ମାର୍ଭେଲ୍ ଷ୍ଟୁଡିଓଜ୍ର ବହୁ ପ୍ରତୀକ୍ଷିତ ଫିଲ୍ମ‘ସ୍ପାଇଡର-ମ୍ୟାନ୍: ବ୍ରାଣ୍ଡ ନ୍ୟୁ ଡେ’କୁ ନେଇ ଭକ୍ତମାନଙ୍କ ମଧ୍ୟରେ ଉତ୍ସାହ ଚରମ ସୀମାରେ ପହଞ୍ଚିଛି। ତେବେ ଫିଲ୍ମର ସବୁଠାରୁ ବଡ଼ ରହସ୍ୟ ହେଉଛି ଏହାର ମୁଖ୍ୟ ଭିଲେନ୍ର ପରିଚୟ, ଯାହାକୁ ଏପର୍ଯ୍ୟନ୍ତ ମାର୍ଭେଲ୍ ସଂପୂର୍ଣ୍ଣ ଗୁପ୍ତ ରଖିବାରେ ସଫଳ ହୋଇଛି।

ସ୍ପାଇଡର-ମ୍ୟାନ୍ ଭୂମିକାରେ ଅଭିନୟ କରୁଥିବା ଟମ୍ ହଲାଣ୍ଡ ସମ୍ପ୍ରତି ବର୍ଲିନ୍ରେ ଏକ ମିଡିଆ କାର୍ଯ୍ୟକ୍ରମ ସମୟରେ କହିଥିଲେ ଯେ, ଫିଲ୍ମର ଭିଲେନ୍ଙ୍କ ପରିଚୟ ଏପର୍ଯ୍ୟନ୍ତ ସାର୍ବଜନୀନ କରାଯାଇନାହିଁ।

ଟମ୍ ହଲାଣ୍ଡ କହିଥିଲେ, “ଏହି ନୂଆ ଫିଲ୍ମର ଭିଲେନ୍ ଏପର୍ଯ୍ୟନ୍ତ ଗୋପନୀୟ ରହିଛନ୍ତି। ମୋର ମନେ ହୁଏ ଏହା ଆମେ ପୂର୍ବରୁ ସ୍ପାଇଡର-ମ୍ୟାନ୍ ଫିଲ୍ମରେ ଦେଖିଥିବା କୌଣସି ଭିଲେନ୍ଙ୍କ ଭଳି ନୁହେଁ।”

ଏହି ବୟାନ ପରେ ସୋସିଆଲ୍ ମିଡିଆରେ ଫ୍ୟାନ୍ସମାନଙ୍କ ମଧ୍ୟରେ ନୂଆ ଚର୍ଚ୍ଚା ଆରମ୍ଭ ହୋଇଛି। କେହିମିଷ୍ଟର ନେଗେଟିଭ୍ହୋଇପାରନ୍ତି ବୋଲି ଅନୁମାନ କରୁଥିବା ବେଳେ ଅନ୍ୟମାନେକ୍ନଲ୍,ଜ୍ୟାକାଲ୍କିମ୍ବା ଅନ୍ୟ କୌଣସି ଅପ୍ରତ୍ୟାଶିତ ଚରିତ୍ରର ଏମସିୟୁ ଡେବ୍ୟୁ ହୋଇପାରେ ବୋଲି କହୁଛନ୍ତି।

ଫିଲ୍ମର ସିନୋପ୍ସିସ୍ ମଧ୍ୟ ରହସ୍ୟକୁ ଆହୁରି ଗଭୀର କରିଛି। ଏଥିରେ ଏମିତି ଜଣେ ଶକ୍ତିଶାଳୀ ଶତ୍ରୁର ଉଲ୍ଲେଖ ରହିଛି ଯାହାକୁ “କେହି ଦେଖିପାରିବେ ନାହିଁ”। ଏହି ସୂଚନା ଫ୍ୟାନ୍ସମାନଙ୍କୁ ନୂଆ ନୂଆ ଥିଓରି ତିଆରି କରିବାକୁ ପ୍ରେରିତ କରିଛି।

‘ସ୍ପାଇଡର-ମ୍ୟାନ୍: ନୋ ୱେ ହୋମ୍’ ଘଟଣାର କିଛି ବର୍ଷ ପରେ ଏହି କାହାଣୀ ଆରମ୍ଭ ହେବ। ଡକ୍ଟର ଷ୍ଟ୍ରେଞ୍ଜଙ୍କ ସ୍ମୃତି-ପରିବର୍ତ୍ତନକାରୀ ମନ୍ତ୍ର ପରେ ପୃଥିବୀର କେହି ମଧ୍ୟ ପିଟର ପାର୍କରଙ୍କ ପରିଚୟ ମନେ ରଖିନାହାନ୍ତି। ଏହା ପରେ ପିଟର ଏକାକୀ ଜୀବନ ବିତାଉଥିବା ବେଳେ ନ୍ୟୁୟର୍କ ସହରକୁ ସୁରକ୍ଷା ଦେବାରେ ନିଜକୁ ସମର୍ପିତ କରିଛନ୍ତି।

ତେବେ ଏଥର ସେ କେବଳ ଅପରାଧୀମାନଙ୍କ ସହ ନୁହେଁ, ବରଂ ଏକ ରହସ୍ୟମୟ ଏବଂ ଅତ୍ୟନ୍ତ ବିପଜ୍ଜନକ ଶକ୍ତି ସହ ମୁକାବିଲା କରିବେ, ଯାହା ତାଙ୍କ ଜୀବନକୁ ନୂଆ ମୋଡ଼ ଦେବ।

ଫିଲ୍ମରେ ଟମ୍ ହଲାଣ୍ଡଙ୍କ ସହ ଜେଣ୍ଡାୟା, ଜେକବ୍ ବାଟାଲନ୍ ଏବଂ ସାଡି ସିଙ୍କ ମୁଖ୍ୟ ଭୂମିକାରେ ନଜର ଆସିବେ। ଭାରତରେ ଏହି ଫିଲ୍ମ ୩୦ ଜୁଲାଇ ୨୦୨୬ରେ ମୁକ୍ତିଲାଭ କରିବାକୁ ଥିବାବେଳେ ବିଶ୍ୱବ୍ୟାପୀ ୩୧ ଜୁଲାଇ ୨୦୨୬ରେ ରିଲିଜ୍ ହେବ।