ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ଦିନକୁ ଦିନ ନୂଆ ନୂଆ ଖେଳାଳିଙ୍କୁ ଷ୍ଟାର କରିବାର ମଞ୍ଚ ହୋଇଉଠିଛି। ୨୦୦୮ ରୁ ଆରମ୍ଭ ହୋଇ ୨୦୨୬ ପର୍ଯ୍ୟନ୍ତ ଅନେକ ଖେଳାଳି ଏହି ଲିଗ୍ ମାଧ୍ୟମରେ ନିଜ ପରିଚୟ ସୃଷ୍ଟି କରିଛନ୍ତି। ଆଇପିଏଲ୍ ୨୦୨୬ରେ ପ୍ରଫୁଲ ହିଙ୍ଗ ଏବଂ ସାକିବ ହୁସେନ ଡେବ୍ୟୁ ମ୍ୟାଚ୍ରେ ୪ଟି ଲେଖାଏଁ ଓ୍ୱିକେଟ୍ ନେଇ ଚର୍ଚ୍ଚାରେ ରହିଥିବାବେଳେ, ଏବେ ସବୁଠୁ ଅଧିକ ଚର୍ଚ୍ଚିତ ନାମ ହେଉଛି ରାଜସ୍ଥାନ ରୋୟାଲ୍ସର ଯୁବ ଓପନର ବୈଭବ ସୂର୍ଯ୍ୟବଂଶୀ।
ବୈଭବଙ୍କ ବ୍ୟାଟିଂ ଶୈଳୀ ଏବେ ବିରୋଧୀ ବୋଲରମାନଙ୍କ ପାଇଁ ଏକ ବଡ଼ ବିପଦ ସାବିତ ହେଉଛି। ୨୦୨୫ ରେ ଯେପରି ତାଙ୍କୁ ନେଇ ଚର୍ଚ୍ଚା ଥିଲା, ୨୦୨୬ରେ ସେହି ଚର୍ଚ୍ଚା ଅନେକ ଗୁଣା ବଢ଼ିଯାଇଛି।
ଜାତୀୟ ଗଣମାଧ୍ୟମରେ ପ୍ରକାଶିତ ଏକ ରିପୋର୍ଟ ଅନୁସାରେ, ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ (BCCI) ଖୁବ ଶୀଘ୍ର ବୈଭବଙ୍କୁ ସିନିୟର ଟିମ୍ରେ ସୁଯୋଗ ଦେଇପାରେ। ଆଇପିଏଲ୍ ୨୦୨୬ ସମାପ୍ତ ହେବା ପରେ ଭାରତୀୟ ଦଳ ଆୟରଲ୍ୟାଣ୍ଡ ଗସ୍ତ କରିବ, ଯେଉଁଠାରେ ଜୁନ୍ ୨୬ ଏବଂ ଜୁନ୍ ୨୮ ତାରିଖରେ ଦୁଇଟି ଟି-୨୦ ମ୍ୟାଚ୍ ଖେଳିବାର କାର୍ଯ୍ୟକ୍ରମ ରହିଛି।
ଯଦି ବୈଭବଙ୍କୁ ଏହି ଗସ୍ତ ପାଇଁ ଚୟନ କରାଯାଏ, ତେବେ ସେ ଭାରତ ପକ୍ଷରୁ ସବୁଠୁ କମ୍ ବୟସରେ ଅନ୍ତର୍ଜାତୀୟ କ୍ରିକେଟ୍ ଡେବ୍ୟୁ କରିବାରେ ରେକର୍ଡ ସୃଷ୍ଟି କରିବେ। ବର୍ତ୍ତମାନ ବୈଭବଙ୍କ ବୟସ ୧୫ ବର୍ଷ। ଏହାପୂର୍ବରୁ ସଚିନ ତେନ୍ଦୁଲକର ୧୬ ବର୍ଷ ୨୦୫ ଦିନ ବୟସରେ ଭାରତ ପାଇଁ ଡେବ୍ୟୁ କରିଥିଲେ।
