ଭୁବନେଶ୍ୱରର ହୋଟେଲ୍ ପ୍ରେସିଡେନ୍ସିରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଆଗାମୀ ଓଡ଼ିଆ ଚଳଚ୍ଚିତ୍ର **‘ଦ ମିଲେଟ୍ ଡାଏରୀ’**ର ଟିଜର ଗୁରୁବାର ମୁକ୍ତିଲାଭ କରିଛି। ଇନଫିସନ୍ ଏଣ୍ଟରଟେନମେଣ୍ଟ ବ୍ୟାନରରେ ନିର୍ମିତ ଏହି ସିନେମା ଆସନ୍ତା ରଥଯାତ୍ରା ଅବସରରେ ପ୍ରେକ୍ଷାଳୟରେ ମୁକ୍ତିଲାଭ କରିବ।
ଏହି ଚଳଚ୍ଚିତ୍ରର ମୂଳ କାହାଣୀ ମାଣ୍ଡିଆ (ରାଗି)ର ଐତିହାସିକ ଗୁରୁତ୍ୱ, ପୌଷ୍ଟିକ ଗୁଣ ଏବଂ ଓଡ଼ିଶାର ପାରମ୍ପରିକ ଖାଦ୍ୟ ସଂସ୍କୃତିକୁ କେନ୍ଦ୍ର କରି ଗଢ଼ାଯାଇଛି। କଳିଙ୍ଗର ପ୍ରାଚୀନ ଔଷଧୀୟ ଜ୍ଞାନ, ସ୍ୱାସ୍ଥ୍ୟ ସଚେତନତା ଓ ଏକ ଭାବପ୍ରବଣ ପ୍ରେମ କାହାଣୀକୁ ଏଥିରେ ସୁନ୍ଦର ଭାବେ ଉପସ୍ଥାପନ କରାଯାଇଛି।
ନିର୍ମାତାଙ୍କ କହିବା ଅନୁସାରେ, ଏହି ଫିଲ୍ମ କେବଳ ଏକ ମନୋରଞ୍ଜନଧର୍ମୀ କାହାଣୀ ନୁହେଁ, ବରଂ ଓଡ଼ିଶାର ସ୍ୱଦେଶୀ ଖାଦ୍ୟ ପରମ୍ପରା ଓ ମିଲେଟ୍ର ଉପକାରିତା ସମ୍ପର୍କରେ ଲୋକଙ୍କୁ ସଚେତନ କରିବାର ଏକ ପ୍ରୟାସ।
ଫିଲ୍ମରେ ସିଦ୍ଧାନ୍ତ ମହାପାତ୍ର, ଅଭିଷେକ ପଣ୍ଡା, ଶିବାନୀ ସଙ୍ଗୀତା, ରାଜ ରାଜେଶ ଓ ଶ୍ରୀତମ ଦାସ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଏହା ବ୍ୟତୀତ କୁନା ତ୍ରିପାଠୀ, ଶକ୍ତି ବରାଳ, ସୁଶାନ୍ତ ଦାସ ମହାପାତ୍ର, ରେବାଂଶ ମହାନ୍ତି, ସାଣ୍ଟୁ ନିଜେ, କାଞ୍ଚନ, ରାଜଶ୍ରୀ, ଦୀପକ, ଦେବିକା ଓ ଶ୍ରେୟା ପ୍ରମୁଖ ଗୁରୁତ୍ୱପୂର୍ଣ୍ଣ ଚରିତ୍ରରେ ନଜର ଆସିବେ।
ଅଭିନେତ୍ରୀ ଶିବାନୀ ସଙ୍ଗୀତା କହିଛନ୍ତି, ଟିଜରକୁ ଦର୍ଶକଙ୍କ ଭଲପାଇବା ମିଳିବ ବୋଲି ଆମର ଆଶା। ସମସ୍ତେ ୟୁଟ୍ୟୁବରେ ଟିଜର ଦେଖି ନିଜ ମତାମତ ଦିଅନ୍ତୁ। ବର୍ତ୍ତମାନ ଓଡ଼ିଆ ସିନେମାରେ ଭଲ କାହାଣୀଭିତ୍ତିକ ଫିଲ୍ମ ଆସୁଛି। ସେହିପରି‘ଦ ମିଲେଟ୍ ଡାଏରୀ’ମଧ୍ୟ ଦର୍ଶକଙ୍କ ଭଲପାଇବା ପାଇବ ବୋଲି ଆମେ ଆଶା କରୁଛୁ।
ଅଯୋଧ୍ୟା ରାମ ମନ୍ଦିରର ଦାନ ପାଣ୍ଠି ହେରଫେର ଅଭିଯୋଗକୁ ନେଇ...
ସଂସଦର ଆସନ୍ତା ମୌସୁମୀ ଅଧିବେଶନ ପୂର୍ବରୁ କେନ୍ଦ୍ର ସରକାରର...
ମହାରାଷ୍ଟ୍ରର ଥାଣେ ଜିଲ୍ଲା ଅନ୍ତର୍ଗତ ମିରା-ଭାୟନ୍ଦରର ରାଇ...
ଚଳିତ ବର୍ଷ ଆରମ୍ଭରେ ରେକର୍ଡ ସ୍ତରକୁ ପହଞ୍ଚିଥିବା ସୁନା ଦର...
ରାଜସ୍ଥାନ ପୁଲିସର ଆତଙ୍କବାଦ ନିରୋଧୀ ସ୍କ୍ୱାଡ୍‌ (ଏଟ...
