B.Tech ପଢ଼ିବାକୁ ଇଚ୍ଛୁକ ଛାତ୍ରଛାତ୍ରୀଙ୍କ ପାଇଁ ବଡ଼ ଖବର। Vellore Institute of Technology (VIT) ପକ୍ଷରୁ VIT Engineering Entrance Examination (VITEEE) 2027 ପାଇଁ ଅନଲାଇନ୍ ଆବେଦନ ପ୍ରକ୍ରିୟା ଆରମ୍ଭ ହୋଇଛି। VITର ଅଧିକୃତ ସୂଚନା ଅନୁଯାୟୀ, 2027-28 ଶିକ୍ଷାବର୍ଷ ପାଇଁ B.Tech ନାମଲେଖା VITEEE 2027 ର୍ୟାଙ୍କ ଆଧାରିତ କାଉନସେଲିଂ ମାଧ୍ୟମରେ ହେବ। 

ଆବେଦନର ଗୁରୁତ୍ୱପୂର୍ଣ୍ଣ ତାରିଖ: VITEEE 2027 ପାଇଁ ଅନଲାଇନ୍ ଆବେଦନ 20 ଅକ୍ଟୋବର 2026ରୁ ଆରମ୍ଭ ହୋଇଛି। ଆବେଦନ କରିବାର ଶେଷ ତାରିଖ 31 ମାର୍ଚ୍ଚ 2027। ପରୀକ୍ଷା 27 ଏପ୍ରିଲରୁ 2 ମେ 2027 ମଧ୍ୟରେ ଅନୁଷ୍ଠିତ ହେବାର ସମ୍ଭାବନା ରହିଛି। ଏହାପରେ ମେ’ର ଦ୍ୱିତୀୟ ସପ୍ତାହରୁ ଫଳ ପ୍ରକାଶ ଓ ଅନଲାଇନ୍ କାଉନସେଲିଂ ଆରମ୍ଭ ହେବାର ସୂଚନା ରହିଛି। ଏହି ତାରିଖଗୁଡ଼ିକ ମଧ୍ୟରୁ ପରୀକ୍ଷା, ଆଡମିଟ୍ କାର୍ଡ ଓ ଫଳ ପ୍ରକାଶ ତାରିଖକୁ VIT ପକ୍ଷରୁ tentative ବୋଲି ଦର୍ଶାଯାଇଛି।

କିଏ ଆବେଦନ କରିପାରିବେ? VITର ନିୟମ ଅନୁଯାୟୀ, 2025 କିମ୍ବା 2026ରେ Class XII/HSC ପାସ୍ କରିଥିବା କିମ୍ବା 2027ରେ Class XII ପରୀକ୍ଷା ଦେବାକୁ ଥିବା ପ୍ରାର୍ଥୀମାନେ VITEEE 2027 ପାଇଁ ଆବେଦନ କରିପାରିବେ। 2024 କିମ୍ବା ତା'ପୂର୍ବରୁ Class XII ପାସ୍ କରିଥିବା ପ୍ରାର୍ଥୀମାନେ ଯୋଗ୍ୟ ନୁହନ୍ତି।

PCM ପ୍ରାର୍ଥୀଙ୍କ ପାଇଁ Class XIIରେ Physics, Chemistry ଓ Mathematicsରେ ମୋଟ 60% ଏବଂ Mathematicsରେ ଅତିକମରେ 50% ମାର୍କ ଆବଶ୍ୟକ। SC/ST ଏବଂ ନିର୍ଦ୍ଦିଷ୍ଟ ଅଞ୍ଚଳର ପ୍ରାର୍ଥୀଙ୍କ ପାଇଁ କିଛି ଶିଥିଳତା ରହିଛି। 

VITEEE 2027 ଏକ Computer-Based Test (CBT) ହେବ ଏବଂ ପରୀକ୍ଷାର ସମୟସୀମା 2 ଘଣ୍ଟା। MPCEA ପ୍ୟାଟର୍ନରେ Mathematicsରୁ 40, Physics 25, Chemistry 25, English 5 ଓ Aptitudeରୁ 5ଟି ପ୍ରଶ୍ନ ରହିବ। PCB ପ୍ରାର୍ଥୀଙ୍କ ପାଇଁ Biology 40, Physics 25, Chemistry 25, English 5 ଓ Aptitude 5ଟି ପ୍ରଶ୍ନ ରହିବ। ପ୍ରତ୍ୟେକ ସଠିକ୍ ଉତ୍ତର ପାଇଁ 4 ମାର୍କ ଏବଂ ଭୁଲ୍ ଉତ୍ତର ପାଇଁ 1 ମାର୍କ କଟିବ। 

VITର B.Tech କାର୍ଯ୍ୟକ୍ରମରେ Computer Science and Engineering, Artificial Intelligence and Machine Learning, Information Technology, Electronics and Communication Engineering, Mechanical Engineering, Biotechnology ସମେତ ବିଭିନ୍ନ ଇଞ୍ଜିନିୟରିଂ ବିଷୟ ଉପଲବ୍ଧ ରହିଛି।

ପ୍ରାର୍ଥୀମାନେ କେବଳ VITର ଅଧିକୃତ ୱେବସାଇଟ୍ ମାଧ୍ୟମରେ ଆବେଦନ କରିବାକୁ VIT ପକ୍ଷରୁ ପରାମର୍ଶ ଦିଆଯାଇଛି। VITEEE 2027ରେ ର୍ୟାଙ୍କ ହାସଲ କରିବା ପରେ ଅନଲାଇନ୍ କାଉନସେଲିଂ ମାଧ୍ୟମରେ କ୍ୟାମ୍ପସ୍ ଓ ପ୍ରୋଗ୍ରାମ୍ ବାଛିବାର ସୁଯୋଗ ମିଳିବ।