ମହାନଦୀ ଜଳ ବିବାଦ ଟ୍ରିବ୍ୟୁନାଲଙ୍କ ଓଡ଼ିଶା ଗସ୍ତ ସମୟରେ ରାଜ୍ୟ ସରକାର କରିଥିବା ବ୍ୟୟକୁ ନେଇ ନୂଆ ବିବାଦ ସୃଷ୍ଟି ହୋଇଛି। 'ମହାନଦୀ ବଞ୍ଚାଅ ଆନ୍ଦୋଳନ' ପକ୍ଷରୁ ଭାରତର ନିୟନ୍ତ୍ରକ ଓ ମହାଲେଖା ପରୀକ୍ଷକ (CAG)ଙ୍କ ନିକଟରେ ଏକ ସ୍ୱତନ୍ତ୍ର ଏବଂ କମ୍ପ୍ଲାଏନ୍ସ ଅଡିଟ୍ କରିବା ପାଇଁ ଦାବିପତ୍ର ଦାଖଲ କରାଯାଇଛି।
ସଂଗଠନର କହିବା ଅନୁସାରେ, ସୂଚନା ଅଧିକାର (RTI) ଆଇନ ମାଧ୍ୟମରେ ମିଳିଥିବା ସରକାରୀ ତଥ୍ୟରୁ ଜଣାପଡ଼ିଛି ଯେ, ଟ୍ରିବ୍ୟୁନାଲଙ୍କ ପାଞ୍ଚ ଦିନିଆ ଓଡ଼ିଶା ଗସ୍ତ ପାଇଁ ରାଜ୍ୟ ସରକାର ୨ କୋଟି ୪୧ ଲକ୍ଷ ୧୩ ହଜାର ୯୫୦ ଟଙ୍କା ବ୍ୟୟ କରିଥିଲେ।
ଏଥିମଧ୍ୟରୁ ଉପର ମହାନଦୀ ଅଞ୍ଚଳ ଗସ୍ତ ପାଇଁ ୧ କୋଟି ୪୫ ଲକ୍ଷ ୫୫ ହଜାର ୪୮୦ ଟଙ୍କା ଏବଂ ତଳ ମହାନଦୀ ଅଞ୍ଚଳ ଗସ୍ତ ପାଇଁ ୯୫ ଲକ୍ଷ ୫୮ ହଜାର ୪୭୦ ଟଙ୍କା ବ୍ୟୟ ହୋଇଥିବା ଦର୍ଶାଯାଇଛି।
ଆରଟିଆଇରେ ମିଳିଥିବା ତଥ୍ୟ ଅନୁସାରେ, ଉପର ମହାନଦୀ ଗସ୍ତରେ ଇଭେଣ୍ଟ ମ୍ୟାନେଜମେଣ୍ଟ ସଂସ୍ଥାକୁ ପ୍ରାୟ ୮୪.୧୧ ଲକ୍ଷ ଟଙ୍କା ଏବଂ ଏକ ହୋଟେଲକୁ ୫୩ ଲକ୍ଷ ଟଙ୍କା ପ୍ରଦାନ କରାଯାଇଛି। କିନ୍ତୁ ତଳ ମହାନଦୀ ଅଞ୍ଚଳ ପାଇଁ ଦର୍ଶାଯାଇଥିବା ବ୍ୟୟର ସବିଶେଷ ବିବରଣୀ ଆରଟିଆଇରେ ଉପଲବ୍ଧ ନଥିବାରୁ ସଂଗଠନ ପ୍ରଶ୍ନ ଉଠାଇଛି।
'ମହାନଦୀ ବଞ୍ଚାଅ ଆନ୍ଦୋଳନ' କହିଛି ଯେ, ସରକାରୀ ଅର୍ଥ ବ୍ୟବହାରରେ ସ୍ୱଚ୍ଛତା, ଆର୍ଥିକ ଶୃଙ୍ଖଳା ଓ ସରକାରୀ କ୍ରୟ ପ୍ରକ୍ରିୟାର ନିୟମ ପାଳନ ହୋଇଛି କି ନାହିଁ, ତାହାର ନିରପେକ୍ଷ ଯାଞ୍ଚ ହେବା ଆବଶ୍ୟକ। ଏହି କାରଣରୁ CAGଙ୍କ ଦ୍ୱାରା ସ୍ୱତନ୍ତ୍ର ଅଡିଟ୍ କରାଯିବାକୁ ସଂଗଠନ ଦାବି କରିଛି।
ସଂଗଠନର ଆବାହକ ସ୍ପଷ୍ଟ କରିଛନ୍ତି ଯେ, ଏହି ଦାବି କୌଣସି ବ୍ୟକ୍ତି କିମ୍ବା ସଂସ୍ଥା ବିରୋଧରେ ଅଭିଯୋଗ ନୁହେଁ। ବରଂ ଜନସାଧାରଣଙ୍କ ଟଙ୍କାର ସଠିକ୍ ବ୍ୟବହାର, ଜବାବଦେହିତା ଓ ସ୍ୱଚ୍ଛତା ସୁନିଶ୍ଚିତ କରିବା ଏହାର ଉଦ୍ଦେଶ୍ୟ।
ସୂଚନା ଅନୁସାରେ, ଏହି ଦାବିପତ୍ରର ନକଲ ଓଡ଼ିଶାର ପ୍ରିନ୍ସିପାଲ ଆକାଉଣ୍ଟାଣ୍ଟ ଜେନେରାଲ, ମୁଖ୍ୟ ଶାସନ ସଚିବ, ଜଳ ସମ୍ପଦ ବିଭାଗର ପ୍ରଧାନ ସଚିବ ଏବଂ ମହାନଦୀ ଜଳ ବିବାଦ ଟ୍ରିବ୍ୟୁନାଲଙ୍କ ଅଧ୍ୟକ୍ଷଙ୍କୁ ମଧ୍ୟ ପଠାଯାଇଛି।
**‘ମିର୍ଜାପୁର: ଦି ମୁଭି’**ରେ ଏକ ପ୍ରାୟ ୫୦...
ମାଲାୟାଲମ୍ ସୁପରଷ୍ଟାରମମୁଟ୍ଟିଙ୍କ ୭୫ତମ ଜନ୍ମଦିନରେ ତାଙ୍କ...
ମଧ୍ୟପ୍ରଦେଶର ସାଗର ଜିଲ୍ଲାରେ କଥିତ ଭାବେ ବିଷାକ୍ତ ମଦ ପିଇ...
କେରଳର କୋଚିରେ ଜଣେ କଲେଜ ଛାତ୍ରଙ୍କ ବିରୋଧରେ ଶିକ୍ଷକ ଓ ସହ...
‘ମିର୍ଜାପୁର: ଦି ମୁଭି’ବକ୍ସ ଅଫିସ୍ରେ ଜବରଦସ...
ଆମେରିକାର Federal Bureau of Investigation (FBI) ମଞ୍...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଅଭିନେତ୍ରୀବିପାଶା ବାସୁନିଜ ଫିଲ୍ମ କ୍ୟାରିୟରର ଏକ ଗୁରୁତ୍ୱ...
