକଟରେ ଘଟିଥିବା ସୂଚନା ମିଳିଛି।
ଆହତ ମହିଳାଙ୍କୁ ତୁଳସୀ ବେହେରା ବୋଲି ପରିଚୟ ମିଳିଛି। ସେ ପଞ୍ଚମହଳା ଅଞ୍ଚଳର ଲିଟୁ ବେହେରାଙ୍କ ସ୍ତ୍ରୀ। ତୁଳସୀଙ୍କ ମାଆଙ୍କ କଥା ଅନୁଯାୟୀ, ଦୁଇଜଣ ପତି-ପତ୍ନୀ କିଛି ଦିନ ହେଲା ଅଜଣା କାରଣରୁ ଅଲଗା ରହୁଥିଲେ।
ତୁଳସୀ PTC ସ୍କ୍ୱାର ନିକଟରେ ଥିବା ଏକ ମୋଟରସାଇକେଲ୍ ଶୋରୁମରେ କାମ କରୁଥିଲେ। ଅଭିଯୋଗ ଅନୁଯାୟୀ, ସ୍ୱାମୀ ଲିଟୁ ସେଠାକୁ ପହଞ୍ଚି ତାଙ୍କ ସହ ବିବାଦ କରିଥିଲେ ଏବଂ ପରେ ଛୁରି ଦ୍ୱାରା ଆକ୍ରମଣ କରିଥିଲେ। ଏହି ଆକ୍ରମଣରେ ତୁଳସୀଙ୍କ ପେଟ ଏବଂ ମୁହଁରେ ଗୁରୁତର ଚୋଟ ଲାଗିଛି। ଘଟଣା ପରେ ଅଭିଯୁକ୍ତ ସ୍ଥଳ ଛାଡ଼ି ପଳାଇଯାଇଥିଲେ।
ସ୍ଥାନୀୟ ଲୋକଙ୍କ ସହଯୋଗରେ ଆହତ ମହିଳାଙ୍କୁ ତୁରନ୍ତ ଅଙ୍ଗୁଳ ଜିଲ୍ଲା ମୁଖ୍ୟାଳୟ ଚିକିତ୍ସାଳୟକୁ ଭର୍ତ୍ତି କରାଯାଇଥିଲା। ପରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକକୁ ସ୍ଥାନାନ୍ତର କରାଯାଇଛି।
ଘଟଣା ପରେ ପୋଲିସ ଅଭିଯୁକ୍ତଙ୍କୁ ଆଟକ କରି ଘଟଣାର ତଦନ୍ତ ଆରମ୍ଭ କରିଛି। ଆକ୍ରମଣର ପ୍ରକୃତ କାରଣ ଓ ପରିସ୍ଥିତି ବିଷୟରେ ତଦନ୍ତ ଜାରି ରହିଛି।
ଭାରତୀୟ ବଜାରରେ ମିଳୁଥିବା ଅନେକ ପ୍ରସିଦ୍ଧ ଗ୍ଲୋବାଲ୍ ବ୍ରା...
ୟୁକ୍ରେନ୍ର କିଭ୍ ଅଞ୍ଚଳର ବୁଚା ଜିଲ୍ଲାର ମାଇଲା ଗାଁରେ ଶୁକ...
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
