ମୁମ୍ବାଇରେ CJPର ଆନ୍ଦୋଳନରେ ଯୋଗଦେଲେ ଅଭିନେତା ନସୀରୁଦ୍ଦିନ ଶାହ। ଗାନ୍ଧୀ ଜୟନ୍ତୀ ଅବସରରେ ଶୁକ୍ରବାର ମୁମ୍ବାଇର ଶିବାଜୀ ପାର୍କରେ Cockroach Janta Party ପକ୍ଷରୁ ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କ ଇସ୍ତଫା ଦାବିରେ ପ୍ରତିବାଦ ଆୟୋଜିତ ହୋଇଥିଲା। ନସୀରୁଦ୍ଦିନ ଶାହ ଆନ୍ଦୋଳନ ପୂର୍ବରୁ CJP ପ୍ରତିଷ୍ଠାତା ଅଭିଜୀତ ଦୀପକେଙ୍କୁ ମଧ୍ୟ ଭେଟିଥିଲେ।

CJPର ମୁଖ୍ୟ ଦାବି ମଧ୍ୟରେ CEC ଜ୍ଞାନେଶ କୁମାରଙ୍କ ଇସ୍ତଫା, ୨୦୨୫ର ଭୋଟର ତାଲିକାକୁ ଫ୍ରିଜ୍ କରିବା ଏବଂ ଭବିଷ୍ୟତରେ ମୁଖ୍ୟ ନିର୍ବାଚନ କମିଶନର ଚୟନ ପ୍ରକ୍ରିୟାରେ ଅଧିକ ସ୍ୱଚ୍ଛତା ଆଣିବା ରହିଛି। ଦଳ ପକ୍ଷରୁ ନିର୍ବାଚନୀ ଭୋଟର ତାଲିକାର Special Intensive Revision (SIR)କୁ ନେଇ ମଧ୍ୟ ପ୍ରଶ୍ନ ଉଠାଯାଇଛି।

ଏହି ଆନ୍ଦୋଳନ ପଛରେ ନିର୍ବାଚନ କମିଶନର ଆଭ୍ୟନ୍ତରୀଣ ମତଭେଦ ସମ୍ପର୍କିତ ରିପୋର୍ଟ ମଧ୍ୟ ଏକ ପ୍ରମୁଖ ପ୍ରସଙ୍ଗ ହୋଇଛି। ରିପୋର୍ଟ ଅନୁସାରେ, ନିର୍ବାଚନ କମିଶନର ସୁଖବୀର ସିଂହ ସାନ୍ଧୁ ଓ ବିବେକ ଯୋଶୀ ୧୦ ମାସ ମଧ୍ୟରେ SIR ସମ୍ପର୍କିତ କିଛି ନିଷ୍ପତ୍ତି ଓ ଆଦେଶ ଉପରେ ଅନେକଥର ଆପତ୍ତି ଉଠାଇଥିବା ଦାବି କରାଯାଇଛି। ତେବେ ନିର୍ବାଚନ କମିଶନ କହିଛି ଯେ SIR ସମେତ ତିନି ସଦସ୍ୟ ବିଶିଷ୍ଟ କମିଶନର ସମସ୍ତ ନିଷ୍ପତ୍ତି ସର୍ବସମ୍ମତିରେ ନିଆଯାଇଛି।

ନସୀରୁଦ୍ଦିନ ଶାହ ପୂର୍ବରୁ ମଧ୍ୟ CJP ନେତୃତ୍ୱାଧୀନ ଆନ୍ଦୋଳନକୁ ସମର୍ଥନ କରିଥିଲେ। ଜୁଲାଇରେ ଆୟୋଜିତ CJPର ‘Chalo Sansad’ ଆନ୍ଦୋଳନ ସମୟରେ ପ୍ରତିବାଦକାରୀଙ୍କ ବିରୋଧରେ ହୋଇଥିବା କାର୍ଯ୍ୟାନୁଷ୍ଠାନକୁ ନେଇ ସେ ମତ ରଖିଥିଲେ।