ଗଞ୍ଜାମ ଜିଲ୍ଲାର ଚିକିଟି ଅଞ୍ଚଳର ସୋନପୁର ବେଳାଭୂମି ନିକଟରେ ଥିବା ଏକ ଶିବ ମନ୍ଦିରରୁ ଗୁରୁବାର ସନ୍ଧ୍ୟାରେ ଏକ ବିଶାଳ ଅଜଗର ସାପକୁ ଉଦ୍ଧାର କରାଯାଇଛି। ପ୍ରାୟ ୮ ଫୁଟ ଲମ୍ବା ଏହି ଅଜଗର ସାପକୁ ପ୍ରଥମେ ମନ୍ଦିର ପୁଜକ ମନ୍ଦିର ପରିସର ଭିତରେ ଦେଖିଥିଲେ।
ସାପଟିକୁ ଦେଖିବା ପରେ ଅଞ୍ଚଳରେ ଭୟ ଓ ଆତଙ୍କ ସୃଷ୍ଟି ହୋଇଥିଲା। ଗ୍ରାମବାସୀମାନେ ତୁରନ୍ତ ବନ ବିଭାଗକୁ ଖବର ଦେଇଥିଲେ। ସୂଚନା ପାଇ ବନ ବିଭାଗ ଅଧିକାରୀ ଓ ସ୍ନେକ୍ ହେଲ୍ପଲାଇନ୍ ସଦସ୍ୟମାନେ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ।
ଦୀର୍ଘ ସମୟର ଚେଷ୍ଟା ପରେ ସାପଟିକୁ ସୁରକ୍ଷିତ ଭାବେ ମନ୍ଦିର ଭିତରୁ ବାହାର କରାଯାଇଥିଲା। ପରେ ଏହାକୁ ନିକଟସ୍ଥ ଜଙ୍ଗଲ ଅଞ୍ଚଳରେ ଛାଡ଼ି ଦିଆଯାଇଥିବା ସୂଚନା ମିଳିଛି। ବନ ବିଭାଗ କହିଛି ଯେ, ଏହି ଉଦ୍ଧାର କାର୍ଯ୍ୟ ସମୟରେ କାହାରି କୌଣସି କ୍ଷତି ହୋଇନାହିଁ।
ସ୍ଥାନୀୟ ଲୋକଙ୍କ କହିବା ଅନୁସାରେ, ଏହା ପ୍ରଥମ ଘଟଣା ନୁହେଁ। ସୋନପୁର ବେଳାଭୂମି ନିକଟବର୍ତ୍ତୀ ଜଙ୍ଗଲ ଓ ସମୁଦ୍ରକୂଳ ଅଞ୍ଚଳରୁ ପୂର୍ବରୁ ମଧ୍ୟ ଅନେକ ଥର ଅଜଗର ସାପ ଉଦ୍ଧାର କରାଯାଇଛି।
ପୁନଃପୁନି ଏପରି ସାପ ଦେଖାଯାଉଥିବାରୁ ସ୍ଥାନୀୟ ଲୋକମାନଙ୍କ ମଧ୍ୟରେ ଚିନ୍ତା ବଢ଼ିଛି। ବନ ବିଭାଗ ପକ୍ଷରୁ ଲୋକମାନଙ୍କୁ ସଚେତନ କରାଯାଇଛି ଯେ, ସାପ ଦେଖିଲେ ନିଜେ ଧରିବାକୁ ଚେଷ୍ଟା ନକରି ତୁରନ୍ତ ବନ ବିଭାଗ କିମ୍ବା ସ୍ନେକ୍ ହେଲ୍ପଲାଇନ୍କୁ ସୂଚନା ଦିଅନ୍ତୁ।
ଇସ୍ଲାମ ଧର୍ମର ପାଞ୍ଚଟି ପ୍ରମୁଖ ସ୍ତମ୍ଭ ମଧ୍ୟରୁ ଗୋଟିଏ ପବ...
କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (CBSE) ନିଜର ମଲ୍ଟିଲ...
ନିଟ୍-ୟୁଜି ୨୦୨୬ ପରୀକ୍ଷାରେ ପେପର ଲିକ୍ ଅଭିଯୋଗକୁ କେନ୍ଦ୍...
ଇରାନ୍ ସହ ସମ୍ଭାବ୍ୟ ଶାନ୍ତି ଚୁକ୍ତିକୁ ନେଇ ଆମେରିକୀୟ ରାଷ...
ମଇ 3ରେ ଆୟୋଜିତ NEET UG 2026 ପରୀକ୍ଷାକୁ ଦେଶର ଶିକ୍ଷା ବ...
ଭେନେଜୁଏଲାର କାର୍ଯ୍ୟବାହକ ରାଷ୍ଟ୍ରପତି ଡେଲସି ରୋଡ୍ରିଗେଜ୍...
ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଭାରତ-ରୁଷ ପ୍ରତିରକ୍ଷା...
ଇଞ୍ଜିନିୟରିଂ କ୍ଷେତ୍ରରେ IITରେ ଭର୍ତ୍ତି ହେବାକୁ ଇଚ୍ଛୁକ...
