କେରଳରେ ୱାକଫ୍ ବୋର୍ଡକୁ ନେଇ ଚାଲିଥିବା ବିବାଦ ମଧ୍ୟରେ ରାଜ୍ୟ ସରକାର ବୋର୍ଡରପୁନଃଗଠନକରିଛନ୍ତି। ଇଣ୍ଡିଆନ୍ ୟୁନିଅନ୍ ମୁସଲିମ୍ ଲିଗ୍ର ରାଜ୍ୟ ଉପାଧ୍ୟକ୍ଷଏମ୍ସି ମାଇନ୍ ହାଜିଙ୍କୁ ନୂଆ ଚେୟାରମ୍ୟାନ୍କରାଯାଇଛି। ମାଇନ୍ ହାଜି ପୂର୍ବରୁ ମଧ୍ୟ ୱାକଫ୍ ବୋର୍ଡର ସଦସ୍ୟ ଭାବେ କାର୍ଯ୍ୟ କରିଥିଲେ।

ସରକାର ପୂର୍ବରୁ କେ.ଏସ୍. ହମ୍ସାଙ୍କ ନେତୃତ୍ୱାଧୀନ ବୋର୍ଡକୁ ବିଲୋପ କରି ଏକ୯ ଜଣିଆ ନୂଆ ବୋର୍ଡଗଠନ କରିଛନ୍ତି। ଏଥିରେ କୁରୁକୋଲି ମୋଇଦିନ୍, ମୁସ୍ତଫାଲ୍ ଫାଇଜି, ଥୋଡିୟୁର୍ ମହମ୍ମଦ କୁଞ୍ଜୁ ମୌଲବୀ, ସିରାଜ୍ ଡି. କାପାସି, ସଜନା ଫିରୋଜ୍, ଜସିମ୍ ସବାହ, ଡା. ଅବ୍ଦୁଲ୍ ମଜିଦ୍ ଓ ମଦିନା ବେଗମ୍ ସାମିଲ ଅଛନ୍ତି। କୁରୁକୋଲି ମୋଇଦିନ୍ଙ୍କୁ ବିଧାୟକମାନଙ୍କ ପ୍ରତିନିଧି ଭାବେ ସାମିଲ କରାଯାଇଛି।

ଏହି ପୁନଃଗଠନ ଏପରି ସମୟରେ ହୋଇଛି, ଯେତେବେଳେ ପୂର୍ବ ବୋର୍ଡର ଗଠନ ଓ ସଦସ୍ୟମାନଙ୍କ ଯୋଗ୍ୟତାକୁ ନେଇକେରଳ ହାଇକୋର୍ଟରେ ଆଇନଗତ ମାମଲାଚାଲିଛି। ପୂର୍ବତନ ଚେୟାରମ୍ୟାନ୍ ହମ୍ସା ମଧ୍ୟ ବୋର୍ଡ ପୁନଃଗଠନକୁ ଚ୍ୟାଲେଞ୍ଜ କରି ମାମଲା କରିଥିବା ରିପୋର୍ଟ ରହିଛି।

ନୂଆ ବୋର୍ଡରେ ବର୍ତ୍ତମାନଦୁଇ ଜଣ ଅଣ-ମୁସଲିମ୍ ସଦସ୍ୟଙ୍କୁ ନିଯୁକ୍ତ କରାଯାଇନାହିଁ। ଏହି ପ୍ରସଙ୍ଗରେ ସୁପ୍ରିମକୋର୍ଟରେ ମାମଲା ବିଚାରାଧୀନ ଥିବାରୁ ଅଦାଲତଙ୍କ ରାୟ ପରେ ଏନେଇ ନିଷ୍ପତ୍ତି ନିଆଯିବ ବୋଲି ସରକାରୀ ପକ୍ଷରୁ କୁହାଯାଇଛି।

ରିପୋର୍ଟ ଅନୁସାରେ, ନୂଆ ବୋର୍ଡରେଜମାଆତ୍-ଏ-ଇସ୍ଲାମୀ ସହ ସମ୍ପର୍କିତ ପ୍ରତିନିଧିତ୍ୱ ପ୍ରଥମ ଥର ପାଇଁଦେଖିବାକୁ ମିଳିଛି। ୱାକଫ୍ ଆଇନର ପରିବର୍ତ୍ତନ ଓ ବୋର୍ଡର ଗଠନକୁ ନେଇ ଆଇନଗତ ବିବାଦ ମଧ୍ୟରେ ଏହି ପୁନଃଗଠନକୁ ଗୁରୁତ୍ୱପୂର୍ଣ୍ଣ ରାଜନୈତିକ-ପ୍ରଶାସନିକ ପଦକ୍ଷେପ ଭାବେ ଦେଖାଯାଉଛି।