ଆମେରିକା ଓ ଇରାନ ମଧ୍ୟରେ ପୁଣି ଥରେ ସଂଘର୍ଷ ତୀବ୍ର ହୋଇଥିବା ବେଳେ ଉଭୟ ଦେଶ ପରସ୍ପର ଉପରେ ଆକ୍ରମଣ ଜାରି ରଖିଛନ୍ତି। ଏହି ପରିସ୍ଥିତିରେ ଓମାନ ଉପସାଗର କୂଳରେ ଅବସ୍ଥିତ ଇରାନର ଗୁରୁତ୍ୱପୂର୍ଣ୍ଣଚାବାହାର ବନ୍ଦରଆମେରିକାର ଆକ୍ରମଣରେ କ୍ଷତିଗ୍ରସ୍ତ ହୋଇଥିବା ଦାବି କରାଯାଇଛି।

ଗୁରୁବାର ହୋଇଥିବା ଆକ୍ରମଣରେ ବନ୍ଦରର ଏକନିରୀକ୍ଷଣ ଟାୱାର ଭୁଶୁଡ଼ି ପଡ଼ିଥିବାସୂଚନା ମିଳିଛି। ଏହି ବନ୍ଦର ଆଫଗାନିସ୍ତାନ ପାଇଁ ଏକ ପ୍ରମୁଖ ବାଣିଜ୍ୟିକ ମାର୍ଗ ହେବା ସହ ଭାରତର ସହଯୋଗରେ ଏହାର ବିକାଶ କାର୍ଯ୍ୟ ଚାଲିଥିଲା। ତେଣୁ ଏହି ଆକ୍ରମଣ ଆଞ୍ଚଳିକ ବାଣିଜ୍ୟ ଓ ରଣନୀତିକ ଦୃଷ୍ଟିରୁ ଗୁରୁତ୍ୱ ବହନ କରୁଛି।

ସୋସିଆଲ ମିଡିଆରେ ଚାବାହାର ବନ୍ଦରର କ୍ଷତିଗ୍ରସ୍ତ ଟାୱାରର ଦୃଶ୍ୟ ଭାଇରାଲ ହୋଇଥିବା ବେଳେ, ଆମେରିକାର ପ୍ରତିରକ୍ଷା ସଚିବପିଟ୍ ହେଗସେଥ୍ମଧ୍ୟ ଏକ ଫଟୋ ସେୟାର କରିଛନ୍ତି। ସେହି ଫଟୋରେ ଏକ ଟାୱାର ଭୁଶୁଡ଼ି ପଡ଼ୁଥିବା ସହ ଚାରିପାଖରେ ଧୂଳି ଓ ଧୂଆଁ ଉଠୁଥିବା ଦେଖାଯାଉଛି।

ରିପୋର୍ଟ ଅନୁଯାୟୀ, ଆମେରିକା ପକ୍ଷରୁ ଚାବାହାର ବନ୍ଦର ଉପରେ ବାରମ୍ବାର ଆକ୍ରମଣ କରାଯାଉଛି। ଇରାନୀ ଗଣମାଧ୍ୟମ ତୃତୀୟ ପର୍ଯ୍ୟାୟ ଆକ୍ରମଣର ସୂଚନା ଦେଇଥିଲେ ମଧ୍ୟ ଟାୱାର ଭୁଶୁଡ଼ି ପଡ଼ିବା ଘଟଣାକୁ ତୁରନ୍ତ ସରକାରୀ ଭାବେ ସ୍ୱୀକାର କରିନାହାନ୍ତି।

ଏହି ଆକ୍ରମଣରେ୮ ଜଣଙ୍କ ମୃତ୍ୟୁଓ୨୦ ଜଣ ଆହତହୋଇଥିବା ଇରାନର ଜାତୀୟ ଗଣମାଧ୍ୟମ ରିପୋର୍ଟ କରିଛି। ତେବେ ଏହି ଦାବିର ସ୍ୱାଧୀନ ଭାବେ ପୁଷ୍ଟି ହୋଇନାହିଁ। ଉଭୟ ଦେଶ ମଧ୍ୟରେ ବଢ଼ୁଥିବା ଉତ୍ତେଜନା ମଧ୍ୟପ୍ରାଚ୍ୟର ସୁରକ୍ଷା ପରିସ୍ଥିତିକୁ ଆହୁରି ଜଟିଳ କରିପାରେ।