ଓଡ଼ିଶାର ଅଗ୍ରଣୀ ବହୁବିଶେଷଜ୍ଞ ଚିକିତ୍ସାଳୟଉତ୍କଳ ହସ୍ପିଟାଲ, ନୀଳାଦ୍ରି ବିହାର, ଭୁବନେଶ୍ୱର ପକ୍ଷରୁ ବିଶ୍ୱ ହେପାଟାଇଟିସ୍ ଦିବସ–୨୦୨୬ ପାଳନ କରାଯାଇଛି। ହସ୍ପିଟାଲର ବେସମେଣ୍ଟ ଅଡିଟୋରିୟମରେ ଆୟୋଜିତ ଏହି ସଚେତନତା କାର୍ଯ୍ୟକ୍ରମରେ ହେପାଟାଇଟିସ୍ ସମ୍ପର୍କରେ ସାଧାରଣ ଲୋକଙ୍କ ମଧ୍ୟରେ ସଚେତନତା ବୃଦ୍ଧି, ଶୀଘ୍ର ରୋଗ ଚିହ୍ନଟ ଏବଂ ପ୍ରତିରୋଧମୂଳକ ବ୍ୟବସ୍ଥା ଗ୍ରହଣ ଉପରେ ଗୁରୁତ୍ୱ ଦିଆଯାଇଥିଲା।

ଚଳିତ ବର୍ଷର ବିଷୟବସ୍ତୁ"Hepatitis: Let's Break It Down"ମାଧ୍ୟମରେ ହେପାଟାଇଟିସ୍ ସମ୍ପର୍କିତ ସଚେତନତା, ପରୀକ୍ଷା, ଚିକିତ୍ସା ଓ ସ୍ୱାସ୍ଥ୍ୟସେବାରେ ଥିବା ବାଧାକୁ ଦୂର କରିବାର ବାର୍ତ୍ତା ଦିଆଯାଇଥିଲା।

ଏହି ଅବସରରେ ଗ୍ୟାଷ୍ଟ୍ରୋଏଣ୍ଟେରୋଲୋଜି ବିଭାଗର ଡାଇରେକ୍ଟର ପ୍ରଫେସର (ଡ଼ଃ) ଚିତ୍ତରଞ୍ଜନ ପଣ୍ଡା, ବରିଷ୍ଠ ପରାମର୍ଶଦାତା ଡ଼ଃ ସୁବାଶ ଚନ୍ଦ୍ର ସାମଲ, ଡ଼ଃ ବିଜୟ ମିଶ୍ର ଏବଂ ଡ଼ଃ ଅନନ୍ତ ଅଗସ୍ତି ହେପାଟାଇଟିସ୍ ନିରାକରଣ ପାଇଁ ସମସ୍ତଙ୍କ ମିଳିତ ପ୍ରୟାସର ଆବଶ୍ୟକତା ଉପରେ ଆଲୋକପାତ କରିଥିଲେ।

ସେମାନେ କହିଥିଲେ ଯେ, ଶୀଘ୍ର ପରୀକ୍ଷା, ସମୟୋପଯୋଗୀ ଚିକିତ୍ସା, ଟିକାକରଣ ଏବଂ ସୁସ୍ଥ ଜୀବନଶୈଳୀ ଅବଲମ୍ବନ ମାଧ୍ୟମରେ ଯକୃତ ରୋଗକୁ ବହୁ ପରିମାଣରେ ପ୍ରତିରୋଧ କରାଯାଇପାରିବ।

ବକ୍ତାମାନେ"Build It Back Better – Together We Can Eliminate Hepatitis"ବାର୍ତ୍ତା ଦେଇ କହିଥିଲେ ଯେ, ସଚେତନତା, ଶୀଘ୍ର ଚିହ୍ନଟ ଏବଂ ଠିକ୍ ସମୟରେ ଚିକିତ୍ସା ହିଁ ହେପାଟାଇଟିସ୍ ମୁକ୍ତ ସମାଜ ଗଢ଼ିବାର ମୂଳ ଚାବିକାଠି। ସେମାନେ ସମସ୍ତଙ୍କୁ"ହେପାଟାଇଟିସ୍କୁ ପ୍ରତିରୋଧ କରନ୍ତୁ, ନିଜ ଯକୃତକୁ ସୁରକ୍ଷା ଦିଅନ୍ତୁ, ଜୀବନକୁ ସୁରକ୍ଷିତ ରଖନ୍ତୁ"ବୋଲି ଆହ୍ୱାନ ଜଣାଇଥିଲେ।

ପ୍ରତିବର୍ଷ ଜୁଲାଇ ୨୮ ତାରିଖରେହେପାଟାଇଟିସ୍-ବି ଭାଇରସ୍ର ଆବିଷ୍କାରକ ତଥା ପ୍ରଥମ ହେପାଟାଇଟିସ୍-ବି ଟିକାର ବିକାଶକାରୀ ନୋବେଲ ବିଜେତା ବୈଜ୍ଞାନିକ ଡ଼ଃ ବାରୁଚ୍ ବ୍ଲମ୍ବର୍ଗଙ୍କ ଜନ୍ମବାର୍ଷିକୀଅବସରରେ ବିଶ୍ୱ ହେପାଟାଇଟିସ୍ ଦିବସ ପାଳନ କରାଯାଏ।

କାର୍ଯ୍ୟକ୍ରମରେ ପ୍ରଫେସର (ଡ଼ଃ) ଏସ୍. ପି. ସିଂହ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ଏହା ସହିତ ଡ଼ଃ ପ୍ରଜ୍ଞାନ ରଞ୍ଜନ ଘଡ଼େଇ, ଶ୍ରୀ ବି. କେ. ସୁବୋଧ ସିଂହ, ପ୍ରଫେସର (ଡ଼ଃ) ପି. କେ. ଦାସ, ଡ଼ଃ ବିଷ୍ଣୁ ପ୍ରସାଦ ନନ୍ଦଙ୍କ ସମେତ ହସ୍ପିଟାଲର ବରିଷ୍ଠ ଡାକ୍ତର, ନର୍ସିଂ କର୍ମଚାରୀ, କର୍ମଚାରୀ ଓ ଛାତ୍ରଛାତ୍ରୀମାନେ ଉପସ୍ଥିତ ଥିଲେ।

ଶେଷରେ ସଚେତନତା କାର୍ଯ୍ୟକ୍ରମର ସଫଳ ଅଂଶଗ୍ରହଣକାରୀଙ୍କୁ ପୁରସ୍କୃତ କରାଯାଇଥିଲା ଏବଂ କେକ୍ କାଟି ବିଶ୍ୱ ହେପାଟାଇଟିସ୍ ଦିବସ ପାଳନର ସମାପନ କରାଯାଇଥିଲା। ଏହି ଅବସରରେ ଉତ୍କଳ ହସ୍ପିଟାଲ ଭାଇରାଲ୍ ହେପାଟାଇଟିସ୍ ନିରାକରଣ ଓ ସମାଜରେ ସଚେତନତା ସୃଷ୍ଟି ପ୍ରତି ନିଜର ପ୍ରତିବଦ୍ଧତାକୁ ପୁନର୍ବ୍ୟକ୍ତ କରିଛି।