ଓଡ଼ିଶାରେ ମହିଳା ଉଦ୍ୟମୀଙ୍କ ସଶକ୍ତିକରଣ ଦିଗରେ ଆଉ ଏକ ବଡ଼ ପଦକ୍ଷେପ ନିଆଯାଇଛି। ଶନିବାର ଲୋକସେବା ଭବନରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ରାଜ୍ୟ ସରକାରଙ୍କ ପ୍ରମୁଖ MSME କାର୍ଯ୍ୟକ୍ରମ ‘ଉଦ୍ୟମୀ ଓଡ଼ିଶା’ ଅଧୀନରେWomen Entrepreneurship Platform (WEP)-Odisha Chapterର ଶୁଭାରମ୍ଭ କରିଛନ୍ତି।
ନୀତି ଆୟୋଗ (NITI Aayog) ସହ ଭାଗୀଦାରୀରେ ଆରମ୍ଭ ହୋଇଥିବା ଏହି ପ୍ଲାଟଫର୍ମ ମହିଳା ଉଦ୍ୟମୀଙ୍କ ପାଇଁ ଏକ ସମନ୍ୱିତ ସହାୟତା ବ୍ୟବସ୍ଥା ସୃଷ୍ଟି କରିବ। ଏହା ମହିଳାମାନଙ୍କୁ କେବଳ ଚାକିରି ପ୍ରାର୍ଥୀ ନୁହେଁ, ବରଂ ନିଯୁକ୍ତିଦାତା ଓ ଶିଳ୍ପ ସୃଷ୍ଟିକାରୀ ଭାବେ ଗଢ଼ି ତୋଳିବାକୁ ଲକ୍ଷ୍ୟ ରଖିଛି।
ଉଦ୍ଘାଟନୀ ଅବସରରେ ମୁଖ୍ୟମନ୍ତ୍ରୀ କହିଥିଲେ ଯେ, ଓଡ଼ିଶାରେ ମହିଳାଙ୍କ ନେତୃତ୍ୱରେ ଚାଲୁଥିବା ଉଦ୍ୟମର ହାର ପୂର୍ବରୁ ୨୫ ପ୍ରତିଶତ ଥିବା ବେଳେ ବର୍ତ୍ତମାନ ତାହା ୫୩ ପ୍ରତିଶତକୁ ବୃଦ୍ଧି ପାଇଛି। ଏହା ରାଜ୍ୟର ଆର୍ଥିକ ଓ ଶିଳ୍ପ କ୍ଷେତ୍ରରେ ମହିଳାଙ୍କ ବଢୁଥିବା ଅବଦାନକୁ ସ୍ପଷ୍ଟ କରୁଛି।
ସେ କହିଥିଲେ, “ମହିଳାମାନେ ଆଜି ବିଭିନ୍ନ କ୍ଷୁଦ୍ର ବ୍ୟବସାୟ ଓ ଉଦ୍ୟମରେ ସଫଳତାର ସହ କାମ କରୁଛନ୍ତି। ସେମାନଙ୍କ ଭାଗୀଦାରି ୫୩ ପ୍ରତିଶତକୁ ଅତିକ୍ରମ କରିଛି। ନୀତି ଆୟୋଗଙ୍କ ସହଯୋଗରେ ଆରମ୍ଭ ହୋଇଥିବା WEP-Odisha ମାଧ୍ୟମରେ ମହିଳାମାନେ ଆହୁରି ସଶକ୍ତ ହେବେ ଏବଂ ନିଯୁକ୍ତି ଖୋଜିବା ବଦଳରେ ନିଯୁକ୍ତି ସୃଷ୍ଟି କରିବେ।”
