ନିଖୋଜ ଶିଶୁମାନଙ୍କୁ ଖୋଜି ଉଦ୍ଧାର କରିବା ପାଇଁ ଓଡ଼ିଶା ପୋଲିସ ବଡ଼ ପଦକ୍ଷେପ ନେଇଛି। ରାଜ୍ୟ ଅପରାଧ ଶାଖାର ମହିଳା ଓ ଶିଶୁ ବିରୋଧୀ ଅପରାଧ ୱିଙ୍ଗ (CAW&CW) ପକ୍ଷରୁ ଏନେଇ କଡ଼ା ଷ୍ଟାଣ୍ଡାର୍ଡ ଅପରେଟିଂ ପ୍ରୋସିଜର (SOP) ଜାରି କରାଯାଇଛି। ଏହାଅନୁଯାୟୀ, ଆସନ୍ତା ୨୧ ମେରୁ ୩୦ ମେ ପର୍ଯ୍ୟନ୍ତ ଓଡ଼ିଶା ପୋଲିସ ଦେଶର ବିଭିନ୍ନ ରାଜ୍ୟରେ ସ୍ୱତନ୍ତ୍ର ଅଭିଯାନ ଚାଲାଇ ନିଖୋଜ ଶିଶୁମାନଙ୍କୁ ଠାବ କରିବା ଓ ଉଦ୍ଧାର କରିବାକୁ ପ୍ରୟାସ କରିବ।
ତଦନ୍ତରୁ ଜଣାପଡ଼ିଛି ଯେ ଓଡ଼ିଶାର ଅନେକ ନିଖୋଜ ଶିଶୁ ରାଜ୍ୟ ବାହାରକୁ ଚାଲିଯାଇ ଘରୋଇ କାମ, ନିର୍ମାଣ କାର୍ଯ୍ୟ, ହୋଟେଲ ଓ ରେଷ୍ଟୁରାଣ୍ଟରେ ଶ୍ରମିକ ଭାବେ କାମ କରୁଛନ୍ତି। ଏହି ପରିସ୍ଥିତିକୁ ଦୃଷ୍ଟିରେ ରଖି ପୋଲିସର ପ୍ରତ୍ୟେକ ରେଞ୍ଜକୁ ଦୁଇଟି କରି ରାଜ୍ୟ ଦାୟିତ୍ୱ ଦିଆଯାଇଛି।
ପୂର୍ବ ରେଞ୍ଜକୁ ପଶ୍ଚିମବଙ୍ଗ ଓ ଆସାମ, କେନ୍ଦ୍ର ରେଞ୍ଜକୁ ନୂଆଦିଲ୍ଲୀ ଓ ରାଜସ୍ଥାନ, ଉତ୍ତର-କେନ୍ଦ୍ର ରେଞ୍ଜକୁ ଝାରଖଣ୍ଡ ଓ ବିହାର, ଉତ୍ତର ରେଞ୍ଜକୁ ଛତିଶଗଡ଼ ଓ ମଧ୍ୟପ୍ରଦେଶ, ପଶ୍ଚିମ ରେଞ୍ଜକୁ ଉତ୍ତରପ୍ରଦେଶ ଓ ହରିୟାଣା, ଦକ୍ଷିଣ-ପଶ୍ଚିମ ରେଞ୍ଜକୁ ଆନ୍ଧ୍ରପ୍ରଦେଶ ଓ ତେଲେଙ୍ଗାନା, ଦକ୍ଷିଣ ରେଞ୍ଜକୁ ତାମିଲନାଡୁ ଓ କର୍ଣ୍ଣାଟକ ଏବଂ କମିଶନରେଟ୍ ପୋଲିସକୁ ମହାରାଷ୍ଟ୍ର ଓ ଗୁଜରାଟ ଦାୟିତ୍ୱ ଦିଆଯାଇଛି।
ପ୍ରତ୍ୟେକ ଦଳରେ ଜଣେ ASPଙ୍କ ନେତୃତ୍ୱରେ ୧୧ ଜଣିଆ ଟିମ୍ ରହିବେ। ଏଥିରେ ଦୁଇଜଣ DSP, ଇନ୍ସପେକ୍ଟର, SI/ASI ଓ ଚାରିଜଣ କନଷ୍ଟେବଳ ରହିବେ। ପ୍ରତ୍ୟେକ ଟିମ୍କୁ ଦୁଇଟି ଗ୍ରୁପରେ ବିଭକ୍ତ କରାଯିବ ଓ ପ୍ରତ୍ୟେକ ଗ୍ରୁପରେ ଅତିକମରେ ଦୁଇଜଣ ମହିଳା ଅଧିକାରୀ ରହିବେ।
