ଆମେରିକାରସେଣ୍ଟ୍ରାଲ କମାଣ୍ଡ (CENTCOM)ଶନିବାର (ସ୍ଥାନୀୟ ସମୟ) ଇରାନ ବିରୋଧରେ ଏହି ସପ୍ତାହରତୃତୀୟ ପର୍ଯ୍ୟାୟ ସାମରିକ ଆକ୍ରମଣସମ୍ପୂର୍ଣ୍ଣ କରିଥିବା ଦାବି କରିଛି। CENTCOM କହିଛି ଯେ, ହର୍ମୁଜ୍ ପ୍ରଣାଳୀରେ ଏକ ବାଣିଜ୍ୟିକ ଜାହାଜ ଉପରେ ହୋଇଥିବା ଆକ୍ରମଣର ଜବାବ ସ୍ୱରୂପ ଏହି ପଦକ୍ଷେପ ନିଆଯାଇଛି।

CENTCOM ଅନୁଯାୟୀ, ସ୍ଥଳ, ସମୁଦ୍ର ଓ ଆକାଶପଥରୁ ଯୁଦ୍ଧ ବିମାନ, ଡ୍ରୋନ୍ ଏବଂ ନୌସେନା ଜାହାଜ ମାଧ୍ୟମରେପ୍ରାୟ ୧୪୦ଟି ଇରାନୀ ସାମରିକ ଲକ୍ଷ୍ୟସ୍ଥଳଉପରେ ସଠିକ୍ ଅସ୍ତ୍ର (Precision Munitions) ବ୍ୟବହାର କରି ଆକ୍ରମଣ କରାଯାଇଛି।

ଆକ୍ରମଣର ଲକ୍ଷ୍ୟସ୍ଥଳ ମଧ୍ୟରେ କ୍ଷେପଣାସ୍ତ୍ର ଓ ଡ୍ରୋନ୍ ଘାଟି, ନୌସେନା କ୍ଷମତା, ଗୋଳାବାରୁଦ ଭଣ୍ଡାର, ଯୋଗାଯୋଗ ବ୍ୟବସ୍ଥା ଏବଂ ଉପକୂଳ ନିରୀକ୍ଷଣ କେନ୍ଦ୍ର ସାମିଲ ଥିବା ଦାବି କରାଯାଇଛି।

CENTCOM କହିଛି ଯେ, ଗତ ତିନି ରାତି ଧରି ମୋଟ୩୦୦ରୁ ଅଧିକ ଲକ୍ଷ୍ୟସ୍ଥଳଉପରେ ଆକ୍ରମଣ କରାଯାଇଛି। ଏହାର ଉଦ୍ଦେଶ୍ୟ ହେଉଛି ହର୍ମୁଜ୍ ପ୍ରଣାଳୀ ଦେଇ ଯାଉଥିବା ବାଣିଜ୍ୟିକ ଜାହାଜ ଉପରେ ଇରାନର ଆକ୍ରମଣ କ୍ଷମତାକୁ ଦୁର୍ବଳ କରିବା।

ଆମେରିକା ଆହୁରି ଦାବି କରିଛି ଯେ, ମେ ମାସ ଆରମ୍ଭରୁ ଏପର୍ଯ୍ୟନ୍ତ ତାହାର ସାମରିକ ବାହିନୀ୮୦୦ରୁ ଅଧିକ ବାଣିଜ୍ୟିକ ଜାହାଜଏବଂ ପ୍ରାୟ୪୦ କୋଟି ବ୍ୟାରେଲ୍ ଅଶୋଧିତ ତୈଳର ସୁରକ୍ଷିତ ପରିବହନରେ ସହଯୋଗ କରିଛି।

ଏହାପୂର୍ବରୁ ସେହି ଦିନସାଇପ୍ରସ ପତାକାବାହୀ କଣ୍ଟେନର ଜାହାଜ M/V GFS Galaxyଉପରେ ହର୍ମୁଜ୍ ପ୍ରଣାଳୀରେ ଆକ୍ରମଣ ହୋଇଥିବା ଦାବି କରିଥିଲା CENTCOM। ଏଥିରେ ଜଣେ ସାଧାରଣ କ୍ରୁ ସଦସ୍ୟ ନିଖୋଜ ଥିବା ସହ ଜାହାଜରେ ନିଆଁ ଲାଗିଥିବା ଏବଂ ଇଞ୍ଜିନ୍ ରୁମ୍ରେ ବ୍ୟାପକ କ୍ଷତି ଘଟିଥିବା କୁହାଯାଇଛି।

CENTCOMର କହିବା ଅନୁଯାୟୀ, ବାଣିଜ୍ୟିକ ଜାହାଜ ଉପରେ ପୂର୍ବରୁ ହୋଇଥିବା ଆକ୍ରମଣ ପରେ ଇରାନକୁ ପରିସ୍ଥିତି ସୁଧାରିବାର ସୁଯୋଗ ଦିଆଯାଇଥିଲା। କିନ୍ତୁ ତାହା କରିବାରେ ଇରାନ ବିଫଳ ହୋଇଥିବାରୁ ଏହି ପ୍ରତିଆକ୍ରମଣ କରାଯାଇଛି ବୋଲି ଆମେରିକା ଦାବି କରିଛି।