ଭାରତୀୟ କ୍ରୀଡ଼ା ଜଗତ ପାଇଁ ଆସିଛି ଏକ ଐତିହାସିକ ସଫଳତା। ସ୍କ୍ୱାଶ ତାରକାଅନାହତ ସିଂହବିଶ୍ୱ ଜୁନିଅର ସ୍କ୍ୱାଶ ଚାମ୍ପିଅନସିପ୍ ଜିତି ଦେଶ ପାଇଁ ଗୌରବ ଆଣିଛନ୍ତି। ସେ ବିଶ୍ୱ ଜୁନିଅର ସ୍କ୍ୱାଶ ଖିତାବ ଜିତିବାରେପ୍ରଥମ ଭାରତୀୟ ଖେଳାଳିଭାବେ ନୂଆ ଇତିହାସ ରଚିଛନ୍ତି।

କାନାଡାରଅଣ୍ଟାରିଓରେ ଆୟୋଜିତ ବିଶ୍ୱ ଜୁନିଅର ସ୍କ୍ୱାଶ ଚାମ୍ପିଅନସିପ୍ର ଫାଇନାଲରେ ଅନାହତ ସିଂହ ଇଜିପ୍ଟରରୁକାୟା ସାଲେମଙ୍କୁ ସିଧାସଳଖ ଗେମ୍ରେ ପରାସ୍ତ କରି ଚାମ୍ପିଅନ୍ ହୋଇଛନ୍ତି। ଏହି ବିଜୟ ସହ ସେ ଭାରତୀୟ ସ୍କ୍ୱାଶ ଇତିହାସରେ ଏକ ସ୍ୱର୍ଣ୍ଣିମ ଅଧ୍ୟାୟ ଯୋଡ଼ିଛନ୍ତି।

ମାତ୍ର୧୮ ବର୍ଷ ବୟସରେଅନାହତ ଏହି ଅସାଧାରଣ ସଫଳତା ହାସଲ କରି ସାରା ବିଶ୍ୱର ଦୃଷ୍ଟି ଆକର୍ଷଣ କରିଛନ୍ତି। ତାଙ୍କ ଏହି ସଫଳତା କେବଳ ବ୍ୟକ୍ତିଗତ ଉପଲବ୍ଧି ନୁହେଁ, ବରଂ ଭାରତୀୟ ସ୍କ୍ୱାଶ ପାଇଁ ମଧ୍ୟ ଏକ ବଡ଼ ମାଇଲଖୁଣ୍ଟ।

ବିଶେଷ କଥା ହେଉଛି, ଏହି ବିଜୟ ସହ ମହିଳା ବିଭାଗରେଦୀର୍ଘ ୧୩ ବର୍ଷ ଧରି ଚାଲିଆସୁଥିବା ଇଜିପ୍ଟର ଆଧିପତ୍ୟର ଅନ୍ତ ଘଟିଛି। ଅନାହତଙ୍କ ବିଜୟକୁ ଭାରତୀୟ ସ୍କ୍ୱାଶ ପାଇଁ ଏକ ଐତିହାସିକ ସଫଳତା ବୋଲି କ୍ରୀଡ଼ା ବିଶେଷଜ୍ଞମାନେ ମତ ପ୍ରକାଶ କରିଛନ୍ତି।

ତାଙ୍କ ବିଜୟ ପରେ ସାରା ଦେଶରୁ ଅଭିନନ୍ଦନର ସୁଅ ଛୁଟିଛି। କ୍ରୀଡ଼ାବିତ୍, ପୂର୍ବତନ ଖେଳାଳି ଓ ବିଭିନ୍ନ ରାଜନୈତିକ ନେତାମାନେ ଅନାହତ ସିଂହଙ୍କୁ ଶୁଭେଚ୍ଛା ଜଣାଇ ତାଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଛନ୍ତି।