ଏହି ଅବସରରେ ମୁଖ୍ୟମନ୍ତ୍ରୀ WEP-Odisha Chapter ପାଇଁ ଏକ ବର୍ଷିଆ କାର୍ଯ୍ୟଯୋଜନା (Action Plan) ମଧ୍ୟ ଉନ୍ମୋଚନ କରିଥିଲେ। ଏଥିରେ ଋଣ ସଂଯୋଗ (Credit Linkage), ବ୍ୟବସାୟ ଅନୁମୋଦନ ଓ ବିଭିନ୍ନ ନିୟାମକୀୟ ସୁବିଧା ପାଇଁ ଲକ୍ଷ୍ୟ ନିର୍ଦ୍ଧାରଣ କରାଯାଇଛି।
ନୂତନ ପ୍ଲାଟଫର୍ମ ଅଧୀନରେ ମିଶନ ଶକ୍ତି, MSME ବିଭାଗ, ଷ୍ଟାର୍ଟଅପ୍ ଓଡ଼ିଶା, ବ୍ୟାଙ୍କ ଓ ବିଭିନ୍ନ ଶିଳ୍ପ ସଂଗଠନକୁ ଏକ ମଞ୍ଚରେ ଆଣାଯିବ। ଏହା ମାଧ୍ୟମରେ ମହିଳା ଉଦ୍ୟମୀମାନେ ବିଭିନ୍ନ ସରକାରୀ କାର୍ଯ୍ୟାଳୟକୁ ଯିବା ବିନା ଏକ ସ୍ଥାନରୁ ସମସ୍ତ ଆବଶ୍ୟକ ସେବା ପାଇପାରିବେ।
ଏହି ପ୍ଲାଟଫର୍ମ ମାଧ୍ୟମରେ ଆର୍ଥିକ ସହାୟତା, ଦେଶୀ ଓ ଆନ୍ତର୍ଜାତୀୟ ବଜାର ସଂଯୋଗ, କର୍ପୋରେଟ୍ ମେଣ୍ଟରସିପ୍, ବୈଷୟିକ ପ୍ରଶିକ୍ଷଣ ଓ ଦକ୍ଷତା ବିକାଶ ସୁବିଧା ଉପଲବ୍ଧ ହେବ।
ରାଜ୍ୟ ସରକାରଙ୍କ ଲକ୍ଷ୍ୟ ହେଉଛି ମହିଳାଙ୍କ ଦ୍ୱାରା ପରିଚାଳିତ କ୍ଷୁଦ୍ର ଓ ମଧ୍ୟମ ଉଦ୍ୟମଗୁଡ଼ିକୁ ଆବଶ୍ୟକ ଆର୍ଥିକ ଓ ପ୍ରଶାସନିକ ସହଯୋଗ ଯୋଗାଇ ସେଗୁଡ଼ିକୁ ଅଧିକ ସଶକ୍ତ ଓ ସ୍ଥାୟୀ କରିବା।
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଆମେରିକାର ମାସାଚୁସେଟ୍ସରେ ନିଜ ୩ ଛୋଟ ସନ୍ତାନଙ୍କ ମୃତ୍ୟୁ...
ମହାରାଷ୍ଟ୍ରର ପୁଣେ ଓ ପିମ୍ପ୍ରି-ଚିଞ୍ଚୱାଡ ଅଞ୍ଚଳରେ ରବିବା...
ମାଢ଼ି ରୋଗ ଏବଂ ଆଲ୍ଜାଇମର୍ସ ରୋଗ ମଧ୍ୟରେ କୌଣସି ସମ୍ପର୍କ...
ମଧ୍ୟପ୍ରଦେଶର ସାଗର ଜିଲ୍ଲାରେ କଥିତ ଭାବେ ବିଷାକ୍ତ ମଦ ପିଇ...
ପ୍ରାୟ ଏକ ଦଶନ୍ଧି ଧରି ପଶ୍ଚିମବଙ୍ଗରେ ମମତା ବାନାର୍ଜୀ ସରକ...
ଦିଲ୍ଲୀର ସତ୍ୟ ନିକେତନରେ ‘Hostel Daze’ ନା...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
