ସେପ୍ଟେମ୍ବର ୨୮, ୨୯ ଓ ୩୦ରେ ହେବାକୁ ଥିବା ତିନି ଦିନିଆ ଦେଶବ୍ୟାପୀ ବ୍ୟାଙ୍କ ଧର୍ମଘଟ ଶେଷ ମୁହୂର୍ତ୍ତରେ ସ୍ଥଗିତ ହୋଇଛି। ରବିବାର ରାତିରେ Indian Banks’ Association (IBA) ଏବଂ United Forum of Bank Unions (UFBU) ମଧ୍ୟରେ ହୋଇଥିବା ଆଲୋଚନା ପରେ ଧର୍ମଘଟ ନକରିବାକୁ ନିଷ୍ପତ୍ତି ନିଆଯାଇଛି। ତେଣୁ ସୋମବାରରୁ ବ୍ୟାଙ୍କ ଶାଖାଗୁଡ଼ିକ ସାଧାରଣ ଭାବରେ କାର୍ଯ୍ୟ କରିବ।

କଣ ଉପରେ ସମ୍ମତି ହେଲା?

IBA ବ୍ୟାଙ୍କ କର୍ମଚାରୀଙ୍କ ପାଞ୍ଚଦିନିଆ banking week ଦାବିକୁ ଖତିଆନ କରିବା ପାଇଁ ତୁରନ୍ତ ଏକ ଉଚ୍ଚସ୍ତରୀୟ ଯୁକ୍ତ କମିଟି ଗଠନ କରିବାକୁ ରାଜି ହୋଇଛି।

ଏହି କମିଟି ଦ୍ୱିତୀୟ ଓ ଚତୁର୍ଥ ଶନିବାର ସହ ଅନ୍ୟ ସମସ୍ତ ଶନିବାରକୁ ମଧ୍ୟ ବ୍ୟାଙ୍କ ଛୁଟି କରାଯାଇପାରିବ କି ନାହିଁ, ତାହା ଉପରେ ବିଚାର କରିବ। ଏହା ସହ ବିକଳ୍ପ ବ୍ୟବସ୍ଥା ଓ ଗ୍ରାହକଙ୍କ ମତାମତ ସମେତ ବିଭିନ୍ନ stakeholderଙ୍କ ସହ ଆଲୋଚନା ହେବ। ବର୍ତ୍ତମାନ ବ୍ୟାଙ୍କଗୁଡ଼ିକ ପ୍ରତି ମାସର ଦ୍ୱିତୀୟ ଓ ଚତୁର୍ଥ ଶନିବାର ବନ୍ଦ ରହେ।

ତଥାପି, ଏହି ଆଲୋଚନାର ଅର୍ଥ ଏମିତି ନୁହେଁ ଯେ ତୁରନ୍ତ ପାଞ୍ଚଦିନିଆ banking week ଲାଗୁ ହୋଇଗଲା। କମିଟି କେତେ ଦିନ ମଧ୍ୟରେ ନିଷ୍ପତ୍ତି ନେବ, ସେଥିପାଇଁ କୌଣସି ସ୍ପଷ୍ଟ deadline ଘୋଷଣା ହୋଇନାହିଁ।

Performance-Linked Incentive ନେଇ ମଧ୍ୟ ଆଲୋଚନା

ଆଲୋଚନାରେ Scale IV ଓ ତା’ଠାରୁ ଉପର ସ୍ତରର bank officerମାନଙ୍କ ପାଇଁ Performance-Linked Incentive ବ୍ୟବସ୍ଥା ନେଇ ମଧ୍ୟ ଚର୍ଚ୍ଚା ହେବାକୁ ସମ୍ମତି ହୋଇଛି।

ୟୁନିଅନ୍ର ଆପତ୍ତିକୁ ଧ୍ୟାନରେ ରଖି IBA ସରକାରଙ୍କ PLI schemeରେ ସଂଶୋଧନ ପାଇଁ ପ୍ରସ୍ତାବ ରଖିବ ବୋଲି କୁହାଯାଇଛି।

କାହିଁକି ଡାକାଯାଇଥିଲା ଧର୍ମଘଟ?

UFBU ମୁଖ୍ୟତଃ ସବୁ ଶନିବାର ଛୁଟି ଓ ପାଞ୍ଚଦିନିଆ banking week ଲାଗୁ କରିବା ଦାବିରେ ଏହି ଧର୍ମଘଟ ଡାକିଥିଲା।

ୟୁନିଅନ୍ମାନଙ୍କ କହିବା ଅନୁସାରେ, ବ୍ୟାଙ୍କ କର୍ମଚାରୀମାନେ ଦୀର୍ଘ ସମୟ କାମ କରୁଛନ୍ତି ଏବଂ ପାଞ୍ଚଦିନିଆ କାର୍ଯ୍ୟସପ୍ତାହ ନେଇ ଦୁଇ ବର୍ଷରୁ ଅଧିକ ସମୟ ଧରି ଚର୍ଚ୍ଚା ଚାଲିଛି। ଅନ୍ୟପଟେ ସରକାରୀ ସୂତ୍ରର ଦାବି ହେଉଛି, ପୂର୍ବତନ wage negotiationରେ ପାଞ୍ଚଦିନିଆ banking week ଉପରେ ସମ୍ମତି ହୋଇନଥିଲା।

ୟୁନିଅନ୍ ପୂର୍ବରୁ ସେପ୍ଟେମ୍ବର ୧୧ରେ ଗୋଟିଏ ଦିନର ଦେଶବ୍ୟାପୀ ଧର୍ମଘଟ କରିଥିଲା। ଏହା ସହ ସେପ୍ଟେମ୍ବର ୨୮ରୁ ୩୦ ପର୍ଯ୍ୟନ୍ତ ତିନି ଦିନିଆ ଧର୍ମଘଟ ଓ ଦାବି ପୂରଣ ନହେଲେ ଅକ୍ଟୋବର ୨୬ରୁ ଅନିର୍ଦ୍ଦିଷ୍ଟକାଳୀନ ଧର୍ମଘଟର ଚେତାବନୀ ମଧ୍ୟ ଦିଆଯାଇଥିଲା।

ଗ୍ରାହକଙ୍କ ପାଇଁ କଣ ବଦଳିଲା?

ଏହି ଧର୍ମଘଟ ସେପ୍ଟେମ୍ବର ୩୦ର half-yearly closing ସମୟରେ ପଡ଼ୁଥିବାରୁ ବ୍ୟାଙ୍କିଂ ସେବାରେ ବଡ଼ ବିଘ୍ନ ହେବାର ଆଶଙ୍କା ଥିଲା। ଏହି କାରଣରୁ Public Sector Banks ଓ Regional Rural Banksକୁ ସେପ୍ଟେମ୍ବର ୨୭, ରବିବାର ଦିନ ମଧ୍ୟ ଖୋଲା ରଖାଯାଇଥିଲା।

କିନ୍ତୁ ଧର୍ମଘଟ ସ୍ଥଗିତ ହେବା ପରେ ସେପ୍ଟେମ୍ବର ୨୮ ସୋମବାରରୁ branch-based banking services ସାଧାରଣ ଭାବରେ ଚାଲିବ ବୋଲି ଆଶା କରାଯାଉଛି।

ପାଞ୍ଚଦିନିଆ banking week, ସବୁ ଶନିବାର ଛୁଟି ଓ ଅନ୍ୟାନ୍ୟ କର୍ମଚାରୀ ସମ୍ବନ୍ଧୀୟ ଦାବି ଉପରେ ଆଗାମୀ ଆଲୋଚନା ଜାରି ରହିବ।