ବିଶ୍ୱପ୍ରସିଦ୍ଧଶ୍ରୀଜଗନ୍ନାଥ ରଥଯାତ୍ରାପାଇଁ ଲକ୍ଷାଧିକ ଭକ୍ତ ପୁରୀ ଆସିବାକୁ ପ୍ରସ୍ତୁତ ହେଉଥିବା ବେଳେ,ଓଡ଼ିଶା କ୍ରାଇମବ୍ରାଞ୍ଚ ଓ ସାଇବର ପୁଲିସନକଲି ହୋଟେଲ ବୁକିଂ ଠକେଇକୁ ନେଇ ଗୁରୁତ୍ୱପୂର୍ଣ୍ଣ ସତର୍କ ସୂଚନା ଜାରି କରିଛି।
କ୍ରାଇମବ୍ରାଞ୍ଚ ପକ୍ଷରୁ ଶ୍ରଦ୍ଧାଳୁଙ୍କୁ କୁହାଯାଇଛି ଯେ,ଅନଲାଇନରେ ହୋଟେଲ ବୁକିଂ କରିବା ପୂର୍ବରୁ ୱେବସାଇଟ୍ର ସତ୍ୟତା ନିଶ୍ଚିତ ଭାବେ ଯାଞ୍ଚ କରନ୍ତୁ।କୌଣସି ସନ୍ଦେହଜନକ ୱେବସାଇଟ୍, ଲିଙ୍କ୍ କିମ୍ବା ବୁକିଂ ପ୍ଲାଟଫର୍ମ ଦେଖିଲେ ତୁରନ୍ତ ସାଇବର ପୁଲିସକୁ ଜଣାଇବାକୁ ପରାମର୍ଶ ଦିଆଯାଇଛି।
ରଥଯାତ୍ରା ପୂର୍ବରୁ ସଚେତନତା ବୃଦ୍ଧି ପାଇଁ'ସାଇବର ରଥ'ନାମକ ଏକ ସ୍ୱତନ୍ତ୍ର ଅଭିଯାନର ଶୁଭାରମ୍ଭ କରାଯାଇଛି। ଏହାକୁ କ୍ରାଇମବ୍ରାଞ୍ଚ ଆଇଜିସାର୍ଥକ ସଡ଼ଙ୍ଗୀଓ ପୁରୀ ଏସପିପ୍ରତୀକ ସିଂହଉଦ୍ଘାଟନ କରିଛନ୍ତି।
କ୍ରାଇମବ୍ରାଞ୍ଚ ଅନୁଯାୟୀ, ସାଇବର ଠକମାନେନକଲି ହୋଟେଲ ୱେବସାଇଟ୍, ଭୁଆ ମୋବାଇଲ୍ ଆପ୍ ଏବଂ ସୋସିଆଲ୍ ମିଡିଆ ପେଜ୍ତିଆରି କରି ଶ୍ରଦ୍ଧାଳୁଙ୍କୁ ଠକୁଛନ୍ତି। ଲୋକମାନେ ଅଗ୍ରୀମ ଟଙ୍କା ଦେଇଦେବା ପରେ ପୁରୀ ପହଞ୍ଚି ଜାଣିପାରୁଛନ୍ତି ଯେ ସେମାନଙ୍କ ନାମରେ କୌଣସି ବୁକିଂ ନାହିଁ।
କ୍ରାଇମବ୍ରାଞ୍ଚ ଆଇଜି ସାର୍ଥକ ସଡ଼ଙ୍ଗୀ କହିଛନ୍ତି ଯେ, ଶ୍ରଦ୍ଧାଳୁମାନେ କୌଣସିଅଜଣା ଲିଙ୍କ୍ କିମ୍ବା ଯାଞ୍ଚ ହୋଇନଥିବା ବୁକିଂ ପ୍ଲାଟଫର୍ମରେ ପେମେଣ୍ଟ କରନ୍ତୁ ନାହିଁ।ସାଇବର ଠକେଇର ଶିକାର ହେଲେ ତୁରନ୍ତଜାତୀୟ ସାଇବର ହେଲ୍ପଲାଇନ୍ ୧୯୩୦କୁ ଫୋନ୍ କରିବାକୁ ସେ ଅନୁରୋଧ କରିଛନ୍ତି।
ସେ ଆହୁରି କହିଛନ୍ତି ଯେ, ଯଦି କୌଣସି ଶ୍ରଦ୍ଧାଳୁ ନକଲି ବୁକିଂର ଶିକାର ହୁଅନ୍ତି, ତେବେ ହୋଟେଲ ଆସୋସିଏସନ୍ ସହ ଯୋଗାଯୋଗ କରି ଖାଲି ରୁମ୍ ଥିଲେ ସେମାନଙ୍କ ରହିବାର ବ୍ୟବସ୍ଥା କରିବାକୁ ପ୍ରୟାସ କରାଯିବ। ଏହାସହ ଭୁଆ ୱେବସାଇଟ୍ଗୁଡ଼ିକୁ ଚିହ୍ନଟ କରି ବନ୍ଦ କରିବା ପାଇଁ ମଧ୍ୟ ପଦକ୍ଷେପ ନିଆଯିବ।