ବୈଭବ ସୂର୍ଯ୍ୟବଂଶୀ ଏପର୍ଯ୍ୟନ୍ତ ଆଇପିଏଲ୍ରେ ୧୨ଟି ମ୍ୟାଚ୍ ଖେଳି ଗୋଟିଏ ଶତକ ଏବଂ ୩ଟି ଅର୍ଦ୍ଧଶତକ ସହ ୪୫୨ ରନ୍ ସଂଗ୍ରହ କରିଛନ୍ତି। ତାଙ୍କର ଷ୍ଟ୍ରାଇକ୍ ରେଟ୍ ୨୨୮.୨୮ ରହିଛି, ଯାହା ତାଙ୍କର ଆକ୍ରମଣାତ୍ମକ ବ୍ୟାଟିଂକୁ ପ୍ରମାଣ କରେ।
ଏବେ ସବୁଠୁ ବଡ଼ ପ୍ରଶ୍ନ ହେଉଛି— ବୈଭବ ଟିମ୍ ଇଣ୍ଡିଆରେ କାହା ସ୍ଥାନ ନେଇପାରିବେ? ବର୍ତ୍ତମାନ ଟି-୨୦ ଦଳରେ ଅଭିଷେକ ଶର୍ମା, ସଞ୍ଜୁ ସାମସନ ଏବଂ ଇଶାନ କିଷାନ ଟପ୍ ଅର୍ଡରରେ ଭଲ ପ୍ରଦର୍ଶନ କରୁଛନ୍ତି। ତେବେ ଆୟରଲ୍ୟାଣ୍ଡ ଗସ୍ତ ପାଇଁ ବିସିସିଆଇ ଯୁବ ଦଳ ଚୟନ କରିପାରେ ଏବଂ ଅନେକ ବରିଷ୍ଠ ଖେଳାଳିଙ୍କୁ ବିଶ୍ରାମ ମିଳିପାରେ।
ଏପରି ପରିସ୍ଥିତିରେ ବୈଭବ ସୂର୍ଯ୍ୟବଂଶୀଙ୍କୁ ଦଳରେ ସାମିଲ କରାଯାଇଲେ, ତାଙ୍କ ପାଇଁ ଅନ୍ତର୍ଜାତୀୟ କ୍ରିକେଟ୍ରେ ଏକ ନୂଆ ଅଧ୍ୟାୟ ଆରମ୍ଭ ହେବ।
ପାକିସ୍ତାନ ଗସ୍ତରେ ଥିବା କାନାଡାର ବୈଦେଶିକ ମନ୍ତ୍ରୀ ତଥା...
ଗାଜା ଷ୍ଟ୍ରିପରେ ଇସ୍ରାଏଲ ବ୍ୟାପକ ଭାବେ ମାଟିର କାନ୍ଥ ନିର...
ଆସନ୍ତାବାହୁଡ଼ା ଯାତ୍ରାର ସୁରୁଖୁରୁ ପରିଚାଳନା ପାଇଁ ମୁଖ୍ୟ...
ଫିଲ୍ମୀ ଶୈଳୀରେ ଏକ ହୀରା ଚୋରି ଘଟଣା ଏବେ ଚର୍ଚ୍ଚାର ବିଷୟ...
ଦିଲ୍ଲୀର ଜନ୍ତର ମନ୍ତରରେ **‘କୋକରୋଚ୍ ଜନତା ପାର୍ଟି...
ସାଇବର ଠକମାନେ ଏବେ ସୋସିଆଲ ମିଡିଆ ପ୍ଲାଟଫର୍ମ ‘X&r...
ସିଏମ୍ଓରୁ ଫାଇଲ ହଜିବା ମାମଲାରେ ନିର୍ଦ୍ଧାରିତ ସମୟ ସରିଥିଲ...
ରାଜ୍ୟରେ ଲଗାଣ ବର୍ଷା ଜାରି ରହିଥିବା ବେଳେ ବାଲେଶ୍ୱର ଜିଲ୍...
ସିଜେପି (Cockroach Janata Party) ଆନ୍ଦୋଳନକୁ ସମର୍ଥନ ଜ...
ଅନୁଗୁଳ ଜିଲ୍ଲାର ଆଠମଲ୍ଲିକ ଅଞ୍ଚଳରେ ଅବକାରୀ ବିଭାଗକୁ ଏକ...
ପଶ୍ଚିମ ନେପାଳରେ ବୁଧବାର ପ୍ରତ୍ୟୁଷରେ ଏକ ମୃଦୁ ଭୂମିକମ୍ପ...
ଜାପାନରେ ପ୍ରବଳ ତାତି ଓ ଗ୍ରୀଷ୍ମ ପ୍ରବାହ ଜନଜୀବନକୁ ବିପର୍...
