ରାୟଗଡ଼ା ଜିଲ୍ଲାର ପଦ୍ମପୁର ଗାଁର ୮ଟି ପରିବାର ଆନ୍ତର୍ଜାତୀୟ ବିବାହ କରିଥିବାରୁ ସାମାଜିକ ବାସନ୍ଦର ଶିକାର ହେଉଥିବା ଅଭିଯୋଗ ଆଣିଛନ୍ତି। ପ୍ରଭାବିତ ପରିବାରମାନେ ମଙ୍ଗଳବାର ଜିଲ୍ଲା ପ୍ରଶାସନର ଅଭିଯୋଗ ପ୍ରକୋଷ୍ଠରେ ଏନେଇ ଅଭିଯୋଗ ଦାଖଲ କରି ନ୍ୟାୟ ଓ ପ୍ରଶାସନିକ ହସ୍ତକ୍ଷେପ ଦାବି କରିଛନ୍ତି।
ଅଭିଯୋଗକାରୀମାନଙ୍କ କହିବା ଅନୁସାରେ, କିଛି ପରିବାର ସଦସ୍ୟ ଜାତି ବାହାରେ ବିବାହ କରିବା ପରେ ଗାଁର ଲୋକମାନେ ସେମାନଙ୍କୁ ସାମାଜିକ ଭାବେ ବହିଷ୍କୃତ କରିଛନ୍ତି। ଗାଁର ସାମାଜିକ କାର୍ଯ୍ୟକ୍ରମ ଓ ସାଧାରଣ ମେଳାମେଶାରୁ ସେମାନଙ୍କୁ ଦୂରେଇ ରଖାଯାଉଥିବା ଅଭିଯୋଗ ହୋଇଛି।
ପରିବାରମାନଙ୍କ ଅଭିଯୋଗ ଅନୁଯାୟୀ, ଯଦି କୌଣସି ଗ୍ରାମବାସୀ ସେମାନଙ୍କ ସହ ସମ୍ପର୍କ ରଖନ୍ତି କିମ୍ବା ମିଶିବାକୁ ଚେଷ୍ଟା କରନ୍ତି, ସେମାନଙ୍କୁ ମଧ୍ୟ ସମାନ ସାମାଜିକ ବାସନ୍ଦର ଧମକ ଦିଆଯାଉଛି। ଏହି ଭୟରେ ଅନେକ ଗ୍ରାମବାସୀ ଖୋଲାଖୋଲି ଏନେଇ କହିବାକୁ ଡରୁଛନ୍ତି।
ପ୍ରଭାବିତ ପରିବାରମାନେ କହିଛନ୍ତି ଯେ, ସେମାନଙ୍କୁ ଗାଁର ବିବାହ, ପର୍ବପର୍ବାଣୀ ଓ ଅନ୍ୟ ସାମାଜିକ କାର୍ଯ୍ୟକ୍ରମରେ ଯୋଗଦେବାକୁ ନିଷେଧ କରାଯାଇଛି। ଏହି ପ୍ରଥା ବର୍ଷଧରି ଚାଲିଆସୁଥିବା ବେଳେ, ଗାଁରେ ପ୍ରାୟ ୧୫ରୁ ୨୦ଟି ପରିବାର ଏପରି ସାମାଜିକ ବହିଷ୍କାରର ସମ୍ମୁଖୀନ ହେଉଥିବା ଅଭିଯୋଗ ହୋଇଛି। ତେବେ ଭୟର କାରଣରୁ ଅନେକେ ସାମ୍ନାକୁ ଆସୁନାହାନ୍ତି।
ପ୍ରଭାବିତ ପରିବାରମାନେ ପ୍ରଶାସନଙ୍କୁ ଏହି ଘଟଣାକୁ ଗୁରୁତ୍ୱ ସହ ନେବା ସହ ସେମାନଙ୍କ ଅଧିକାର ସୁରକ୍ଷା କରିବାକୁ ଅନୁରୋଧ କରିଛନ୍ତି। ସାମାଜିକ ବାସନ୍ଦକୁ ବଳପୂର୍ବକ ଲାଗୁ କରୁଥିବା ଲୋକମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଦାବି ମଧ୍ୟ କରାଯାଇଛି।
ପୀଡ଼ିତ ଜୟଦେବ ସାହୁ କହିଛନ୍ତି, “ଆମେ ଆନ୍ତର୍ଜାତୀୟ ବିବାହ କରିଥିବାରୁ ଆମକୁ ବହିଷ୍କୃତ କରାଯାଇଛି। ଯଦି ଆମ ପରିବାର କିମ୍ବା ଆତ୍ମୀୟମାନେ ସମ୍ପର୍କ ରଖିବାକୁ ଚେଷ୍ଟା କରନ୍ତି, ସେମାନଙ୍କୁ ମଧ୍ୟ ଧମକ ଦିଆଯାଉଛି। ଆମେ ଭୟ ଓ ମାନସିକ ଚାପରେ ଅଛୁ।”
ଏହି ଘଟଣା ସମାଜରେ ଏବେ ମଧ୍ୟ ଚାଲିଥିବା ଜାତିଭିତ୍ତିକ ଭେଦଭାବ ଓ ସାମାଜିକ ବହିଷ୍କାର ପ୍ରଥାକୁ ପୁଣିଥରେ ସାମ୍ନାକୁ ଆଣିଛି। ଖବର ଲେଖାଯାଉଥିବା ସମୟ ପର୍ଯ୍ୟନ୍ତ ପ୍ରଶାସନ ପକ୍ଷରୁ ଏନେଇ କୌଣସି ବିସ୍ତୃତ ପ୍ରତିକ୍ରିୟା ମିଳିନଥିଲା।
ବଲିଉଡ୍ ଅଭିନେତ୍ରୀ ଜାହ୍ନବୀ କପୁର ନିଜ ଜୀବନର ଏକ କଷ୍ଟଦାୟ...
ଭାରତୀୟ Mixed Martial Arts (MMA) ଜଗତରେ Matrix Fight...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ସ୍ଥିତିରେ ହେଉଥି...
Nitesh Tiwariଙ୍କ ମହାକାଙ୍କ୍ଷୀ ଚଳଚ୍ଚିତ୍ର ‘Rama...
ନିଟ୍-ୟୁଜି ୨୦୨୬ ପରୀକ୍ଷାରେ ପେପର ଲିକ୍ ଅଭିଯୋଗକୁ କେନ୍ଦ୍...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର...
କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (CBSE) ନିଜର ମଲ୍ଟିଲ...
ମଇ 3ରେ ଆୟୋଜିତ NEET UG 2026 ପରୀକ୍ଷାକୁ ଦେଶର ଶିକ୍ଷା ବ...
ଇଞ୍ଜିନିୟରିଂ କ୍ଷେତ୍ରରେ IITରେ ଭର୍ତ୍ତି ହେବାକୁ ଇଚ୍ଛୁକ...
ୟଶଙ୍କ ଅପେକ୍ଷିତ ଚଳଚ୍ଚିତ୍ର ‘Toxic: A Fairytale...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ଗତିବିଧିରେ ହେଉଥ...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍...