ହୋଟେଲ ବ୍ୟବସାୟୀବିଭୂତି ସୁବୁଦ୍ଧିମଧ୍ୟ ଶ୍ରଦ୍ଧାଳୁଙ୍କୁ ପରାମର୍ଶ ଦେଇଛନ୍ତି ଯେ,UPI ମାଧ୍ୟମରେ ଅଜଣା ଆକାଉଣ୍ଟକୁ ଟଙ୍କା ପଠାନ୍ତୁ ନାହିଁ।ଟଙ୍କା ଜମା କରିବା ପୂର୍ବରୁ ହୋଟେଲ ମାଲିକ କିମ୍ବା ପରିଚାଳନା କର୍ତ୍ତୃପକ୍ଷଙ୍କ ସହ ଯୋଗାଯୋଗ କରିRTGS ଆକାଉଣ୍ଟ ନମ୍ବର ଓ IFSC କୋଡ୍ଯାଞ୍ଚ କରିବାକୁ ସେ ଅନୁରୋଧ କରିଛନ୍ତି।
କ୍ରାଇମବ୍ରାଞ୍ଚ କହିଛି ଯେ, ହୋଟେଲ ବୁକିଂ ପୂର୍ବରୁ କିଛି ମିନିଟ୍ ଯାଞ୍ଚ କଲେ ଆର୍ଥିକ କ୍ଷତିରୁ ବଞ୍ଚିବା ସହ ରଥଯାତ୍ରାକୁ ସୁରକ୍ଷିତ ଓ ନିର୍ବିଘ୍ନ କରିପାରିବେ।
ଦେଶରେ ଜରୁରୀ ଔଷଧକୁ ସାଧାରଣ ଲୋକଙ୍କ ପାଇଁ ଅଧିକ ସୁଲଭ ଓ ସ...
ଆମେରିକା ଓ ଇରାନ ମଧ୍ୟରେ ଉତ୍ତେଜନା ପୁଣି ଥରେ ବଢ଼ୁଥିବା ବ...
ଝାରସୁଗୁଡ଼ାର ପୂର୍ବତନ ବିଜେଡି ବିଧାୟିକାଅଳକା ମହାନ୍ତିଶନି...
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନ୍ୟୁଜିଲାଣ୍ଡ ଗସ୍ତ ଦୁ...
ଓଡ଼ିଶାରେ ଆସନ୍ତା କିଛି ଦିନ ମଧ୍ୟରେ ବର୍ଷାର ପ୍ରକୋପ ବଢ଼ି...
ଉତ୍ତର ପ୍ରଦେଶର ଗାଜିଆବାଦରେ ପ୍ରବଳ ବର୍ଷା ଏକ ଦୁଃଖଦ ଘଟଣା...
ଭବିଷ୍ୟତର ଯୁଦ୍ଧରେ କୃତ୍ରିମ ବୁଦ୍ଧିମତା (AI)ର ବ୍ୟବହାର ବ...
ନ୍ୟୁଜିଲାଣ୍ଡର ଅକଲାଣ୍ଡରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ...
ଓମାନ ଉପକୂଳ ନିକଟବର୍ତ୍ତୀହର୍ମୁଜ୍ ପ୍ରଣାଳୀରେ ସାଇପ୍ରସ ପତ...
ରବିବାର ଭୋର ସମୟରେବଙ୍ଗୋପସାଗରରେ ୪.୫ ତୀବ୍ରତାର ଭୂମିକମ୍ପ...
ଓଡ଼ିଶାରେ ଆସନ୍ତା ସାତ ଦିନ ଧରି ବର୍ଷାର ପ୍ରଭାବ ଜାରି ରହି...
ହୀରାକୁଦ ଜଳଭଣ୍ଡାରରୁ ଛଡ଼ାଯାଇଥିବା ଚଳିତ ଋତୁର ପ୍ରଥମ ବନ୍...
