ହଲିଉଡ୍ର ଚର୍ଚ୍ଚିତ ଯୋଡ଼ିଟମ୍ ହଲାଣ୍ଡଓଜେଣ୍ଡାୟାନିଜ ବିବାହକୁ ନେଇ ଏବେ ପୁଣି ଚର୍ଚ୍ଚାରେ। ସେମାନଙ୍କ ବିବାହକୁ ଆଧାର କରି ପ୍ରସ୍ତୁତ ଏକ AI ଭିଡିଓ ସୋସିଆଲ୍ ମିଡିଆରେ ବେଶ ଭାଇରାଲ୍ ହେଉଛି।

ଏହି AI ଭିଡିଓରେ ଟମ୍ ହଲାଣ୍ଡ ଓ ଜେଣ୍ଡାୟାଙ୍କ ବିବାହକୁ ଦକ୍ଷିଣ ଭାରତୀୟ ପରମ୍ପରାରେ ଚିତ୍ରଣ କରାଯାଇଛି। ଜେଣ୍ଡାୟା ପାରମ୍ପରିକ ସାଉଥ୍ ଇଣ୍ଡିଆନ୍ ବଧୂ ବେଶରେ ନଜର ଆସିଥିବା ବେଳେ ସମଗ୍ର ବିବାହ ଉତ୍ସବକୁ ଦେଶୀ ରଙ୍ଗରେ ସଜାଯାଇଛି।

ଭିଡିଓରେ ମାର୍ଭେଲ୍ ସିନେମାଟିକ୍ ୟୁନିଭର୍ସ (MCU)ର ଅନେକ ଲୋକପ୍ରିୟ ଚରିତ୍ର ମଧ୍ୟ ସାମିଲ ହୋଇଛନ୍ତି। ଆଇରନ୍ ମ୍ୟାନ୍ (ଟୋନି ଷ୍ଟାର୍କ), କ୍ୟାପ୍ଟେନ୍ ଆମେରିକା, ନିକ୍ ଫ୍ୟୁରୀ ଓ ହ୍ୟାପି ହୋଗାନ୍ ବିବାହ ଉତ୍ସବରେ ମଜା କରୁଥିବା ଦେଖାଯାଇଛି।

ଭିଡିଓର ସବୁଠାରୁ ଆକର୍ଷଣୀୟ ଦୃଶ୍ୟ ହେଉଛି ଥର୍ ଓ ଲୋକିଙ୍କ ଭୂମିକା। ସୁପରହିରୋ ଭୂମିକା ଛାଡ଼ି ସେମାନେ ବିବାହ ରୋଷେଇରେ ବ୍ୟସ୍ତ ଥିବା ଦେଖାଯାଇଛନ୍ତି। ଏହି ଦୃଶ୍ୟ ଦର୍ଶକଙ୍କୁ ବେଶ ମନୋରଞ୍ଜନ ଦେଇଛି।

ଏହାପରେ ନବଦମ୍ପତି ଟମ୍ ଓ ଜେଣ୍ଡାୟା ପାରମ୍ପରିକ ଦକ୍ଷିଣ ଭାରତୀୟ ଭୋଜନର ସ୍ୱାଦ ଉପଭୋଗ କରୁଥିବା ଦୃଶ୍ୟ ମଧ୍ୟ ରହିଛି। ଶେଷରେ ସମସ୍ତ ଆଭେଞ୍ଜର୍ସ ଚରିତ୍ରଙ୍କ ସହ ନବଦମ୍ପତିଙ୍କ ଗ୍ରୁପ୍ ଫଟୋ ଏହି AI ଭିଡିଓକୁ ଆହୁରି ଆକର୍ଷଣୀୟ କରିଛି।

ଉଲ୍ଲେଖଯୋଗ୍ୟ, ଟମ୍ ହଲାଣ୍ଡ ନିକଟରେ ଜେଣ୍ଡାୟାଙ୍କ ସହ ବିବାହ କରିଥିବା କଥା ସାର୍ବଜନୀନ ଭାବେ ସ୍ୱୀକାର କରିଥିଲେ। ତେବେ ବିବାହ ସମ୍ପର୍କିତ ଅଧିକ ବିବରଣୀ ସେ ସାର୍ବଜନୀନ କରିନାହାନ୍ତି।