ରାଷ୍ଟ୍ରପତିଦ୍ରୌପଦୀ ମୁର୍ମୁଙ୍କ ତିନି ୟୁରୋପୀୟ ଦେଶ ଗସ୍ତ ରବିବାରଠାରୁ ଆରମ୍ଭ ହୋଇଛି। ବୈଦେଶିକ ବ୍ୟାପାର ମନ୍ତ୍ରଣାଳୟ ସୂଚନା ଅନୁଯାୟୀ, ସେ ରବିବାର ସକାଳେ ନୂଆଦିଲ୍ଲୀରୁ ମାଲଡୋଭା, ଉତ୍ତର ମାସିଡୋନିଆ ଏବଂ ରୋମାନିଆ ଗସ୍ତରେ ରବାନା ହୋଇଛନ୍ତି।

ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଯେ, ଏହି ସରକାରୀ ଗସ୍ତ ମାଧ୍ୟମରେ ଉକ୍ତ ତିନି ଦେଶ ସହ ଭାରତର ଦ୍ୱିପାକ୍ଷିକ ସମ୍ପର୍କକୁ ନୂଆ ଦିଗ ମିଳିବ। ବିଶେଷକରି ରାଜନୈତିକ, ଆର୍ଥିକ, ବାଣିଜ୍ୟ, ପ୍ରଯୁକ୍ତିବିଦ୍ୟା ଓ ବିକାଶମୂଳକ କ୍ଷେତ୍ରରେ ସହଯୋଗ ବଢ଼ାଇବା ଉପରେ ଗୁରୁତ୍ୱ ଦିଆଯିବ।

ସୋସିଆଲ ମିଡିଆ ପ୍ଲାଟଫର୍ମ **'ଏକ୍ସ'**ରେ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ଏହା ଜଣେ ଭାରତୀୟ ରାଷ୍ଟ୍ରପତିଙ୍କରମାଲଡୋଭାଏବଂଉତ୍ତର ମାସିଡୋନିଆଗସ୍ତର ପ୍ରଥମ ଅବସର। ସେହିପରି ପ୍ରାୟତିନି ଦଶନ୍ଧିପରେ ରୋମାନିଆକୁ ଭାରତୀୟ ରାଷ୍ଟ୍ରପତିଙ୍କ ଏହା ପ୍ରଥମ ସରକାରୀ ଗସ୍ତ।

ଏହି ଗସ୍ତ ତିନୋଟି ଦେଶର ରାଷ୍ଟ୍ରପତିଙ୍କ ନିମନ୍ତ୍ରଣ କ୍ରମେ ଅନୁଷ୍ଠିତ ହେଉଛି। ଜୁଲାଇ୧୯ରୁ ୨୫ତାରିଖ ପର୍ଯ୍ୟନ୍ତ ଚାଲିବାକୁ ଥିବା ଏହି ଗସ୍ତ ସମୟରେ ଉଚ୍ଚସ୍ତରୀୟ ଦ୍ୱିପାକ୍ଷିକ ବୈଠକ, ବିଭିନ୍ନ ସହଯୋଗୀ ଚୁକ୍ତି ଏବଂ କୂଟନୀତିକ ଆଲୋଚନା ହେବାର ସମ୍ଭାବନା ରହିଛି।

ଭାରତ ସରକାରଙ୍କ ମତାନୁସାରେ, ଏହି ଗସ୍ତ ମାଧ୍ୟମରେ ୟୁରୋପୀୟ ଦେଶମାନଙ୍କ ସହ ଭାରତର ସହଯୋଗ ଆହୁରି ମଜବୁତ ହେବ ଏବଂ ବହୁ କ୍ଷେତ୍ରରେ ନୂଆ ସୁଯୋଗ ସୃଷ୍ଟି ହେବ।