ଲକ୍ଷ୍ନୌ:ଭାରତର ପ୍ରମୁଖ ପରିଚାଳନା ଶିକ୍ଷାନୁଷ୍ଠାନ Indian Institute of Management (IIM) Lucknow ଏହାର ୨୦୨୬–୨୮ ବ୍ୟାଚ୍ର ସମର୍ ପ୍ଲେସମେଣ୍ଟ ପ୍ରକ୍ରିୟା ସମାପ୍ତ କରିଛି। Post Graduate Programme (PGP) ଏବଂ Post Graduate Programme in Agribusiness Management (PGP-ABM)ର ଛାତ୍ରଛାତ୍ରୀଙ୍କ ପାଇଁ ହୋଇଥିବା ଏହି ପ୍ରକ୍ରିୟାରେ ୬୦୦ରୁ ଅଧିକ ଇଣ୍ଟର୍ନସିପ୍ ଅଫର୍ ମିଳିଛି।

ସର୍ବାଧିକ ଷ୍ଟାଇପେଣ୍ଡ ₹୩.୫ ଲକ୍ଷ

ଏହି ବର୍ଷର ସମର୍ ପ୍ଲେସମେଣ୍ଟରେ ସର୍ବାଧିକ ଘରୋଇ ଷ୍ଟାଇପେଣ୍ଡ ମାସକୁ ₹୩.୫ ଲକ୍ଷ ରହିଛି। ମଧ୍ୟମ ଷ୍ଟାଇପେଣ୍ଡ ମାସକୁ ₹୧.୭୫ ଲକ୍ଷ ଏବଂ ହାରାହାରି ଷ୍ଟାଇପେଣ୍ଡ ₹୧.୫ ଲକ୍ଷ ରହିଛି। ରିପୋର୍ଟ ଅନୁଯାୟୀ, ବ୍ୟାଚ୍ର ୭୫ ପ୍ରତିଶତ ଛାତ୍ରଛାତ୍ରୀଙ୍କ ପାଇଁ ହାରାହାରି ଷ୍ଟାଇପେଣ୍ଡ ମାସକୁ ₹୧.୫ ଲକ୍ଷ ଥିଲା।

୧୦୦% ପ୍ଲେସମେଣ୍ଟ, ପ୍ରଥମ ଦିନରେ ୩୫୦ରୁ ଅଧିକ ଅଫର୍

ଅନୁଷ୍ଠାନର ୫୭୮ ଜଣିଆ ବ୍ୟାଚ୍ରେ ୧୧୯ ଜଣ ନୂଆ ଛାତ୍ରଛାତ୍ରୀ ଥିବାବେଳେ ୪୫୯ ଜଣଙ୍କର ପୂର୍ବ କାର୍ଯ୍ୟ ଅଭିଜ୍ଞତା ରହିଛି। ପ୍ଲେସମେଣ୍ଟ ପ୍ରକ୍ରିୟାରେ ବ୍ୟାଚ୍ର ୧୦୦ ପ୍ରତିଶତ ପ୍ଲେସମେଣ୍ଟ ହୋଇଥିବା ରିପୋର୍ଟରେ ଉଲ୍ଲେଖ ରହିଛି। ପ୍ରଥମ ଦିନରେ ହିଁ ୩୫୦ରୁ ଅଧିକ ଅଫର୍ ମିଳିଥିଲା।

Google, Amazon ସମେତ ଅନେକ ବଡ଼ କମ୍ପାନୀ ସାମିଲ

ଏହି ପ୍ଲେସମେଣ୍ଟ ପ୍ରକ୍ରିୟାରେ Google, Amazon, Adobe, American Express, Bain & Company, Boston Consulting Group, McKinsey & Company, Accenture, Deloitte, Goldman Sachs, JPMorgan Chase, Kearney ଓ KPMG ପରି ପ୍ରମୁଖ କମ୍ପାନୀ ଭାଗ ନେଇଥିଲେ।

ଏଥିସହ Flipkart, Swiggy, Groww, Coca-Cola, IBM, Bayer, DBS, Expedia Group, JioStar ଓ Renew Power ପରି କିଛି ନୂଆ ନିଯୁକ୍ତିଦାତା ମଧ୍ୟ ଏଥର ସାମିଲ ହୋଇଥିଲେ। ଛାତ୍ରଛାତ୍ରୀମାନେ କନସଲ୍ଟିଂ, ଫାଇନାନ୍ସ, ମାର୍କେଟିଂ, ପ୍ରଡକ୍ଟ ମ୍ୟାନେଜମେଣ୍ଟ, ଅପରେସନ୍ସ, ରିଟେଲ୍ ଓ ଇ-କମର୍ସ କ୍ଷେତ୍ରରେ ଇଣ୍ଟର୍ନସିପ୍ ସୁଯୋଗ ପାଇଛନ୍ତି।

Adani Group ପକ୍ଷରୁ ଟ୍ୟୁସନ୍ ଫି’ ଛାଡ଼ ସୁବିଧା

ରିପୋର୍ଟ ଅନୁଯାୟୀ, Adani Group ଚୟନିତ ଇଣ୍ଟର୍ନମାନଙ୍କୁ ଷ୍ଟାଇପେଣ୍ଡ ସହ ଟ୍ୟୁସନ୍ ଫି’ ଛାଡ଼ ସୁବିଧା ମଧ୍ୟ ଦେଇଛି।

IIM Lucknowର ପ୍ଲେସମେଣ୍ଟ ଚେୟାରପର୍ସନ୍ ପ୍ରଫେସର ପ୍ରେମ ପ୍ରକାଶ ଦେୱାନୀଙ୍କ ମତରେ, ପୁରୁଣା ଓ ନୂଆ ନିଯୁକ୍ତିଦାତାଙ୍କ ଅଂଶଗ୍ରହଣ ଅନୁଷ୍ଠାନର ଛାତ୍ରଛାତ୍ରୀଙ୍କ ପ୍ରତି ଶିଳ୍ପ ଜଗତର ଆସ୍ଥାକୁ ପ୍ରତିଫଳିତ କରୁଛି।