ମୟୂରଭଞ୍ଜ ଜିଲ୍ଲାର ବାଙ୍ଗିରିପୋସି ଘାଟରେ ବୁଧବାର ଏକ ଭୟାବହ ସଡ଼କ ଦୁର୍ଘଟଣା ଘଟିବାରୁ ଅଲ୍ପରେ ବଡ଼ ଅପମାଦ ଏଡ଼ାହୋଇଛି। ବ୍ରେକ୍ ଫେଲ୍ ହେବାରୁ ଏକ ଯାତ୍ରୀବାହୀ ବସ୍ ନିୟନ୍ତ୍ରଣ ହାରାଇ ଘାଟ ରାସ୍ତାରୁ ତଳକୁ ଖସିଯାଇଥିଲା।
ସୂଚନା ଅନୁଯାୟୀ, ବସ୍ଟି କେନ୍ଦୁଝରରୁ କୋଲକାତା ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା। ଘାଟ ରାସ୍ତା ଅବତରଣ କରୁଥିବା ସମୟରେ ହଠାତ୍ ବସ୍ର ବ୍ରେକ୍ କାମ କରିନଥିବାରୁ ଗାଡ଼ିଟି ନିୟନ୍ତ୍ରଣ ହାରାଇ ତଳକୁ ଖସିପଡିଥିଲା।
ଭାଗ୍ୟକ୍ରମେ ବସ୍ଟି ତଳେ ଥିବା ଏକ ବଡ଼ ପାଥରକୁ ଧକ୍କା ଦେଇ ଥମ୍କିଯାଇଥିଲା, ଯାହାରୁ ଏକ ଭୟାବହ ଦୁର୍ଘଟଣା ଏଡ଼ାହୋଇଛି। ବସ୍ରେ ୧୦୦ରୁ ଅଧିକ ଯାତ୍ରୀ ଥିବା ବେଳେ ସମସ୍ତଙ୍କୁ ସୁରକ୍ଷିତ ଭାବେ ବାହାର କରାଯାଇଥିଲା।
ଏହି ଘଟଣାରେ ପ୍ରାୟ ୫ରୁ ୬ ଜଣ ଯାତ୍ରୀ ହାଲୁକା ଆହତ ହୋଇଥିବା ସୂଚନା ମିଳିଛି। ଆହତମାନଙ୍କୁ ତୁରନ୍ତ ବାଙ୍ଗିରିପୋସି ହସ୍ପିଟାଲକୁ ନେଇ ଚିକିତ୍ସା କରାଯାଇଛି।
ସୂତ୍ରରୁ ଜଣାପଡିଛି ଯେ ବସ୍ରେ ଥିବା ଅଧିକାଂଶ ଯାତ୍ରୀ ପଶ୍ଚିମବଙ୍ଗର ମୁର୍ଶିଦାବାଦ ଅଞ୍ଚଳର ଥିଲେ। ସେମାନେ ରାଜ୍ୟରେ ଚାଲିଥିବା ନିର୍ବାଚନ ଦୃଷ୍ଟିରେ ନିଜ ଘରକୁ ଫେରୁଥିଲେ।
ଘଟଣା ସୂଚନା ପାଇ ଅଗ୍ନିଶମ ବିଭାଗ ଓ ସ୍ଥାନୀୟ ପୋଲିସ୍ ତୁରନ୍ତ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ ଏବଂ ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବେ ବାହାର କରିଥିଲେ।
ଘଟଣାର ପ୍ରକୃତ କାରଣ ଖୋଜିବା ପାଇଁ ପୋଲିସ୍ ତଦନ୍ତ ଆରମ୍ଭ କରିଛି। ବ୍ରେକ୍ ଫେଲ୍ ହେବା ନେଇ ଗାଡ଼ିର ରକ୍ଷାଣାବେକ୍ଷଣ ଓ ସୁରକ୍ଷା ନିୟମ ଉଲ୍ଲଂଘନ ହୋଇଛି କି ନାହିଁ, ସେଥି ନେଇ ତଦନ୍ତ ହେବ।
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମ...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର...
ଦକ୍ଷିଣ ଭାରତୀୟ ସିନେମାର ଲୋକପ୍ରିୟ ସଙ୍ଗୀତ ନିର୍ଦ୍ଦେଶକ ଅ...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍...
ବଲିଉଡ୍ ଓ ଟେଲିଭିଜନ ଜଗତରେ ପ୍ରେମ, ବିବାହ ଓ ସମ୍ପର୍କକୁ ନ...
ନେଟଫ୍ଲିକ୍ସରେ ଆରମ୍ଭ ହୋଇଥିବା ରିଆଲିଟି ଶୋ ‘ଲକ୍ ଅ...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ସ୍ଥିତିରେ ହେଉଥି...
ଭାରତୀୟ କ୍ରିକେଟ ତାରକାହାର୍ଦ୍ଦିକ ପାଣ୍ଡ୍ୟାଏବଂ ମଡେଲ୍ମାହ...