CAW&CW ପକ୍ଷରୁ ପ୍ରସ୍ତୁତ ନିଖୋଜ ଶିଶୁ ତଥ୍ୟ ଆଧାରରେ ଟିମ୍ମାନେ ଶିଶୁ ଯତ୍ନ ସଂସ୍ଥା, ମିଶନ ବାତ୍ସଲ୍ୟ ପୋର୍ଟାଲ ଓ ଶିଶୁ କଲ୍ୟାଣ ସମିତି ସହ ସମନ୍ୱୟ କରି ତଦନ୍ତ କରିବେ।
ଏହାସହ ସ୍ଥାନୀୟ ଶ୍ରମ ଅଧିକାରୀ, ଜିଲ୍ଲା ଶିଶୁ ସୁରକ୍ଷା ଅଧିକାରୀ ଓ ସମ୍ପର୍କିତ ରାଜ୍ୟରେ ଥିବା ଓଡ଼ିଆ ସଂଗଠନମାନଙ୍କ ସହ ଯୋଗାଯୋଗ କରି ଶ୍ରମିକ ବସ୍ତିଗୁଡ଼ିକରୁ ସୂଚନା ସଂଗ୍ରହ କରାଯିବ।
ରେଞ୍ଜ IGP ଓ DIGମାନଙ୍କୁ ଟିମ୍ମାନଙ୍କୁ ଅଭିଯାନ ପୂର୍ବରୁ ବ୍ରିଫିଂ ଦେବା ଓ ଦୈନିକ ଅଗ୍ରଗତି ନିରୀକ୍ଷଣ କରିବାକୁ କୁହାଯାଇଛି। ସମସ୍ତ ରେଞ୍ଜକୁ ଜୁନ୍ ୫ ସୁଦ୍ଧା ଚୂଡ଼ାନ୍ତ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦିଆଯାଇଛି।
ଏହି ସ୍ୱତନ୍ତ୍ର ଅଭିଯାନ ମାଧ୍ୟମରେ ନିଖୋଜ ଶିଶୁମାନଙ୍କୁ ସୁରକ୍ଷିତ ଭାବେ ଉଦ୍ଧାର କରି ସେମାନଙ୍କୁ ପରିବାର ସହ ପୁନର୍ମିଳନ କରାଇବା ଲକ୍ଷ୍ୟ ରହିଛି।
ଆଇପିଏଲ୍ ୨୦୨୬ରୁ କୋଲକାତା ନାଇଟ୍ ରାଇଡର୍ସ ବାଦ୍ ପଡ଼ିବା ପ...
ଭାରତୀୟ ପୁରୁଷ ଫୁଟବଲ୍ ଦଳ ପାଇଁ ସଦ୍ୟ ପ୍ରକାଶିତ ଫିଫା ମାନ...
ଆପଣ ଯଦି ୧୦ ଲକ୍ଷ ଟଙ୍କାରୁ ଅଧିକ ଦାମର କାର କିଣିଛନ୍ତି, ତ...
ସମ୍ପ୍ରତି ଘୋଷିତ ଡିଏ (Dearness Allowance) ବୃଦ୍ଧି ପରେ...
ଦେଶରେ ପୁନର୍ବାର ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି। ପେ...
ଆଇପିଏଲ୍‌ ୨୦୨୬ରେ ସନରାଇଜର୍ସ ହାଇଦ୍ରାବାଦ ଓ ରୟାଲ୍&...
ଆଇପିଏଲ୍‌ ୨୦୨୬ରେ ରାଜସ୍ଥାନ ରୟାଲ୍ସର ଓପେନିଂ ଯୋଡ଼ି...
ଡିଜିଟାଲ୍ ପେମେଣ୍ଟ୍ କମ୍ପାନୀ ପେଟିଏମ୍ର ଶେୟର ଦର ଆଜି ଶେୟ...
