ଉତ୍ତରପ୍ରଦେଶରନୋଏଡାସ୍ଥିତମାମୁରା ଗ୍ରାମର ଏକ ଆବାସିକ ବିଲ୍ଡିଂରେ ଘଟିଥିବା ଭୟଙ୍କର ଅଗ୍ନିକାଣ୍ଡରେ ଦୁଇ ଜଣଙ୍କର ମୃତ୍ୟୁ ଘଟିଛି। ପ୍ରାଥମିକ ସୂଚନା ଅନୁଯାୟୀ, ବିଲ୍ଡିଂର ଗ୍ରାଉଣ୍ଡ ଫ୍ଲୋର ପାର୍କିଂରେ ଏକଇଲେକ୍ଟ୍ରିକ୍ ଭେହିକିଲ୍ (EV)ଚାର୍ଜ ହେଉଥିବା ବେଳେ ସ୍ପାର୍କ ସୃଷ୍ଟି ହୋଇ ନିଆଁ ଲାଗିଥିଲା।

କିଛି ସମୟ ମଧ୍ୟରେ ନିଆଁ ପାର୍କିଂରେ ଥିବା ଅନ୍ୟାନ୍ୟ ପେଟ୍ରୋଲ ଚାଳିତ ଗାଡ଼ିକୁ ବ୍ୟାପିଯାଇଥିଲା। ଏହାଫଳରେ ସମଗ୍ର ବିଲ୍ଡିଂ ଘନ କଳା ଧୂଆଁରେ ଆଚ୍ଛାଦିତ ହୋଇଯାଇଥିଲା, ଯାହାରେ ବାସିନ୍ଦାମାନେ ଫସି ଯାଇଥିଲେ।

ଘଟଣାର ସୂଚନା ପାଇ ଅଗ୍ନିଶମ ବିଭାଗର୭ଟି ଦମକଳ ଗାଡ଼ିଏବଂହାଇଡ୍ରୋଲିକ୍ ପ୍ଲାଟଫର୍ମସହ ଉଦ୍ଧାରକାରୀ ଦଳ ପହଞ୍ଚିଥିଲେ। ଦୀର୍ଘ ସମୟ ଧରି ଚାଲିଥିବା ଉଦ୍ଧାର ଅଭିଯାନରେ ପ୍ରାୟ୫୦ଟି ପରିବାରକୁ ସୁରକ୍ଷିତ ଭାବେବାହାର କରାଯାଇଥିଲା।

ତେବେ ଧୂଆଁରେ ଶ୍ୱାସରୁଦ୍ଧ ହୋଇ ଗୁରୁତର ଅସୁସ୍ଥ ହୋଇଥିବା ଦୁଇ ଜଣଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲେ ମଧ୍ୟ ଚିକିତ୍ସାଧୀନ ଅବସ୍ଥାରେ ସେମାନଙ୍କର ମୃତ୍ୟୁ ଘଟିଥିଲା।

ଗୌତମ ବୁଦ୍ଧ ନଗରର ଯୁଗ୍ମ ପୋଲିସ କମିଶନରରାଜୀବ ନାରାୟଣକହିଛନ୍ତି ଯେ, ଏହି ଘଟଣାରେଫେଜ୍-୩ ଥାନାରେ ଏଫଆଇଆର୍ ରୁଜୁକରାଯାଇଛି। ବିଲ୍ଡିଂର ମାଲିକ ଓ ଲିଜଧାରୀଙ୍କୁ ପୋଲିସ ହେପାଜତକୁ ନେଇ ପଚରାଉଚରା କରାଯାଉଛି।

ଏହି ଘଟଣାକୁ ନେଇ ଉତ୍ତରପ୍ରଦେଶ ମୁଖ୍ୟମନ୍ତ୍ରୀଯୋଗୀ ଆଦିତ୍ୟନାଥଗଭୀର ଶୋକ ପ୍ରକାଶ କରିଛନ୍ତି। ସେ ସ୍ଥାନୀୟ ପ୍ରଶାସନକୁ ତୁରନ୍ତ ରିଲିଫ୍ ଓ ଉଦ୍ଧାର କାର୍ଯ୍ୟ ଜୋରଦାର କରିବା ସହ ପ୍ରଭାବିତ ପରିବାରଙ୍କୁ ଆବଶ୍ୟକ ସହାୟତା ଓ ଆହତମାନଙ୍କୁ ଉତ୍ତମ ଚିକିତ୍ସା ସୁନିଶ୍ଚିତ କରିବାକୁ ନିର୍ଦ୍ଦେଶ ଦେଇଛନ୍ତି।

ପୋଲିସ ଓ ଅଗ୍ନିଶମ ବିଭାଗ ଅଗ୍ନିକାଣ୍ଡର ପ୍ରକୃତ କାରଣ ଜାଣିବା ପାଇଁ ତଦନ୍ତ ଜାରି ରଖିଛନ୍ତି।