Noiseର ସହ-ପ୍ରତିଷ୍ଠାତାଅମିତ ଖତ୍ରୀଏବେ ହେଲ୍ଥ୍-ଟେକ୍ କ୍ଷେତ୍ରରେ ନୂଆ ପ୍ରୟାସLunaଉପରେ କାମ କରୁଛନ୍ତି। ଏହି ଉଦ୍ୟମର ମୁଖ୍ୟ ଲକ୍ଷ୍ୟ ହେଉଛି ସ୍କ୍ରିନ୍ଲେସ୍ ୱେୟାରେବଲ୍ ଡିଭାଇସ୍ ମାଧ୍ୟମରେ ସ୍ୱାସ୍ଥ୍ୟ ସମ୍ପର୍କିତ ତଥ୍ୟ ସଂଗ୍ରହ କରି AI ଦ୍ୱାରା ତାହାର ବିଶ୍ଳେଷଣ କରିବା।

ଅମିତ ଖତ୍ରୀ ଏକ X ପୋଷ୍ଟରେ କହିଛନ୍ତି ଯେ, ୨୦୧୭ରେ Noise ଗଢ଼ିବା ସମୟରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଅତ୍ୟନ୍ତ ଖରାପ ଥିଲା। ନିରନ୍ତର କାମ କରିବାକୁ ସଫଳତାର ମୁଖ୍ୟ ଉପାୟ ଭାବିଥିଲେ ମଧ୍ୟ ପରେ ଦୈନନ୍ଦିନ ଜୀବନଶୈଳୀରେ ଛୋଟ ଛୋଟ ପରିବର୍ତ୍ତନ ସ୍ୱାସ୍ଥ୍ୟରେ ପ୍ରଭାବ ପକାଇପାରେ ବୋଲି ସେ ଅନୁଭବ କରିଥିବା କହିଛନ୍ତି।

ଖତ୍ରୀଙ୍କ ଅନୁସାରେ, ପାରମ୍ପରିକ ୱେୟାରେବଲ୍ଗୁଡ଼ିକ ସାଧାରଣତଃ ଶରୀରରେ କ’ଣ ଘଟିଛି ତାହାର ତଥ୍ୟ ଦେଇଥାଏ। କିନ୍ତୁLunaବ୍ୟକ୍ତିଙ୍କ ନିଜସ୍ୱ ସାଧାରଣ ସ୍ୱାସ୍ଥ୍ୟ ପ୍ୟାଟର୍ନକୁ ଆଧାର କରି ପରବର୍ତ୍ତୀ ସମୟରେ ଶରୀରକୁ କ’ଣ ଆବଶ୍ୟକ ହୋଇପାରେ, ସେ ସମ୍ପର୍କରେ ଇନସାଇଟ୍ ଦେବାକୁ ଲକ୍ଷ୍ୟ ରଖିଛି।

କ’ଣ ରହିଛି Lunaରେ?

Luna ଅଧୀନରେLuna Ring, Luna Ring 2.0 ଏବଂ Luna Bandଭଳି ସ୍କ୍ରିନ୍ଲେସ୍ ୱେୟାରେବଲ୍ ଡିଭାଇସ୍ ରହିଛି। ସ୍ମାର୍ଟୱାଚ୍ ଭଳି ଏଥିରେ ନୋଟିଫିକେସନ୍ କିମ୍ବା ଅନ୍ୟ ସୂଚନା ଦେଖାଇବା ପାଇଁ ଡିସ୍ପ୍ଲେ ନାହିଁ। ଡିଭାଇସ୍ରୁ ସଂଗୃହୀତ ସ୍ୱାସ୍ଥ୍ୟ ତଥ୍ୟକୁ ସହଯୋଗୀ ଆପ୍ ମାଧ୍ୟମରେ ଦେଖିବାକୁ ପଡ଼େ।

କମ୍ପାନୀରLifeOS AI engineବାୟୋମେଟ୍ରିକ୍ ତଥ୍ୟକୁ ବିଶ୍ଳେଷଣ କରି ଉପଯୋଗକର୍ତ୍ତାଙ୍କୁ ବ୍ୟକ୍ତିଗତ ହେଲ୍ଥ୍ ଇନସାଇଟ୍ ଦେବା ଉଦ୍ଦେଶ୍ୟରେ ବିକଶିତ ହେଉଛି। ତେବେ ଏହି AI ଇନସାଇଟ୍ଗୁଡ଼ିକ ଦୈନନ୍ଦିନ ସ୍ୱାସ୍ଥ୍ୟ ନିଷ୍ପତ୍ତିରେ କେତେ ପ୍ରଭାବଶାଳୀ ହେବ, ତାହା ଟେକ୍ନୋଲୋଜି ଓ ଏହାକୁ ସମର୍ଥନ କରୁଥିବା ପ୍ରମାଣ ଉପରେ ନିର୍ଭର କରିବ।

Noiseରୁ Luna ଯାତ୍ରା

Noiseରେ ସ୍ମାର୍ଟୱାଚ୍ ଓ ଅଡିଓ ପ୍ରଡକ୍ଟ ଉପରେ କାମ କରିବା ପରେ ଖତ୍ରୀଙ୍କ ନୂଆ ଉଦ୍ୟମ ହେଲ୍ଥ୍ ଟ୍ରାକିଂ ଦିଗକୁ ଅଧିକ ଫୋକସ୍ କରୁଛି। Lunaର ଆଭିମୁଖ୍ୟ ହେଉଛି ଡିସ୍ପ୍ଲେ ଓ ନୋଟିଫିକେସନ୍ରୁ ଦୂରେ ରହି ସ୍ୱାସ୍ଥ୍ୟ ସମ୍ପର୍କିତ ମାପ ଏବଂ AI ଆଧାରିତ ବିଶ୍ଳେଷଣକୁ ପ୍ରାଥମିକତା ଦେବା।

ଖତ୍ରୀ ଆଗାମୀ ଦିନରେ ଭାରତରେ ହାର୍ଡୱେର୍ ତିଆରି କରି ଗ୍ଲୋବାଲ୍ ବଜାରକୁ ନେବା, ସଫ୍ଟୱେର୍ ଇଞ୍ଜିନିୟର୍ ନ ହୋଇ ମଧ୍ୟ AI ପ୍ରଡକ୍ଟ ବିକଶିତ କରିବା ଏବଂ Hyrox ଭଳି ଫିଟନେସ୍ ପ୍ରତିଯୋଗିତା ପ୍ରତି ନିଜର ଆଗ୍ରହ ସମ୍ପର୍କରେ ମଧ୍ୟ ଅଧିକ ସୂଚନା ସେୟାର କରିବେ ବୋଲି କହିଛନ୍ତି।