ଓଡ଼ିଶାର ପ୍ରସିଦ୍ଧ ଐତିହ୍ୟ ହସ୍ତଶିଳ୍ପ ଗ୍ରାମରଘୁରାଜପୁରକୁ ବିଶ୍ୱସ୍ତରୀୟ ସାଂସ୍କୃତିକ ପର୍ଯ୍ୟଟନ କେନ୍ଦ୍ରଭାବେ ବିକଶିତ କରାଯିବ। ଏଥିପାଇଁ ରାଜ୍ୟ ସରକାର୨୩ କୋଟି ଟଙ୍କାବ୍ୟୟ କରିବେ। ମଙ୍ଗଳବାର ଓଡ଼ିଶାର ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଏହି ବୃହତ୍ ପର୍ଯ୍ୟଟନ ବିକାଶ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଛନ୍ତି।

ରଘୁରାଜପୁରକୁ ଏକ ବିଶ୍ୱସ୍ତରୀୟ ସାଂସ୍କୃତିକ ପର୍ଯ୍ୟଟନସ୍ଥଳୀ ଭାବେ ଗଢ଼ି ତୋଳିବା ସହ ଏଠାରେ ମୌଳିକ ଭିତ୍ତିଭୂମିର ବିକାଶ, ପର୍ଯ୍ୟଟକଙ୍କ ପାଇଁ ସୁବିଧା ବୃଦ୍ଧି ଏବଂ ସ୍ଥାନୀୟ କଳାକାର ଓ ହସ୍ତଶିଳ୍ପୀଙ୍କ ପାଇଁ ଉନ୍ନତ ସୁବିଧା ଯୋଗାଇବା ଏହି ପ୍ରକଳ୍ପର ମୁଖ୍ୟ ଲକ୍ଷ୍ୟ।

ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମରେ ପ୍ରଭାତୀ ପରିଡ଼ା ରଘୁରାଜପୁରକୁ“ଓଡ଼ିଶାର କଳା ଓ ସଂସ୍କୃତିର ହୃଦୟ”ବୋଲି ବର୍ଣ୍ଣନା କରିଥିଲେ। ଏହି ପ୍ରକଳ୍ପ ରଘୁରାଜପୁରର ପର୍ଯ୍ୟଟନ ବିକାଶରେ ଏକ ନୂଆ ଅଧ୍ୟାୟ ଆଣିବ ବୋଲି ସେ କହିଛନ୍ତି।

🎨 ପଟ୍ଟଚିତ୍ରରୁ ଗୋଟିପୁଅ ଯାଏଁ

ରଘୁରାଜପୁରର ସ୍ୱତନ୍ତ୍ର କଳା ଓ ସାଂସ୍କୃତିକ ପରମ୍ପରାକୁ ଦେଶ ତଥା ବିଦେଶରେ ଆହୁରି ପରିଚିତ କରାଇବା ଉପରେ ମଧ୍ୟ ଗୁରୁତ୍ୱ ଦିଆଯିବ।

ଏହି ଗ୍ରାମର ପ୍ରସିଦ୍ଧପଟ୍ଟଚିତ୍ର, ଗୋଟିପୁଅ ନୃତ୍ୟ, କାଠ ଖୋଦେଇ ଓ ଟେରାକୋଟା କଳାକୁ ବ୍ୟାପକ ଜାତୀୟ ଓ ଅନ୍ତର୍ଜାତୀୟ ଦର୍ଶକଙ୍କ ନିକଟରେ ପହଞ୍ଚାଇବା ପାଇଁ ପଦକ୍ଷେପ ନିଆଯିବ।

ପର୍ଯ୍ୟଟକମାନଙ୍କ ଅନୁଭୂତିକୁ ଆହୁରି ଉନ୍ନତ କରିବା ପାଇଁ ପର୍ଯ୍ୟଟନ ସୁବିଧାର ଉନ୍ନତି କରାଯିବ। ଏହାସହ କଳାକାର ଓ ହସ୍ତଶିଳ୍ପୀମାନଙ୍କୁ ଉନ୍ନତ ଭିତ୍ତିଭୂମି ଏବଂ ଆବଶ୍ୟକ ସହାୟତା ଯୋଗାଇ ସେମାନଙ୍କ ସୁଯୋଗ ବଢ଼ାଇବାକୁ ଯୋଜନା ରହିଛି।

ସରକାର ରଘୁରାଜପୁରକୁବିଶ୍ୱ ସାଂସ୍କୃତିକ ପର୍ଯ୍ୟଟନ ମାନଚିତ୍ରରେ ପ୍ରମୁଖ ସ୍ଥାନଦେବାକୁ ଚାହୁଁଛନ୍ତି। ଓଡ଼ିଶାର ପାରମ୍ପରିକ କଳା ଓ ଐତିହ୍ୟ ପ୍ରତି ଆଗ୍ରହ ରଖୁଥିବା ଦେଶୀ ଓ ବିଦେଶୀ ପର୍ଯ୍ୟଟକଙ୍କ ପାଇଁ ରଘୁରାଜପୁରକୁ ଏକ ବଡ଼ ଆକର୍ଷଣରେ ପରିଣତ କରିବା ଲକ୍ଷ୍ୟ ରହିଛି।

ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମରେ ପିପିଲି ବିଧାୟକ ଆଶ୍ରିତ ପଟ୍ଟନାୟକ, ପୁରୀ ଜିଲ୍ଲାପାଳ ଦିବ୍ୟଜ୍ୟୋତି ପରିଡ଼ା, ପର୍ଯ୍ୟଟନ ବିଭାଗର ଅତିରିକ୍ତ ସଚିବ ସରୋଜ କୁମାର ପ୍ରଧାନଙ୍କ ସମେତ ସ୍ଥାନୀୟ ପ୍ରତିନିଧି, କଳାକାର ଓ ହସ୍ତଶିଳ୍ପୀମାନେ ଉପସ୍ଥିତ ଥିଲେ।