ବାଲେଶ୍ୱର: ବାଲେଶ୍ୱର ଜିଲ୍ଲାରେ ପୁଣି ଥରେ ବନ୍ୟା ଆଶଙ୍କା ଦେଖାଦେଇଛି। ଲଗାତାର ବର୍ଷା ଯୋଗୁଁ ସୁବର୍ଣ୍ଣରେଖା ନଦୀର ଜଳସ୍ତର ପୁଣି ବଢ଼ିବାରେ ଲାଗିଛି। ଦ୍ୱିତୀୟ ବନ୍ୟାର ପାଣି କମିବାର ମାତ୍ର ୧୪ ଦିନ ପରେ ତୃତୀୟ ଥର ବନ୍ୟା ଆସିବାର ଆଶଙ୍କା ନେଇ ନଦୀକୂଳିଆ ଅଞ୍ଚଳର ଲୋକଙ୍କ ଚିନ୍ତା ବଢ଼ିଛି।
ଝାଡ଼ଖଣ୍ଡର ଗାଲୁଡିହ ବ୍ୟାରେଜ୍ର ୬ଟି ଗେଟ୍ ଖୋଲାଯାଇଥିବାରୁ ସୁବର୍ଣ୍ଣରେଖା ନଦୀରେ ଜଳସ୍ତର ଆହୁରି ବଢ଼ିଛି। ପରିସ୍ଥିତି ଅଧିକ ଖରାପ ହେଲେ ବାଲେଶ୍ୱର ଜିଲ୍ଲାର ଜଳେଶ୍ୱର, ଭୋଗରାଇ ଓ ବାଲିଆପାଳ ବ୍ଲକ୍ର ତଳିଆ ଅଞ୍ଚଳ ପୁଣି ଜଳମଗ୍ନ ହେବାର ଆଶଙ୍କା ରହିଛି।
ସୁବର୍ଣ୍ଣରେଖା ନଦୀର ବିପଦ ସଙ୍କେତ ୧୦.୩୬ ମିଟର ରହିଥିବା ବେଳେ ରବିବାର ସକାଳ ୬ଟା ସୁଦ୍ଧା ଜଳସ୍ତର ୮.୮୪ ମିଟର ରେକର୍ଡ ହୋଇଥିଲା। ତେବେ ଜଳସ୍ତର ଲଗାତାର ବଢ଼ୁଥିବାରୁ ତଳିଆ ଅଞ୍ଚଳରେ ଚିନ୍ତା ବଢ଼ିଛି।
ପୂର୍ବ ବନ୍ୟା ସମୟରେ ଅନେକ ଗାଁ, ରାସ୍ତା ଓ ଚାଷଜମି ଜଳମଗ୍ନ ହୋଇଥିଲା। ଅନେକ ସ୍ଥାନରେ ଯୋଗାଯୋଗ ମଧ୍ୟ ପ୍ରଭାବିତ ହୋଇଥିଲା।
ପୂର୍ବ ବନ୍ୟାରେ ହୋଇଥିବା କ୍ଷତିରୁ ଚାଷୀମାନେ ଏପର୍ଯ୍ୟନ୍ତ ସମ୍ପୂର୍ଣ୍ଣ ଭାବେ ମୁକୁଳିପାରିନାହାନ୍ତି। ଏହାରି ମଧ୍ୟରେ ପୁଣି ବନ୍ୟା ଆସିଲେ ଚାଷୀଙ୍କ କ୍ଷତି ଆହୁରି ବଢ଼ିବାର ଆଶଙ୍କା ରହିଛି।
ଜଳେଶ୍ୱରର ବାସିନ୍ଦା ନାରାୟଣ ଦାସ ମହାପାତ୍ରଙ୍କ କହିବା ଅନୁସାରେ, ଗତବର୍ଷ ଏହି ଅଞ୍ଚଳରେ ତିନିଥର ବନ୍ୟା ଆସିଥିଲା। ଭାରୀ ବର୍ଷା ଯୋଗୁଁ ଜମି ଓ ଫସଲ ନଷ୍ଟ ହୋଇଛି ଏବଂ ଦ୍ୱିତୀୟ ବନ୍ୟା ପରେ ଚାଷୀମାନେ ଯାହା ପ୍ରସ୍ତୁତ କରିଥିଲେ, ବର୍ଷା ପାଣିରେ ସେସବୁ ମଧ୍ୟ ନଷ୍ଟ ହୋଇଯାଇଥିବା ସେ କହିଛନ୍ତି।
ତୃତୀୟ ବନ୍ୟା ଆସିଲେ ତଳିଆ ଅଞ୍ଚଳ ସମ୍ପୂର୍ଣ୍ଣ ଜଳମଗ୍ନ ହୋଇପାରେ ବୋଲି ସ୍ଥାନୀୟ ଲୋକେ ଆଶଙ୍କା କରୁଛନ୍ତି। ଏଥିପାଇଁ ପ୍ରଶାସନ ପକ୍ଷରୁ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବାକୁ ଦାବି ହୋଇଛି।Subarnarekha River
ପରିସ୍ଥିତି ଉପରେ ସ୍ଥାନୀୟ ବାସିନ୍ଦାମାନେ ନଜର ରଖିଛନ୍ତି।
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
ନେପାଳରେ ଭୟଙ୍କର ଫ୍ଲାସ୍‌ ଫ୍ଲଡ୍‌ ମଧ୍ୟରେ ଜଣେ...
ନ୍ୟୁୟର୍କ: ଭାରତର ଏକତା ଓ ବିବିଧତା ଭାରତୀୟଙ୍କ DNAରେ ଗଭୀ...
ନୂଆଦିଲ୍ଲୀ: ନେପାଳରେ ଭୟଙ୍କର ବନ୍ୟା ପରେ ଉଦ୍ଧାର ଓ ସନ୍ଧା...
କୋଲକାତା: ଲିଓନେଲ ମେସିଙ୍କ କୋଲକାତା ଇଭେଣ୍ଟରେ ହୋଇଥିବା ଅ...
