ଭାରତ-ଆମେରିକା ଟ୍ରେଡ୍ ଡିଲ୍କୁ ନେଇ ଦେଶର ବିଭିନ୍ନ କୃଷକ ସଂଗଠନ ପକ୍ଷରୁ ପ୍ରବଳ ବିରୋଧ ଦେଖାଦେଇଛି। ଏହି ଚୁକ୍ତି ଚାଷୀଙ୍କ ସ୍ୱାର୍ଥ ବିରୋଧୀ ବୋଲି ଅଭିଯୋଗ କରି ପଞ୍ଜାବ, ହରିୟାଣା ଓ ଉତ୍ତର ପ୍ରଦେଶର ଶତାଧିକ ଚାଷୀ ଦିଲ୍ଲୀ ଅଭିମୁଖେ ଯାତ୍ରା କରିଛନ୍ତି।

ଦେଶବ୍ୟାପୀ କୃଷକ ସଂଗଠନମାନଙ୍କ ଆହ୍ୱାନ କ୍ରମେ ଆଜି ଦିଲ୍ଲୀରକିଶାନ ଘାଟଠାରେ ବିଶାଳ ବିକ୍ଷୋଭ କାର୍ଯ୍ୟକ୍ରମ ଆୟୋଜନ କରାଯାଇଛି। ଏଥିରେ ବହୁ ସଂଖ୍ୟକ କୃଷକ ଯୋଗଦେବେ ବୋଲି ଆଶା କରାଯାଉଛି।

ଅନ୍ୟପଟେ ସମ୍ଭାବ୍ୟ ଆନ୍ଦୋଳନକୁ ଦୃଷ୍ଟିରେ ରଖି ହରିୟାଣା-ପଞ୍ଜାବକୁ ସଂଯୋଗ କରୁଥିବାଶମ୍ଭୁ ବୋର୍ଡରରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି। ପୁଲିସ ପକ୍ଷରୁ ବ୍ୟାରିକେଡ୍, କଣ୍ଟାତାର ଓ ଅନ୍ୟାନ୍ୟ ସୁରକ୍ଷା ବ୍ୟବସ୍ଥା କରି ସୀମାକୁ ସମ୍ପୂର୍ଣ୍ଣ ସିଲ୍ କରାଯାଇଛି।

କୃଷକ ସଂଗଠନମାନଙ୍କ ଅଭିଯୋଗ ହେଉଛି ଯେ, ଭାରତ-ଆମେରିକା ଟ୍ରେଡ୍ ଡିଲ୍ରେ କିଛି ଗୋପନୀୟ ସର୍ତ୍ତ ରହିଛି, ଯାହା ଦେଶର କୃଷକ ଓ କୃଷି କ୍ଷେତ୍ରର ସ୍ୱାର୍ଥ ପାଇଁ କ୍ଷତିକାରକ ହୋଇପାରେ। ଏହି କାରଣରୁ ସେମାନେ ଏହି ଚୁକ୍ତିକୁ ବିରୋଧ କରୁଛନ୍ତି।

ଚାଷୀମାନେ ନିଜର ବିକ୍ଷୋଭ ଶାନ୍ତିପୂର୍ଣ୍ଣ ରହିବ ବୋଲି କହିଥିବାବେଳେ, ପୁଲିସ ପକ୍ଷରୁ ଦିଲ୍ଲୀ ସୀମାରେ ସେମାନଙ୍କୁ ଅଟକାଇବା ପାଇଁ ସମସ୍ତ ପ୍ରସ୍ତୁତି କରାଯାଇଛି। ବର୍ତ୍ତମାନ ଏହି ଆନ୍ଦୋଳନ କେଉଁ ଦିଗକୁ ଯାଉଛି ଏବଂ ସରକାର କିଭଳି ପଦକ୍ଷେପ ନେଉଛନ୍ତି, ସେଥିପ୍ରତି ସମସ୍ତଙ୍କ ନଜର ରହିଛି।