ଅନୁଗୁଳ ଜିଲ୍ଲାର ପାଲଲହଡ଼ା ନିକଟସ୍ଥ ମାଳ୍ୟଗିରି ପାହାଡ଼ରେ ଟ୍ରେକିଂ କରିବାକୁ ଯାଇଥିବା ୩ ଜଣ ଯୁବକ ଦୁର୍ଗମ ପାହାଡ଼ିଆ ଅଞ୍ଚଳରେ ଫସିଯାଇଥିବା ବେଳେ ସେମାନଙ୍କୁ ଉଦ୍ଧାର ପାଇଁ ବ୍ୟାପକ ଅଭିଯାନ ଚାଲିଛି।
ସୂଚନା ଅନୁଯାୟୀ, କେନ୍ଦୁଝର ସହର ଅଞ୍ଚଳର ୭ ଜଣ ଯୁବକ ବୁଧବାର ମାଳ୍ୟଗିରି ପାହାଡ଼କୁ ଟ୍ରେକିଂ ପାଇଁ ଯାଇଥିଲେ। ସେମାନଙ୍କ ମଧ୍ୟରୁ ୪ ଜଣ ସୁରକ୍ଷିତ ଭାବେ ପାହାଡ଼ରୁ ତଳକୁ ଫେରି ଆସିଥିବା ବେଳେ ଅନ୍ୟ ୩ ଜଣ ଦୁର୍ଗମ ପାହାଡ଼ିଆ ଅଞ୍ଚଳରେ ଫସି ଯାଇଥିଲେ ଏବଂ ଫେରିପାରି ନଥିଲେ।
ଘଟଣା ସମ୍ପର୍କରେ ସୂଚନା ପାଇବା ପରେ ଅଗ୍ନିଶମ ଓ ଜରୁରୀକାଳୀନ ସେବା ବିଭାଗର ଟିମ୍ ତୁରନ୍ତ ସର୍ଚ୍ଚ ଓ ରେସ୍କ୍ୟୁ ଅପରେସନ୍ ଆରମ୍ଭ କରିଥିଲେ।
ତେବେ ପାହାଡ଼ିଆ ଦୁର୍ଗମ ରାସ୍ତା, ଘଞ୍ଚ ଜଙ୍ଗଲ ଏବଂ ଲଗାଣ ବର୍ଷା ଯୋଗୁଁ ଉଦ୍ଧାର କାର୍ଯ୍ୟରେ ବାଧା ସୃଷ୍ଟି ହେଉଛି। ପ୍ରତିକୂଳ ପରିସ୍ଥିତି ସତ୍ତ୍ୱେ ଉଦ୍ଧାରକାରୀ ଦଳ ନିରନ୍ତର ପ୍ରୟାସ ଜାରି ରଖିଛନ୍ତି।
ଅଗ୍ନିଶମ ବିଭାଗର ଜଣେ ଅଧିକାରୀଙ୍କ କହିବା ଅନୁସାରେ, ବର୍ତ୍ତମାନ ସୁଦ୍ଧା ଫସିଥିବା ୩ ଜଣଙ୍କ ଜୀବନ ପ୍ରତି କୌଣସି ତୁରନ୍ତ ବିପଦର ସୂଚନା ମିଳିନାହିଁ। ପ୍ରାଥମିକ ସୂଚନା ଅନୁଯାୟୀ, ସେମାନେ ସୁରକ୍ଷିତ ଅଛନ୍ତି ଏବଂ ଉଦ୍ଧାରକାରୀ ଦଳର ବର୍ତ୍ତମାନ ସ୍ଥିତିଠାରୁ ପ୍ରାୟ ୭ କିଲୋମିଟର ଦୂରରେ ରହିଥିବା ଅନୁମାନ କରାଯାଉଛି।
ପ୍ରଶାସନ ପକ୍ଷରୁ ଖୁବ୍ ଶୀଘ୍ର ସମସ୍ତଙ୍କୁ ସୁରକ୍ଷିତ ଉଦ୍ଧାର କରାଯିବ ବୋଲି ଆଶା ପ୍ରକାଶ କରାଯାଇଛି। ସେହିପରି ବର୍ଷା ଋତୁରେ ପାହାଡ଼ିଆ ଓ ଜଙ୍ଗଲ ଅଞ୍ଚଳକୁ ଟ୍ରେକିଂ ପାଇଁ ଯିବା ପୂର୍ବରୁ ପର୍ଯ୍ୟଟକ ଓ ଟ୍ରେକରମାନଙ୍କୁ ସତର୍କତା ଅବଲମ୍ବନ କରିବାକୁ ପ୍ରଶାସନ ପରାମର୍ଶ ଦେଇଛି।
ମାଲାୟାଲମ୍ ସୁପରଷ୍ଟାରମମୁଟ୍ଟିଙ୍କ ୭୫ତମ ଜନ୍ମଦିନରେ ତାଙ୍କ...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଅଭିନେତ୍ରୀବିପାଶା ବାସୁନିଜ ଫିଲ୍ମ କ୍ୟାରିୟରର ଏକ ଗୁରୁତ୍ୱ...
**‘ମିର୍ଜାପୁର: ଦି ମୁଭି’**ରେ ଏକ ପ୍ରାୟ ୫୦...
‘ମିର୍ଜାପୁର: ଦି ମୁଭି’ବକ୍ସ ଅଫିସ୍ରେ ଜବରଦସ...
