ଓଡ଼ିଶାରେ ଧୀରେ ଧୀରେ ସୁଧୁରୁଛି ବନ୍ୟା ପରିସ୍ଥିତି। ମହାନଦୀ ସମେତ ରାଜ୍ୟର ପ୍ରମୁଖ ନଦୀଗୁଡ଼ିକର ଜଳସ୍ତର କମିବାରେ ଲାଗିଛି। ଏବେ ମହାନଦୀରେ ଆଉ ବନ୍ୟା ବିପଦ ନାହିଁ ବୋଲି ସୋମବାର ସୂଚନା ଦେଇଛନ୍ତି ଓଡ଼ିଶା ଜଳସମ୍ପଦ ବିଭାଗର ମୁଖ୍ୟଯନ୍ତ୍ରୀ ତଥା EICଦିଲୀପ ରାଉତ।
ଦିଲୀପ ରାଉତଙ୍କ ସୂଚନା ଅନୁଯାୟୀ, ମହାନଦୀର ଉପର ଓ ତଳ ଅବବାହିକାରେ ବର୍ତ୍ତମାନ ବର୍ଷା ହେଉନାହିଁ। ଏହା ଯୋଗୁଁ ନଦୀର ଜଳସ୍ତର କମିବା ସହ ବନ୍ୟା ବିପଦ ମଧ୍ୟ ଟଳିଛି।
ସୋମବାର ମଧ୍ୟାହ୍ନ ୧୨ଟା ସୁଦ୍ଧାହୀରାକୁଦ ଜଳଭଣ୍ଡାରର ଜଳସ୍ତର ୬୨୦.୭୭ ଫୁଟ୍ରହିଥିଲା। ବନ୍ୟା ପରିଚାଳନା ପାଇଁ ଜଳସ୍ତରକୁ ପର୍ଯ୍ୟାୟକ୍ରମେ କମାଇବାକୁ ଯୋଜନା କରାଯାଇଛି।
ମଙ୍ଗଳବାର ସୁଦ୍ଧା ଜଳସ୍ତରକୁ୬୧୮ ଫୁଟ୍ଏବଂ ବୁଧବାର ସୁଦ୍ଧା୬୧୫ ଫୁଟ୍କୁ କମାଇବାର ଯୋଜନା ରହିଛି।
ବର୍ତ୍ତମାନ ହୀରାକୁଦ ଜଳଭଣ୍ଡାରରୁ ପ୍ରାୟ୩.୦୩ ଲକ୍ଷ କ୍ୟୁସେକ୍ଜଳ ନିଷ୍କାସନ ହେଉଛି। ଅନ୍ୟପକ୍ଷରେ ମୁଣ୍ଡଳୀରେ ଜଳ ପ୍ରବାହ ପ୍ରାୟ୫.୮୨ ଲକ୍ଷ କ୍ୟୁସେକ୍ରେକର୍ଡ ହୋଇଛି।
ବନ୍ୟା ପରିସ୍ଥିତିରେ ସୁଧାର ଆସିଥିଲେ ମଧ୍ୟ ନଦୀବନ୍ଧରେ ସୃଷ୍ଟି ହୋଇଥିବା ଘାଇଗୁଡ଼ିକୁ ତୁରନ୍ତ ବନ୍ଦ କରିବା ଏବେ ସରକାରଙ୍କ ପ୍ରାଥମିକତା ବୋଲି EIC କହିଛନ୍ତି।
ବ୍ରାହ୍ମଣୀ ଓ ବୈତରଣୀ ନଦୀ ପ୍ରଣାଳୀରେ ନଦୀବନ୍ଧ ମରାମତି କାମ ଆରମ୍ଭ ହୋଇସାରିଛି। ବନ୍ୟା ସୁରକ୍ଷା ଭିତ୍ତିଭୂମିକୁ ପୁଣି ଥରେ ସୁଦୃଢ଼ କରିବା ଉପରେ ବିଭାଗ ଗୁରୁତ୍ୱ ଦେଉଛି।
କିଛି ଅନ୍ତର୍ଜାତୀୟ ପାଣିପାଗ ମଡେଲ୍ରେଅଗଷ୍ଟ ୫ ପରେ ବର୍ଷାର ସମ୍ଭାବନାଦର୍ଶାଯାଇଛି। ତେବେ ଏନେଇ ଭାରତୀୟ ପାଣିପାଗ ବିଭାଗ (IMD) ପକ୍ଷରୁ ଏପର୍ଯ୍ୟନ୍ତ କୌଣସି ଅଧିକାରିକ ପୂର୍ବାନୁମାନ ଜାରି ହୋଇନାହିଁ।
ଅଧିକାରୀଙ୍କ କହିବା ଅନୁଯାୟୀ, ଯଦି ବର୍ଷା ହୁଏ ମଧ୍ୟ ଏହାର ପ୍ରଭାବ ବର୍ତ୍ତମାନର ବନ୍ୟା ପରିସ୍ଥିତି ଉପରେ ବିଶେଷ ଗୁରୁତର ହେବାର ସମ୍ଭାବନା କମ୍।
ଏଲ୍ ନିନୋର ପ୍ରଭାବକୁ ନେଇ ସତର୍କ ରହିବାର ଆବଶ୍ୟକତା ଥିବା ଦିଲୀପ ରାଉତ କହିଛନ୍ତି। ଚଳିତ ଋତୁରେ ସ୍ୱାଭାବିକଠାରୁ କମ୍ ବର୍ଷା ହେବ ବୋଲି ପୂର୍ବାନୁମାନ ଥିଲେ ମଧ୍ୟଜୁଲାଇରେ ଓଡ଼ିଶାରେ ସ୍ୱାଭାବିକଠାରୁ ୩୮% ଅଧିକ ବର୍ଷାରେକର୍ଡ ହୋଇଛି।
ଏହା ଚଳିତ ମୌସୁମୀ ପାଣିପାଗର ଅନିଶ୍ଚିତତାକୁ ଦର୍ଶାଉଥିବାରୁ ଆଗକୁ ମଧ୍ୟ ପରିସ୍ଥିତି ଉପରେ ନଜର ରଖିବାକୁ ବିଭାଗ ପ୍ରସ୍ତୁତ ରହିଛି।
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମ...
ଚନ୍ଦ୍ରନାଥ ରଥ ହତ୍ୟାକାଣ୍ଡର ତଦନ୍ତ କରୁଥିବା କେନ୍ଦ୍ରୀୟ ଅ...
ମେଷ ଏହି ସପ୍ତାହ ଆପଣଙ୍କ କର୍ମକ୍ଷେତ୍ର ପାଇଁ ଉତ୍ସାହଜନ...
ଲକ୍ଷ୍ଣୌ:ଉତ୍ତର ପ୍ରଦେଶର ରାୟବରେଲୀ ଜିଲ୍ଲାରେ ଏକ ଚାଞ୍ଚଲ୍...
ଜନ୍ତର ମନ୍ତରରେ ହୋଇଥିବା ଏକ ପ୍ରତିବାଦ ସମୟରେ ପ୍ରଧାନମନ୍ତ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର ପ...
ଜନ୍ତର ମନ୍ତରରେ ହୋଇଥିବା ସମ୍ପ୍ରତିର ପ୍ରତିବାଦକୁ ନେଇ ପ୍ର...
