ରାଜସ୍ଥାନର ଜୟପୁରରେ ଏକ ସରକାରୀ ସ୍କୁଲ ପରିଦର୍ଶନକୁ ନେଇ ବଡ଼ ବିବାଦ ସୃଷ୍ଟି ହୋଇଛି। ‘ସ୍କୁଲ ଠିକ୍ କରୋ’ ଅଭିଯାନ ଅଧୀନରେ ସ୍କୁଲର ସ୍ଥିତି ଯାଞ୍ଚ କରିବାକୁ ଯାଇଥିବା Cockroach Janta Party (CJP)ର ଟିମ୍କୁ ସ୍ଥାନୀୟ ଲୋକେ ବିରୋଧ କରିଥିବା ଅଭିଯୋଗ ହୋଇଛି।
ଜୟପୁରର ରାମପୁରା କନୱାରପୁରା ଗାଁରେ ଶୁକ୍ରବାର ଏହି ଘଟଣା ଘଟିଥିଲା। ଅସୁରକ୍ଷିତ ଘୋଷଣା ହୋଇଥିବା ସ୍କୁଲ ଭବନ ବଦଳରେ ଏକ ଗୋଶାଳା ପରିସରରେ ପିଲାମାନଙ୍କ ପାଠପଢ଼ା ଚାଲୁଥିବା ଅଭିଯୋଗ ରହିଥିଲା। ଏହାର ଯାଞ୍ଚ ପାଇଁ CJP ଟିମ୍ ଗାଁରେ ପହଞ୍ଚିଥିଲା। ଶନିବାର ସକାଳେ ପ୍ରଶାସନ ଛାତ୍ରଛାତ୍ରୀଙ୍କୁ ଏକ ନୂଆ ସ୍ଥାନକୁ ସ୍ଥାନାନ୍ତର କରିଛି।
ପୋଲିସର ସୂଚନା ଅନୁସାରେ, ଜଣେ ସ୍ଥାନୀୟ ବାସିନ୍ଦା CJP ସଦସ୍ୟମାନେ ବହୁ ସଂଖ୍ୟାରେ ଆସି ଗାଁରେ ଭୟର ବାତାବରଣ ସୃଷ୍ଟି କରିଥିବା ଅଭିଯୋଗ କରି FIR ଦାଖଲ କରିଥିଲେ। ଅନ୍ୟପକ୍ଷରେ, CJPର ଜଣେ ସଦସ୍ୟ ମଧ୍ୟ ଟିମ୍ର ସଦସ୍ୟମାନଙ୍କୁ ମାଡ଼ ମରାଯାଇଥିବା ଅଭିଯୋଗ କରି FIR ଦାଖଲ କରିଛନ୍ତି। ଫଳରେ ଘଟଣାକୁ ନେଇ ଉଭୟ ପକ୍ଷରୁ କ୍ରସ୍ FIR ରୁଜୁ ହୋଇଛି।
CJP ପକ୍ଷରୁ ଅଭିଯୋଗ କରାଯାଇଛି ଯେ, କିଛି ସ୍ଥାନୀୟ ଲୋକ ଓ BJP କର୍ମୀମାନେ ଟିମ୍କୁ ଗାଁରେ ପ୍ରବେଶ କରିବାକୁ ଦେଇନଥିଲେ ଏବଂ ଧସ୍ତାଧସ୍ତି କରିଥିଲେ। ଏହା ସହ ଟିମ୍ ସହ ଆସିଥିବା କିଛି ଗାଡ଼ିର କାଚ ଭଙ୍ଗାଯାଇଥିବା ମଧ୍ୟ ଅଭିଯୋଗ ହୋଇଛି।
CJP ସହ-ଆବାହକ ଆଶୁତୋଷ ରଙ୍କା ଅଭିଯୋଗ କରିଛନ୍ତି ଯେ, ଆକ୍ରମଣକାରୀମାନେ BJP ନେତାଙ୍କ ଦ୍ୱାରା ଡକାଯାଇଥିବା ‘ଗୁଣ୍ଡା’। ଅନ୍ୟପକ୍ଷରେ, ଗ୍ରାମବାସୀ ଏହି ଅଭିଯୋଗକୁ ଖଣ୍ଡନ କରି CJP ଟିମ୍ ବହୁ ସଂଖ୍ୟାରେ ଆସି ସ୍ଥାନୀୟ ଲୋକଙ୍କ ମଧ୍ୟରେ ଭୟ ସୃଷ୍ଟି କରିଥିବା କହିଛନ୍ତି।
ଗ୍ରାମବାସୀଙ୍କ ଅନୁସାରେ, ସ୍କୁଲ ଭବନର ମରାମତି ପାଇଁ ସରକାର ପୂର୍ବରୁ ଅର୍ଥ ମଞ୍ଜୁର କରିଛନ୍ତି ଏବଂ ସ୍ଥାନୀୟ ସହଯୋଗରେ କାମ କରାଯାଇପାରିବ। ଘଟଣାକୁ ନେଇ ଏବେ ପୋଲିସ ଉଭୟ ପକ୍ଷର ଅଭିଯୋଗ ଆଧାରରେ ତଦନ୍ତ କରୁଛି।
ବାଲେଶ୍ୱର ଜିଲ୍ଲା ନୀଳଗିରି ଅଞ୍ଚଳରେ ଅଭାବନୀୟ ଘଟଣା। ମିତ୍...
ରାଉରକେଲା: ରାଉରକେଲାର ସର୍କିଟ୍‌ ହାଉସ୍‌ରେ ବନ...
ଭୁବନେଶ୍ୱର: ଓଡ଼ିଶାରେ ପୁଣି ଏକ ବଡ଼ ବର୍ଷା ସମ୍ଭାବନା। ଆସ...
ଗଞ୍ଜାମ ଜିଲ୍ଲାରେ ସାର୍ବଜନୀନ ସଭା, ରାଲି ଓ ଶୋଭାଯାତ୍ରା ଉ...
