ବିଶ୍ୱପ୍ରସିଦ୍ଧପୁରୀ ରଥଯାତ୍ରା ୨୦୨୬କୁ ଆଉ ମାତ୍ର ଦୁଇ ଦିନ ବାକି ରହିଥିବାବେଳେ ଶ୍ରୀକ୍ଷେତ୍ରରେ ଜୋରଦାର ପ୍ରସ୍ତୁତି ଚାଲିଛି। ମହାପ୍ରଭୁ ଶ୍ରୀଜଗନ୍ନାଥ, ବଳଭଦ୍ର ଓ ଦେବୀ ସୁଭଦ୍ରାଙ୍କ ପାଇଁ ନିର୍ମାଣ ହେଉଥିବା ତିନି ରଥର କାମ ପ୍ରାୟ ଶେଷ ପର୍ଯ୍ୟାୟରେ ପହଞ୍ଚିଛି।
ରଥଗୁଡ଼ିକ ସହ ସଜାଯିବାକୁ ଥିବା୧୨ଟି କାଠ ଘୋଡ଼ାମଧ୍ୟ ସମ୍ପୂର୍ଣ୍ଣ ପ୍ରସ୍ତୁତ ହୋଇଛି। ପ୍ରଥମେ ରୂପକାର ସେବାୟତମାନେ ଘୋଡ଼ାଗୁଡ଼ିକର ମରାମତି କରିଥିଲେ। ପରେ ଚିତ୍ରକାର ସେବାୟତମାନେ ପାରମ୍ପରିକ ଚିତ୍ରକଳା ଓ ଆକର୍ଷଣୀୟ ରଙ୍ଗରେ ସେଗୁଡ଼ିକୁ ସଜାଇଛନ୍ତି।
ରଥଯାତ୍ରାର ଏହି ସଜାସଜ୍ଜା ଶତାବ୍ଦୀ ପୁରୁଣା ପରମ୍ପରାର ଏକ ଅବିଚ୍ଛିନ୍ନ ଅଂଶ ହୋଇଥିବାବେଳେ ଏହା ଶ୍ରୀମନ୍ଦିର ସେବାୟତଙ୍କ କଳାକୌଶଳ ଓ ନିଷ୍ଠାର ପରିଚୟ ବହନ କରେ।
ପରମ୍ପରା ଅନୁଯାୟୀ,ପ୍ରଭୁ ଜଗନ୍ନାଥଙ୍କ ନନ୍ଦିଘୋଷ ରଥରେ ଧଳା ଘୋଡ଼ା,ବଳଭଦ୍ରଙ୍କ ତାଳଧ୍ୱଜ ରଥରେ କଳା ଘୋଡ଼ାଏବଂଦେବୀ ସୁଭଦ୍ରାଙ୍କ ଦର୍ପଦଳନ ରଥରେ ବାଦାମୀ ରଙ୍ଗର ଘୋଡ଼ାଯୋଡ଼ାଯିବ।
ବର୍ତ୍ତମାନ ରଥଗୁଡ଼ିକର ଶେଷ ପର୍ଯ୍ୟାୟର କାମ ଚାଲିଥିବାବେଳେ ଶ୍ରୀକ୍ଷେତ୍ର ଲକ୍ଷ ଲକ୍ଷ ଭକ୍ତଙ୍କୁ ସ୍ୱାଗତ କରିବାକୁ ପ୍ରସ୍ତୁତ ହେଉଛି।
ରୂପକାର ସେବାୟତରାଜେନ୍ଦ୍ର ମହାପାତ୍ରକହିଛନ୍ତି, “ଘୋଡ଼ାଗୁଡ଼ିକ ସମ୍ପୂର୍ଣ୍ଣ ପ୍ରସ୍ତୁତ। ଶ୍ରୀଗୁଣ୍ଡିଚା ଦିନ ମହାପ୍ରଭୁ ରଥାରୂଢ଼ ହେବା ପରେ ଗଜପତି ମହାରାଜା ଛେରା ପହଁରା ନୀତି ସମ୍ପନ୍ନ କରିବେ। ଏହାପରେ ଚାରମାଳ ହଟାଯାଇ ରଥରେ ଚାରିଟି ଘୋଡ଼ା ଯୋଡ଼ାଯିବ।”
ସେ ଆହୁରି କହିଛନ୍ତି ଯେ,ନନ୍ଦିଘୋଷ ପାଇଁ ୮ ଜଣ, ତାଳଧ୍ୱଜ ପାଇଁ ୯ ଜଣ ଏବଂ ଦର୍ପଦଳନ ପାଇଁ ୪ ଜଣ ରୂପକାର ସେବାୟତମିଳିତ ଭାବେ କାମ କରୁଛନ୍ତି। ସମସ୍ତେ ବଡ଼ଦାଣ୍ଡରେ ତିନି ରଥ ଗଡ଼ିବାର ଐତିହାସିକ ମୁହୂର୍ତ୍ତକୁ ଅପେକ୍ଷା କରି ରହିଛନ୍ତି।
**‘ମିର୍ଜାପୁର: ଦି ମୁଭି’**ରେ ଏକ ପ୍ରାୟ ୫୦...
ମାଲାୟାଲମ୍ ସୁପରଷ୍ଟାରମମୁଟ୍ଟିଙ୍କ ୭୫ତମ ଜନ୍ମଦିନରେ ତାଙ୍କ...
‘ମିର୍ଜାପୁର: ଦି ମୁଭି’ବକ୍ସ ଅଫିସ୍ରେ ଜବରଦସ...
ଅଭିନେତ୍ରୀବିପାଶା ବାସୁନିଜ ଫିଲ୍ମ କ୍ୟାରିୟରର ଏକ ଗୁରୁତ୍ୱ...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
