ପୁଣେରେ ଜଣେ ବୃଦ୍ଧଙ୍କଠାରୁ୧୦.୭୪ କୋଟି ଟଙ୍କାର ଡିଜିଟାଲ ଆରେଷ୍ଟ ଠକେଇମାମଲାରେ ସୋସିଆଲ ମିଡିଆ ‘ରିଲ୍ ଷ୍ଟାର’ ରୋହନ ଜାଧବଙ୍କୁ ଗିରଫ କରାଯାଇଛି। ପୁଲିସର ଚାପ ବଢ଼ିବା ପରେ ଜାଧବ କୋର୍ଟରେ ଆତ୍ମସମର୍ପଣ କରିଥିବା ଅଧିକାରୀମାନେ କହିଛନ୍ତି।
ଚଳିତ ବର୍ଷ ଜାନୁଆରୀରେ ଏହି ଠକେଇ ହୋଇଥିବା ଜଣାପଡ଼ିଛି। ଠକମାନେ ନିଜକୁସିବିଆଇ ଅଧିକାରୀବୋଲି ପରିଚୟ ଦେଇ ବୃଦ୍ଧଙ୍କୁ ଏକ ମାମଲାରେ ଫସିଥିବା କହିଥିଲେ। ତାଙ୍କୁ ‘ଡିଜିଟାଲ ଆରେଷ୍ଟ’ କରିବାର ଧମକ ଦେଇ ଆଇନଗତ କାର୍ଯ୍ୟାନୁଷ୍ଠାନରୁ ବଞ୍ଚିବା ପାଇଁ ବିଭିନ୍ନ ବ୍ୟାଙ୍କ ଆକାଉଣ୍ଟରେ ଟଙ୍କା ଜମା କରିବାକୁ କୁହାଯାଇଥିଲା।
ବୃଦ୍ଧ ଜଣକ ଠକେଇର ଶିକାର ହୋଇଥିବା ଜାଣିବା ପରେ ପୁଲିସରେ ଅଭିଯୋଗ କରିଥିଲେ। ତଦନ୍ତ ବେଳେ ଜଣେ ଅଭିଯୁକ୍ତ ଏଟିଏମରୁ ଟଙ୍କା ଉଠାଇଥିବା ଜଣାପଡ଼ିବା ପରେ ପୁଣେ ପୁଲିସ ଠକେଇ ନେଟୱର୍କର ସଦସ୍ୟମାନଙ୍କୁ ଚିହ୍ନଟ କରିଥିଲା।
ଏହି ମାମଲାରେ ପୂର୍ବରୁହର୍ଷଦ ସୁଭାଷ ଧନତୋଲେ, ସମର୍ଥ ସୁରେଶ ଦେଶମୁଖ ଓ ଅମର ଶିବାଜୀ ଅଟ୍ଟାର୍ଗିଙ୍କୁ ଗିରଫ କରାଯାଇଥିଲା। ତଦନ୍ତ ସମୟରେ ଧନତୋଲେ ଉଠାଯାଇଥିବା ଟଙ୍କା ରୋହନ ଜାଧବଙ୍କୁ ଦେଇଥିବା ପୁଲିସକୁ କହିଥିଲେ।
ପୁଲିସ ଅନୁସାରେ, ଠକେଇର୧୦.୭୪ କୋଟି ଟଙ୍କାକୁ ୫,୪୩୬ଟି ବ୍ୟାଙ୍କ ଆକାଉଣ୍ଟକୁସ୍ଥାନାନ୍ତର କରାଯାଇଥିଲା। ଜାଧବ ଟେଲିଗ୍ରାମ ମାଧ୍ୟମରେ ହଂକଂର କିଛି ହ୍ୟାଣ୍ଡଲରଙ୍କ ସହ ଯୋଗାଯୋଗରେ ଥିବା ଏବଂ ଭିଡିଓ କଲ୍ରେ ସେମାନଙ୍କ ସହ କଥା ହେଉଥିବା ତଦନ୍ତରୁ ଜଣାପଡ଼ିଛି।
ଅଧିକାରୀମାନଙ୍କ ଦାବି ଅନୁସାରେ, ଜାଧବକ୍ରିପ୍ଟୋକରେନ୍ସି ମାଧ୍ୟମରେ ହଂକଂର ହ୍ୟାଣ୍ଡଲରଙ୍କ ସହ ଆର୍ଥିକ କାରବାରକରୁଥିଲେ ଏବଂ ଏଥିପାଇଁ ମୋଟା କମିସନ ପାଉଥିଲେ। ସେ ସେଲିବ୍ରିଟି ମ୍ୟାନେଜମେଣ୍ଟ କ୍ଷେତ୍ରରେ ମଧ୍ୟ କାମ କରୁଥିବା ପୁଲିସ କହିଛି।
ରୋହନ ଜାଧବଙ୍କ ବିରୋଧରେପୁଣେ ଏବଂ ପିମ୍ପରି-ଚିଞ୍ଚୱାଡରେ ଦୁଇଟି ମାମଲାରୁଜୁ ହୋଇଛି। ଘଟଣାରେ ଜଡ଼ିତ ଅନ୍ୟ ବ୍ୟକ୍ତି ଓ ଆର୍ଥିକ କାରବାରର ତଦନ୍ତ ଜାରି ରହିଛି।
ସିନେପ୍ରେମୀଙ୍କ ପାଇଁ ବଡ଼ ଖବର। ଶ୍ରଦ୍ଧା କପୁରଙ୍କ ଆଗାମୀ...
କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ବ୍ଲକ୍‌ର ତିଖିରି...
ମେଷ ଏହି ସପ୍ତାହରେ ମେଷ ରାଶିର ବ୍ୟକ୍ତିମାନେ କର୍ମକ୍ଷେ...
ସମ୍ବଲପୁରର ଗଙ୍ଗାଧର ମେହେର ବିଶ୍ୱବିଦ୍ୟାଳୟ ପକ୍ଷରୁ ଆୟୋଜି...
ବହୁ ଦିନର ଅପେକ୍ଷା ପରେ **‘Mirzapur: The Movie&...
ଲକ୍ଷ୍ନୌ:ଆଗାମୀ ଫିଲ୍ମ **‘ବଟୱାରା ୧୯୪୭’**କ...
ବଲିଉଡ୍ର ପ୍ରସିଦ୍ଧ ସଙ୍ଗୀତ ନିର୍ଦ୍ଦେଶକରାହୁଲ ଦେବ ବର୍ମନ,...
ମହାନ ସଙ୍ଗୀତକାର ରାହୁଲ ଦେବ ବର୍ମନ, ଅର୍ଥାତ୍ ଆର୍ଡି ବର୍ମ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମ...
ଓଡ଼ିଶାକୁ ଖୁବଶୀଘ୍ର ନୂଆ ଲୋକାୟୁକ୍ତ ମିଳିବାକୁ ଯାଉଛି। ଲୋ...
