ଗଞ୍ଜାମ ଜିଲ୍ଲାର ପ୍ରସିଦ୍ଧମା’ ତାରାତାରିଣୀ ପୀଠକୁ ପ୍ରତିବର୍ଷ ହଜାର ହଜାର ଭକ୍ତ ଓ ପର୍ଯ୍ୟଟକ ଆସୁଥିଲେ ମଧ୍ୟ ଏଠାରେମୋବାଇଲ ନେଟୱର୍କ ସମସ୍ୟାଦୀର୍ଘଦିନ ଧରି ଜାରି ରହିଛି। ପ୍ରାୟ୧୩୨ କୋଟି ଟଙ୍କା ବ୍ୟୟରେ ବିକାଶମୂଳକ କାର୍ଯ୍ୟସରିଥିଲେ ମଧ୍ୟ ମୋବାଇଲ ସଂଯୋଗର ସମସ୍ୟା ଦୂର ହୋଇନାହିଁ ବୋଲି ଭକ୍ତ ଓ ସେବାୟତମାନେ ଅଭିଯୋଗ କରିଛନ୍ତି।

ଭକ୍ତମାନଙ୍କ କହିବା ଅନୁସାରେ, ମନ୍ଦିର ପରିସରରେ ମୋବାଇଲ ନେଟୱର୍କ ନଥିବାରୁଫୋନ୍ କଲ୍ କରିବା କିମ୍ବା ଇଣ୍ଟରନେଟ୍ ବ୍ୟବହାର କରିବା ସମ୍ଭବ ହେଉନାହିଁ। ଜରୁରୀ ସମୟରେ ପରିବାର କିମ୍ବା ପ୍ରଶାସନ ସହ ଯୋଗାଯୋଗ କରିବା ମଧ୍ୟ କଷ୍ଟକର ହେଉଛି।

ପର୍ଯ୍ୟଟକସିମାଞ୍ଚଳ ବେହେରାକହିଛନ୍ତି ଯେ, ମନ୍ଦିରରେ ପହଞ୍ଚିବା ପରେ ତାଙ୍କ ମୁମ୍ବାଇର ଗ୍ରାହକମାନଙ୍କ ଫୋନ୍ ଆସିଥିଲା, କିନ୍ତୁ ନେଟୱର୍କ ନଥିବାରୁ ସେ କଥା ହୋଇପାରିନଥିଲେ। ପ୍ରାୟ ୨୦୦ ମିଟର ଦୂରକୁ ଯିବା ପରେ ମଧ୍ୟ ସିଗ୍ନାଲ ମିଳିନଥିଲା। ସେ ଶୀଘ୍ର ଏକମୋବାଇଲ ଟାୱାର ସ୍ଥାପନପାଇଁ ଦାବି କରିଛନ୍ତି।

ମନ୍ଦିରର ସେବାୟତଜନାର୍ଦ୍ଦନ ରଣାମଧ୍ୟ କହିଛନ୍ତି ଯେ, କେବଳ ଭକ୍ତ ନୁହେଁ, ସେବାୟତମାନେ ମଧ୍ୟ ଏହି ସମସ୍ୟାରେ ଅସୁବିଧା ଭୋଗୁଛନ୍ତି। ବିକାଶ କାମ ହୋଇଥିଲେ ମଧ୍ୟ ନେଟୱର୍କ ସମସ୍ୟା ଅବ୍ୟାହତ ରହିଛି।

ବରିଷ୍ଠ ସାମ୍ବାଦିକପ୍ରସନ୍ନ କୁମାର ଦାଶକହିଛନ୍ତି ଯେ, ଏହି ସମସ୍ୟାକୁ ସାଂସଦ, ବିଧାୟକ, ମନ୍ତ୍ରୀ ଏବଂ ଜିଲ୍ଲା ପ୍ରଶାସନଙ୍କ ଦୃଷ୍ଟିକୁ ବାରମ୍ବାର ଆଣାଯାଇଥିଲେ ମଧ୍ୟ ଏପର୍ଯ୍ୟନ୍ତ କୌଣସି ସ୍ଥାୟୀ ସମାଧାନ ହୋଇନାହିଁ। ଜରୁରୀ ପରିସ୍ଥିତିରେ ଲୋକମାନେ ଯୋଗାଯୋଗ କରିପାରୁନଥିବାରୁ ଚିନ୍ତା ବଢ଼ିଛି।

ଉଲ୍ଲେଖଯୋଗ୍ୟ ଯେ,୧୩୨ କୋଟି ଟଙ୍କାର ପ୍ରକଳ୍ପଅଧୀନରେ ମନ୍ଦିର ପରିସରର ନବୀକରଣ, ପାର୍କିଂ, ରୋଷଶାଳା ନିର୍ମାଣ ଏବଂ ଋଷିକୁଲ୍ୟା ନଦୀ କୂଳର ସୌନ୍ଦର୍ଯ୍ୟକରଣ କାମ ସମ୍ପନ୍ନ ହୋଇଛି।

ଏହି ପ୍ରସଙ୍ଗରେଗଞ୍ଜାମ ଜିଲ୍ଲାପାଳ ଭି. କୀର୍ତ୍ତିଭାସନକହିଛନ୍ତି ଯେ, ପାହାଡ଼ିଆ ଅଞ୍ଚଳକୁ ଧ୍ୟାନରେ ରଖି ଉପଯୁକ୍ତ ପ୍ରଯୁକ୍ତିଗତ ସମାଧାନ ଖୋଜିବା ପାଇଁ ଖୁବଶୀଘ୍ର ସମ୍ପୃକ୍ତ ବିଭାଗ ସହ ଆଲୋଚନା କରାଯିବ ଏବଂ ମୋବାଇଲ ନେଟୱର୍କ ସୁବିଧାର ଉନ୍ନତି କରାଯିବ।