ଲୋୟର ସୁକତେଲ ଜଳସେଚନ ପ୍ରକଳ୍ପ କେବଳ ଲୋକଙ୍କୁ ନୁହେଁ, ସେମାନଙ୍କ ଆରାଧ୍ୟ ଦେବତାପ୍ରଭୁ ଜଗନ୍ନାଥଙ୍କୁ ମଧ୍ୟ ବିସ୍ଥାପିତକରିଛି। ବଲାଙ୍ଗୀର ଜିଲ୍ଲାର ସନତେଲେନପାଲି ଗାଁ ପ୍ରକଳ୍ପ ପାଇଁ ଜଳମଗ୍ନ ହେବା ପରେ ଜଗନ୍ନାଥଙ୍କ ବିଗ୍ରହକୁ ସ୍ଥାନାନ୍ତର କରାଯାଇଥିଲା। ହେଲେ ତିନି ବର୍ଷ ବିତିଯାଇଥିଲେ ମଧ୍ୟ ଆଜି ପର୍ଯ୍ୟନ୍ତ ତାଙ୍କ ପାଇଁ ସ୍ଥାୟୀ ମନ୍ଦିର ନିର୍ମାଣ ହୋଇନାହିଁ।
ବର୍ତ୍ତମାନ ପ୍ରଭୁଙ୍କ ବିଗ୍ରହ ବନ୍ଧନବାହାଳି ଗାଁର ଜଣେ ଭକ୍ତଙ୍କ ଘରେ ଅସ୍ଥାୟୀ ଭାବେ ପୂଜା ପାଉଛନ୍ତି। ସେଠାରେ ନିତ୍ୟନୀତି ଓ ପୂଜାର୍ଚ୍ଚନା ଚାଲିଥିଲେ ମଧ୍ୟ ସ୍ଥାୟୀ ମନ୍ଦିର ନିର୍ମାଣ ନ ହେବାରୁ ଭକ୍ତମାନଙ୍କ ମନରେ ଅସନ୍ତୋଷ ବଢ଼ୁଛି।
ଗ୍ରାମବାସୀଙ୍କ ଅଭିଯୋଗ ଅନୁଯାୟୀ, ବିସ୍ଥାପିତ ମନ୍ଦିର ପାଇଁ ନା ଯଥାର୍ଥ କ୍ଷତିପୂରଣ ମିଳିଛି, ନା ନୂଆ ମନ୍ଦିର ନିର୍ମାଣ ପାଇଁ ପଦକ୍ଷେପ ନିଆଯାଇଛି। ଏଥିପାଇଁ ସେମାନଙ୍କ ଧାର୍ମିକ ଓ ସାଂସ୍କୃତିକ ପରମ୍ପରା ବାଧାପ୍ରାପ୍ତ ହୋଇଛି।
ଗାଁର ଗୌଣ୍ଟିଆ ପରମାନନ୍ଦ ସାହୁ କହିଛନ୍ତି ଯେ, ପୂର୍ବରୁ ମନ୍ଦିରରେ ସୁଚାରୁ ଭାବେ ପୂଜାର୍ଚ୍ଚନା ହେଉଥିଲା। ବିସ୍ଥାପନ ପରେ ପୁରୋହିତ ମଧ୍ୟ ଅନ୍ୟତ୍ର ଚାଲିଯାଇଥିଲେ। ମନ୍ଦିରର ଜମି ପାଇଁ ମିଳିଥିବା କ୍ଷତିପୂରଣ ଟଙ୍କାକୁ ପରେ ଏଣ୍ଡାଉମେଣ୍ଟ ବିଭାଗ ଫେରାଇ ନେଇଥିବା ସେ ଅଭିଯୋଗ କରିଛନ୍ତି।
ବନ୍ଧନବାହାଳିର ଜଣେ ଭକ୍ତ କହିଛନ୍ତି ଯେ, ପ୍ରଭୁ ଜଗନ୍ନାଥଙ୍କ ପାଖରେ ଏବେ ନା ଜମି ଅଛି, ନା ମନ୍ଦିର ଅଛି। ସେ ନିଜ ଘରର ଗୋଟିଏ କୋଠରୀରେ ପ୍ରଭୁଙ୍କୁ ସ୍ଥାନ ଦେଇ ନିଷ୍ଠାର ସହ ପୂଜା କରୁଛନ୍ତି।
ଏହି ଘଟଣା ବିକାଶମୂଳକ ପ୍ରକଳ୍ପ ସହ ଧାର୍ମିକ ସ୍ଥାନଗୁଡ଼ିକର ପୁନର୍ବାସ ଓ ପୁନଃସ୍ଥାପନ ବ୍ୟବସ୍ଥାକୁ ନେଇ ପୁଣିଥରେ ପ୍ରଶ୍ନ ସୃଷ୍ଟି କରିଛି।
ଲକ୍ଷ୍ଣୌ:ଉତ୍ତର ପ୍ରଦେଶର ରାୟବରେଲୀ ଜିଲ୍ଲାରେ ଏକ ଚାଞ୍ଚଲ୍...
ଚନ୍ଦ୍ରନାଥ ରଥ ହତ୍ୟାକାଣ୍ଡର ତଦନ୍ତ କରୁଥିବା କେନ୍ଦ୍ରୀୟ ଅ...
ଭାରତୀୟ କ୍ରିକେଟ ଦଳର ଅନୁଭବୀ ଦ୍ରୁତ ବୋଲର ମହମ୍ମଦ ଶାମିଙ୍...
ଜନ୍ତର ମନ୍ତରରେ ହୋଇଥିବା ଏକ ପ୍ରତିବାଦ ସମୟରେ ପ୍ରଧାନମନ୍ତ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମ...
ଗ୍ଲାସଗୋରେ ଅନୁଷ୍ଠିତ ସଦ୍ୟ ସମାପ୍ତ ରାଜ୍ୟଗୋଷ୍ଠୀ କ୍ରୀଡ଼ା...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର ପ...
ଭାରତୀୟ କ୍ରିକେଟ ନିୟନ୍ତ୍ରଣ ବୋର୍ଡ (BCCI) ପୁଣିଥରେ ଏହାର...
ଭାରତୀୟ ବଂଶୋଦ୍ଭବ ଯୁବ କ୍ରିକେଟର ନୀଲ ପଟେଲଙ୍କ କ୍ରିକେଟ୍&...
ଜନ୍ତର ମନ୍ତରରେ ହୋଇଥିବା ସମ୍ପ୍ରତିର ପ୍ରତିବାଦକୁ ନେଇ ପ୍ର...
