ଖାଦ୍ୟର ପରିମାଣ ବଢ଼ାଇବାକୁ ପରାମର୍ଶ

ବିଶେଷଜ୍ଞମାନେ ଓରାଙ୍ଗୁଟାନ୍ ଶିଶୁମାନଙ୍କ ଖାଦ୍ୟ ବ୍ୟବସ୍ଥାର ସମୀକ୍ଷା କରି ଧୀରେ ଧୀରେ ଖାଦ୍ୟର ପରିମାଣ ବଢ଼ାଇବା ସହ ଡାଏଟ୍‌ରେ ଅଧିକ ଖାଦ୍ୟ ସାମଗ୍ରୀ ଯୋଡ଼ିବାକୁ ପରାମର୍ଶ ଦେଇଛନ୍ତି। ଏହା ସହ ଶରୀରରେ ଥିବା କୀଟାଣୁ/କୃମିର ଭାର କମାଇବା ପାଇଁ ivermectin କିମ୍ବା doramectin ବ୍ୟବହାର ନେଇ ମଧ୍ୟ ପରାମର୍ଶ ଦିଆଯାଇଛି।

୩ଟି ଶିଶୁଙ୍କଠାରେ ରକ୍ତହୀନତା

ପୂର୍ବରୁ ହୋଇଥିବା ପରୀକ୍ଷାରେ ୫ଟି ଶିଶୁଙ୍କ ମଧ୍ୟରୁ ୩ଟିରେ ରକ୍ତହୀନତା ଚିହ୍ନଟ ହୋଇଥିଲା। ସେଥିରୁ ଜଣଙ୍କଠାରେ ଗୁରୁତର ଏବଂ ଅନ୍ୟ ଦୁଇଜଣଙ୍କଠାରେ ମୃଦୁ ରକ୍ତହୀନତା ଦେଖାଯାଇଥିଲା। ବିଶେଷଜ୍ଞ କମିଟିର ପରାମର୍ଶ ଅନୁସାରେ ସେମାନଙ୍କୁ ସପୋର୍ଟିଭ୍ ସପ୍ଲିମେଣ୍ଟ ଦିଆଯାଉଛି।

ଏକ୍ସ-ରେ ଓ ରକ୍ତ ପରୀକ୍ଷା

ସେପ୍ଟେମ୍ବର ୧୬ରେ ୫ଟି ଓରାଙ୍ଗୁଟାନ୍‌ର ଛାତି, ପେଟ ଓ ଖପୁରିର ଏକ୍ସ-ରେ କରାଯାଇଥିଲା। ଏହା ସହ ରକ୍ତ, ସିରମ୍ ଓ ନାସାଲ୍ ସ୍ୱାବ୍‌ର ନମୁନା ମଧ୍ୟ ସଂଗ୍ରହ କରାଯାଇଛି। ଜଣେ ଶିଶୁଙ୍କୁ ଜ୍ୱର ହୋଇଥିଲେ ମଧ୍ୟ ପରେ ସେ ସୁସ୍ଥ ହୋଇଥିବା ଜଣାପଡ଼ିଛି।

ଭୋଗରାଇରୁ ଉଦ୍ଧାର ହୋଇଥିଲେ ୫ ଓରାଙ୍ଗୁଟାନ୍

ସେପ୍ଟେମ୍ବର ୮ ତାରିଖରେ ବାଲେଶ୍ୱର ଜିଲ୍ଲାର ଭୋଗରାଇ ଅଞ୍ଚଳର ଏକ ଜଙ୍ଗଲରୁ ୫ଟି ଓରାଙ୍ଗୁଟାନ୍ ଶିଶୁଙ୍କୁ ଉଦ୍ଧାର କରାଯାଇ ନନ୍ଦନକାନନକୁ ଅଣାଯାଇଥିଲା। ସେମାନଙ୍କ ଓଡ଼ିଶାକୁ ଆସିବାର ପରିସ୍ଥିତି ନେଇ ତଦନ୍ତ ଜାରି ରହିଛି।