ରୁଷ-ୟୁକ୍ରେନ ଯୁଦ୍ଧ ଆରମ୍ଭ ହେବା ପରଠାରୁ ଉଭୟ ପକ୍ଷର ବ୍ୟାପକ ଜନଧନ କ୍ଷତି ହୋଇଥିବା ଆକଳନ କରାଯାଇଛି। ଆମେରିକାର ଥିଙ୍କ ଟ୍ୟାଙ୍କସେଣ୍ଟର ଫର୍ ଷ୍ଟ୍ରାଟେଜିକ୍ ଆଣ୍ଡ୍ ଇଣ୍ଟରନ୍ୟାସନାଲ୍ ଷ୍ଟଡିଜ୍ (CSIS)ପକ୍ଷରୁ ପ୍ରକାଶିତ ଏକ ଅଧ୍ୟୟନରେ କୁହାଯାଇଛି ଯେ,ଫେବ୍ରୁଆରି ୨୦୨୨ରୁ ଆରମ୍ଭ ହୋଇଥିବା ଏହି ଯୁଦ୍ଧରେ୨୦ ଲକ୍ଷରୁ ଅଧିକ ସୈନିକ ମୃତାହତହୋଇଛନ୍ତି।

ଅଧ୍ୟୟନ ଅନୁଯାୟୀ, ରୁଷ ପକ୍ଷରେ୪ ଲକ୍ଷରୁ ସାଢ଼େ ୪ ଲକ୍ଷ ସୈନିକଙ୍କ ମୃତ୍ୟୁଘଟିଥିବା ବେଳେ ପ୍ରାୟ୧୪ ଲକ୍ଷ ସୈନିକ ଆହତ କିମ୍ବା ନିଖୋଜଥିବା ଆକଳନ କରାଯାଇଛି। ଏହି କାରଣରୁ ଯୁଦ୍ଧରେ ରୁଷ ସର୍ବାଧିକ କ୍ଷତି ସହିଥିବା ରିପୋର୍ଟରେ ଦର୍ଶାଯାଇଛି।

ସେହିପରି, ୟୁକ୍ରେନ ପକ୍ଷରେ୫ ଲକ୍ଷ ୨୫ ହଜାରରୁ ୬ ଲକ୍ଷ ୨୫ ହଜାରସୈନିକ ମୃତାହତ ହୋଇଥିବା ଆକଳନ କରାଯାଇଛି। ଏଥିମଧ୍ୟରୁ୧ ଲକ୍ଷ ୨୫ ହଜାରରୁ ଦେଢ଼ ଲକ୍ଷସୈନିକଙ୍କ ମୃତ୍ୟୁ ଘଟିଥିବା ଉଲ୍ଲେଖ ରହିଛି।

ତେବେ ଯୁଦ୍ଧରେ ପ୍ରକୃତ ମୃତାହତଙ୍କ ସଂଖ୍ୟା ନିର୍ଣ୍ଣୟ କରିବା କଷ୍ଟସାଧ୍ୟ ବୋଲି ଅଧ୍ୟୟନରେ କୁହାଯାଇଛି। କାରଣ ରୁଷ ପକ୍ଷରୁ ମୃତ୍ୟୁ ଓ ଆହତଙ୍କ ସଂଖ୍ୟା କମ୍ ଦର୍ଶାଯାଉଥିବା ଅଭିଯୋଗ ରହିଛି, ଅନ୍ୟପଟେ ୟୁକ୍ରେନ ମଧ୍ୟ ନିଜର ସମ୍ପୂର୍ଣ୍ଣ ସରକାରୀ ତଥ୍ୟ ସାର୍ବଜନୀନ କରୁନାହିଁ।

CSISକହିଛି ଯେ, ଏହି ଆକଳନ ଆମେରିକା ଓ ବ୍ରିଟେନ ସରକାରଙ୍କ ମୂଲ୍ୟାଙ୍କନ ସହ ବିଭିନ୍ନ ଖୋଲା ଉତ୍ସରୁ ମିଳିଥିବା ତଥ୍ୟ ଆଧାରରେ ପ୍ରସ୍ତୁତ କରାଯାଇଛି।ଏହି ସଂଖ୍ୟାଗୁଡ଼ିକର ସ୍ୱାଧୀନ ପୁଷ୍ଟି ହୋଇନାହିଁ।