ଭୁବନେଶ୍ୱରରେ ନିଜକୁ ସଚିବାଳୟର ଜଣେ ବରିଷ୍ଠ ଅଧିକାରୀ ବୋଲି ପରିଚୟ ଦେଇ ଲୋକଙ୍କୁ ଠକୁଥିବା ଅଭିଯୋଗରେ ପୋଲିସ ଜଣେ ବ୍ୟକ୍ତିଙ୍କୁ ଗିରଫ କରିଛି। ଗିରଫ ଅଭିଯୁକ୍ତଙ୍କ ନାମଆଶିଷ କୁମାର ସାମଲ।
ପୋଲିସ ସୂଚନା ଅନୁଯାୟୀ, ଆଶିଷ ନିଜକୁ ସଚିବାଳୟର'ଇନକ୍ୱାରି ଅଫିସର'ବୋଲି ପରିଚୟ ଦେଉଥିଲେ। ଏହି ନକଲି ପରିଚୟକୁ ବ୍ୟବହାର କରି ସେ ପୁରୀ ଓ କୋଣାର୍କ ଅଞ୍ଚଳରେ ବିଭିନ୍ନ ସ୍ଥାନରେ ନକଲି ଯାଞ୍ଚ (ରେଡ୍) କରିବା ସହ ସ୍ଥାନୀୟ ବ୍ୟବସାୟୀ ଓ ଲୋକଙ୍କୁ ଭୟଭୀତ କରି ଟଙ୍କା ଆଦାୟ କରୁଥିବା ଅଭିଯୋଗ ରହିଛି।
ଅଭିଯୁକ୍ତ ପ୍ରାୟ ୧୫ ଦିନ ପୂର୍ବରୁ ଏକ ଟ୍ରାଭେଲ ଏଜେନ୍ସିରୁ ଏକ ବିଳାସପୂର୍ଣ୍ଣ କାର୍ ଭଡ଼ାରେ ନେଇଥିଲେ। ବିଶ୍ୱାସ ଜିତିବା ପାଇଁ ସେ ନିଜ ନାମରେ ଥିବା ଏକ ନକଲି ସରକାରୀ ପରିଚୟପତ୍ର ଏଜେନ୍ସିକୁ ଦେଇଥିବା ପୋଲିସ କହିଛି।
ତଦନ୍ତରୁ ଜଣାପଡ଼ିଛି ଯେ, ସେ ନିଜକୁ ବରିଷ୍ଠ ସରକାରୀ ଅଧିକାରୀ ବୋଲି ପରିଚୟ ଦେଇ ବାରମ୍ବାର ଦାମୀ ଗାଡ଼ି ଭଡ଼ାରେ ନେଉଥିଲେ ଏବଂ ଭିଆଇପି ସୁବିଧା ଉପଭୋଗ କରୁଥିଲେ। କିନ୍ତୁ କାର୍ ଭଡ଼ା ବାବଦରେ ପ୍ରାୟ୧.୫ ଲକ୍ଷ ଟଙ୍କାରୁ ଅଧିକବକେୟା ହେବା ପରେ ସେ ଟଙ୍କା ନ ଦେଇ ଫେରାର ହୋଇଯାଇଥିଲେ।
ଟ୍ରାଭେଲ ଏଜେନ୍ସି ପକ୍ଷରୁ ଅଭିଯୋଗ ହେବା ପରେ ନୟାପଲ୍ଲୀ ଥାନା ପୋଲିସ ତଦନ୍ତ ଆରମ୍ଭ କରି ଆଶିଷ କୁମାର ସାମଲଙ୍କୁ ଗିରଫ କରିଛି। ତାଙ୍କ ବିରୋଧରେ ପରିଚୟ ଲୁଚାଇ ଠକେଇ ଓ ପ୍ରତାରଣା ମାମଲା ରୁଜୁ କରାଯାଇଛି।
ବର୍ତ୍ତମାନ ପୋଲିସ ତଦନ୍ତ କରୁଛି ଯେ, ସେ ରାଜ୍ୟର ଅନ୍ୟ ସ୍ଥାନରେ ମଧ୍ୟ ଏଭଳି ଠକେଇ କରିଛନ୍ତି କି ନାହିଁ। ଏହା ସହ ତାଙ୍କ ଦ୍ୱାରା ଠକେଇର ଶିକାର ହୋଇଥିବା ଅନ୍ୟ ବ୍ୟକ୍ତିଙ୍କୁ ମଧ୍ୟ ଚିହ୍ନଟ କରିବାକୁ ପୋଲିସ ଉଦ୍ୟମ ଜାରି ରଖିଛି।
ମହାରାଷ୍ଟ୍ରର ପୁଣେ ଓ ପିମ୍ପ୍ରି-ଚିଞ୍ଚୱାଡ ଅଞ୍ଚଳରେ ରବିବା...
**‘ମିର୍ଜାପୁର: ଦି ମୁଭି’**ରେ ଏକ ପ୍ରାୟ ୫୦...
‘ମିର୍ଜାପୁର: ଦି ମୁଭି’ବକ୍ସ ଅଫିସ୍ରେ ଜବରଦସ...
ମାଲାୟାଲମ୍ ସୁପରଷ୍ଟାରମମୁଟ୍ଟିଙ୍କ ୭୫ତମ ଜନ୍ମଦିନରେ ତାଙ୍କ...
ମଧ୍ୟପ୍ରଦେଶର ସାଗର ଜିଲ୍ଲାରେ କଥିତ ଭାବେ ବିଷାକ୍ତ ମଦ ପିଇ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ଦିଲ୍ଲୀର ସତ୍ୟ ନିକେତନରେ ‘Hostel Daze’ ନା...
ଅଭିନେତ୍ରୀବିପାଶା ବାସୁନିଜ ଫିଲ୍ମ କ୍ୟାରିୟରର ଏକ ଗୁରୁତ୍ୱ...
