ଆମେରିକା ଓ ଇରାନ ମଧ୍ୟରେ ଚାଲିଥିବା ତିକ୍ତ ସମ୍ପର୍କ ଏବେ ଆହୁରି ଗଭୀର ହୋଇଛି। ଉଭୟ ଦେଶ ପରସ୍ପର ବିରୋଧରେ ଆକ୍ରମଣ ଓ ପାଲଟା ଆକ୍ରମଣ କରୁଥିବା ବେଳେ ଇରାନ ପକ୍ଷରୁ ଏକ ସଙ୍ଗୀନ ଅଭିଯୋଗ କରାଯାଇଛି।
ଇରାନର ଦାବି ଅନୁସାରେ, ଆମେରିକା ମଶାଦ ସହରରେ ଦୁଇଟି ସେତୁ ଉପରେ ଆକ୍ରମଣ କରିଛି। ମଶାଦ ହେଉଛି ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଖେମିନିଙ୍କ ଜନ୍ମସ୍ଥାନ ଏବଂ ସେଠାରେ ତାଙ୍କର ଅନ୍ତିମ ସଂସ୍କାର ହେବାର ଯୋଜନା ରହିଥିଲା। ଶବଯାତ୍ରା ସେଠାରେ ପହଞ୍ଚିବା ପୂର୍ବରୁ ଏହି ଆକ୍ରମଣ ଘଟିଥିବା ଇରାନ କହିଛି।
ଆକ୍ରମଣ ପରେ ଇରାନ ସରକାର ଜାରି କରିଥିବା ବିବୃତିରେ ଅଭିଯୋଗ କରାଯାଇଛି ଯେ, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଖେମିନିଙ୍କ ଅନ୍ତିମ ସଂସ୍କାରକୁ ବାଧା ଦେବା ଉଦ୍ଦେଶ୍ୟରେ ଏଭଳି ପଦକ୍ଷେପ ନେଇଛନ୍ତି। ଇରାନ ଏହାକୁ ନେଇ କଡ଼ା ପ୍ରତିକ୍ରିୟା ପ୍ରକାଶ କରିଛି।
ଏହି ଘଟଣା ପରେ ମଶାଦର ଏକ ହୋଟେଲରେ ଟ୍ରମ୍ପ ବିରୋଧୀ ବ୍ୟାନର ଲାଗିଥିବା ମଧ୍ୟ ସାମ୍ନାକୁ ଆସିଛି। ବ୍ୟାନରରେ ଟ୍ରମ୍ପଙ୍କୁ ନେଇ ଧମକପୂର୍ଣ୍ଣ ବାର୍ତ୍ତା ଲେଖାଯାଇଥିବା ଦାବି କରାଯାଇଛି। ଏହାକୁ ନେଇ ଇରାନରେ ଆମେରିକା ଓ ଟ୍ରମ୍ପଙ୍କ ବିରୋଧରେ ଅସନ୍ତୋଷ ବଢ଼ୁଥିବା କୁହାଯାଉଛି।
ଏପରି ସ୍ଥିତିରେ ମଧ୍ୟପ୍ରାଚ୍ୟର ସୁରକ୍ଷା ପରିସ୍ଥିତି ଆହୁରି ଜଟିଳ ହେବାର ଆଶଙ୍କା ପ୍ରକାଶ ପାଉଛି।
ନିତେଶ ତିୱାରୀଙ୍କ ବହୁଚର୍ଚ୍ଚିତ ଫିଲ୍ମ ‘ରାମାୟଣ: ର...
ମୁମ୍ବାଇ: ବଡ଼ ପରଦାରେ ଜୀବନ୍ତ ହୋଇଉଠିଛି ପିଲାଦିନରୁ ଶୁଣି...
ତିରୁଚିରାପଲ୍ଲୀ: ତାମିଲନାଡୁରେ ପ୍ରକୃତିର ତାଣ୍ଡବ। ରାଜ୍ୟର...
ନୂଆଦିଲ୍ଲୀ: ଦୀପାବଳିର ଖୁସି ମାହୋଲ୍‌ରେ ଏକ ସ୍ୱତନ୍ତ...
ବଲିଉଡ୍ ସୁପରଷ୍ଟାର ସଲମାନ ଖାନ୍ ତାଙ୍କ ଆଗାମୀ ଫିଲ୍ମ &lsq...
ତାମିଲନାଡୁ ରାଜନୀତିରେ ଯୋଡ଼ି ହୋଇଛି ଏକ ନୂଆ ଅଧ୍ୟାୟ। ମୁଖ...
ଚେନ୍ନାଇ: ତାମିଲନାଡୁ ରାଜନୀତିରେ ଏବେ ଆଉ ଜଣେ ସିନେମା ଷ୍ଟ...
ବଲିଉଡ୍‌ର ବହୁ ପ୍ରତୀକ୍ଷିତ ଫିଲ୍ମ ‘ରାମାୟଣ:...
