ବଜାରରୁ ଟିକସ୍ ଓ ଶୁଳ୍କ ଆଦାୟ ହେଉଥିଲେ ମଧ୍ୟ ସେହି ଅନୁପାତରେ ବିକାଶମୂଳକ କାର୍ଯ୍ୟ ହେଉନଥିବା ନେଇ ପ୍ରଶ୍ନ ଉଠିଛି। ବଜାରର ମୌଳିକ ଭିତ୍ତିଭୂମି, ପରିମଳ ବ୍ୟବସ୍ଥା, ପାନୀୟଜଳ ଓ ଅନ୍ୟାନ୍ୟ ସୁବିଧାର ଅଭାବ ବ୍ୟବସାୟୀ ଓ ଗ୍ରାହକଙ୍କ ପାଇଁ ସମସ୍ୟା ସୃଷ୍ଟି କରୁଥିବା ଅଭିଯୋଗ ରହିଛି।
ଓଡ଼ିଶାର RMC ବ୍ୟବସ୍ଥା ସମ୍ପର୍କିତ ଏକ ପୂର୍ବ ରିପୋର୍ଟରେ ମଧ୍ୟ ବଜାର ଫି’ର ବ୍ୟବହାର ଓ ମଣ୍ଡି ଭିତ୍ତିଭୂମି ବିକାଶକୁ ନେଇ ପ୍ରଶ୍ନ ଉଠିଥିଲା। ଜୟପୁର RMC ସମ୍ପର୍କିତ ୨୦୨୦ର ରିପୋର୍ଟରେ ପ୍ରାୟ ₹୪୦ କୋଟି ବଜାର ଫି’ ମଣ୍ଡି ଓ ଷ୍ଟୋରେଜ୍ ଭିତ୍ତିଭୂମି ବିକାଶରେ ବ୍ୟବହାର ହୋଇନଥିବା ଅଭିଯୋଗ ଆସିଥିଲା।
ଏହି ପରିପ୍ରେକ୍ଷୀରେ ବଜାରରୁ ଆଦାୟ ହେଉଥିବା ଟିକସ୍ ଓ ଶୁଳ୍କକୁ ବଜାରର ଭିତ୍ତିଭୂମି ସୁଧାର, ସ୍ୱଚ୍ଛତା, ଡ୍ରେନେଜ୍, ଆଲୋକୀକରଣ, ପାନୀୟଜଳ ଏବଂ କୃଷକଙ୍କ ପାଇଁ ଆବଶ୍ୟକ ସୁବିଧାରେ ବ୍ୟବହାର କରିବାକୁ ଦାବି ହେଉଛି।
ନିୟମ ଅନୁସାରେ RMCର ଉଦ୍ଦେଶ୍ୟ କେବଳ ମାର୍କେଟ୍ ଫି’ ଆଦାୟ କରିବା ନୁହେଁ; ବରଂ ବଜାର ଅଞ୍ଚଳ ଓ କୃଷକଙ୍କ ସ୍ୱାର୍ଥରେ ବଜାର କାର୍ଯ୍ୟକଳାପକୁ ବିକଶିତ କରିବା ମଧ୍ୟ ଏହାର ଦାୟିତ୍ୱର ଅଂଶ।
ମୁମ୍ବାଇରେ ଭୋଟର ତାଲିକା ଓ ମତଦାନ ଅଧିକାରକୁ ନେଇ ହେବାକୁ...
ତାମିଲନାଡୁରେ ଅଭିନେତାରୁ ରାଜନେତା ହୋଇଥିବାବିଜୟଙ୍କୁ ନେଇ...
ପଶ୍ଚିମବଙ୍ଗର ନନ୍ଦିଗ୍ରାମ ବିଧାନସଭା ଉପନିର୍ବାଚନକୁ ନେଇ ର...
ଆଗାମୀ ପଞ୍ଚାୟତ ନିର୍ବାଚନକୁ ନେଇ ଓଡ଼ିଶାରେ ରାଜନୈତିକ ତତ୍...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମ...
