ଅହମ୍ମଦାବାଦ: ନିଜ ଗୀତ ଓ ଜବରଦସ୍ତ ଷ୍ଟେଜ୍ ପରଫର୍ମାନ୍ସ ପାଇଁ ଚର୍ଚ୍ଚାରେ ରହୁଥିବା ପଞ୍ଜାବୀ ଗାୟକ ଦିଲଜିତ୍ ଦୋସାଞ୍ଜ ଏବେ ଗୁଜରାଟ ଭ୍ରମଣକୁ ନେଇ ଚର୍ଚ୍ଚାରେ। ଅହମ୍ମଦାବାଦରେ ତାଙ୍କ ଆଗାମୀ କନସର୍ଟ ପୂର୍ବରୁ ସେ ଗୁଜରାଟର ପ୍ରସିଦ୍ଧ ପର୍ଯ୍ୟଟନ ଓ ଧାର୍ମିକ ସ୍ଥାନ ବୁଲିବା ସହ ଜଙ୍ଗଲ ସଫାରିର ମଜା ନେଇଛନ୍ତି।
ଦିଲଜିତ୍ ନିଜ ସୋସିଆଲ୍ ମିଡିଆ ଆକାଉଣ୍ଟରେ ଏହି ଭ୍ରମଣର କିଛି ଭିଡିଓ ସେୟାର କରିଛନ୍ତି। ଏଥିରେ ତାଙ୍କୁ ଗିର୍ ଜାତୀୟ ଉଦ୍ୟାନରେ ଖୋଲା ଜିପ୍ରେ ସଫାରି କରୁଥିବା ଦେଖିବାକୁ ମିଳିଛି।
ଗୁଜରାଟର ପ୍ରସିଦ୍ଧ ଗିର୍ ନ୍ୟାସନାଲ୍ ପାର୍କରେ ଦିଲଜିତ୍ ନିଜ ଟିମ୍ ସହ ଜଙ୍ଗଲ ସଫାରି କରିଥିଲେ। ଏହି ସମୟରେ ସେମାନେ ଜଙ୍ଗଲରେ ସିଂହ, ସିଂହୀ ଓ ସେମାନଙ୍କ ଛୁଆଙ୍କୁ ଦେଖିଥିଲେ। ଦିଲଜିତ୍ ନିଜ ହାତରେ କ୍ୟାମେରା ଧରି ବନ୍ୟଜନ୍ତୁଙ୍କ ଦୃଶ୍ୟ କଏଦ କରୁଥିବା ମଧ୍ୟ ଭିଡିଓରେ ଦେଖାଯାଇଛି।
ସଫାରିର ଭିଡିଓ ସେୟାର କରି ସେ ଲେଖିଥିଲେ, “GIR National Park Safari Gujarat. AURA INDIA TOUR 2026।” କନସର୍ଟ ପ୍ରସ୍ତୁତିର ବ୍ୟସ୍ତତା ମଧ୍ୟରେ ଏହି ଭ୍ରମଣ ତାଙ୍କୁ କିଛି ସମୟ ଆରାମ ଓ ମନୋରଞ୍ଜନର ସୁଯୋଗ ଦେଇଛି।
ଜଙ୍ଗଲ ସଫାରି ପରେ ଦିଲଜିତ୍ ଗୁଜରାଟର ପ୍ରସିଦ୍ଧ ଧାର୍ମିକ ସ୍ଥଳ ଗିର୍ନାର ପାହାଡ଼କୁ ଯାଇଥିଲେ। ସେଠାରେ ପାହାଡ଼ର ଶିଢ଼ି ଚଢ଼ି ମନ୍ଦିର ଦର୍ଶନ କରିବା ସହ ପ୍ରାର୍ଥନା କରିଥିଲେ। ଏହି ଗସ୍ତ ସମୟରେ ତାଙ୍କ ସହ ପୋଲିସ ସୁରକ୍ଷା ମଧ୍ୟ ରହିଥିଲା।
ସୋସିଆଲ୍ ମିଡିଆରେ ସେୟାର କରିଥିବା ଭିଡିଓରେ ଦିଲଜିତ୍ ପାହାଡ଼ର ଶିଢ଼ି ଚଢ଼ୁଥିବା ଏବଂ ମନ୍ଦିରରେ ପ୍ରାର୍ଥନା କରୁଥିବା ଦେଖାଯାଇଛି। ଭିଡିଓ ସହ ସେ ଲେଖିଛନ୍ତି, “GIRNAR PARVAT. Formed Around 66 Million Years Ago.”
ଜୁନାଗଡ଼ ନିକଟରେ ଅବସ୍ଥିତ ଗିର୍ନାର ପାହାଡ଼ ଜୈନ ଓ ହିନ୍ଦୁ ଧର୍ମାବଲମ୍ବୀଙ୍କ ପାଇଁ ଏକ ପ୍ରମୁଖ ତୀର୍ଥସ୍ଥଳ। ଏଠାରେ ଅନେକ ପ୍ରାଚୀନ ମନ୍ଦିର ରହିଛି। ହଜାର ହଜାର ପାହାଚ ଚଢ଼ି ଏହି ମନ୍ଦିରଗୁଡ଼ିକରେ ପହଞ୍ଚିବାକୁ ପଡ଼େ।
ଦିଲଜିତ୍ ଦୋସାଞ୍ଜଙ୍କ ଏହି ଗୁଜରାଟ ଗସ୍ତ ତାଙ୍କ ‘AURA INDIA TOUR 2026’ର ଅଂଶ। ନଭେମ୍ବର ୨୧ରେ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମ୍ରେ ସେ ଲାଇଭ୍ ପରଫର୍ମାନ୍ସ ଦେବେ।
ଏହାପରେ ନଭେମ୍ବର ୨୭ରେ ମୁମ୍ବାଇ, ନଭେମ୍ବର ୨୯ରେ ବେଙ୍ଗାଲୁରୁ ଏବଂ ଡିସେମ୍ବର ୫ରେ ଲକ୍ଷ୍ନୌରେ ତାଙ୍କର କନସର୍ଟ ରହିଛି।
କନସର୍ଟ ପୂର୍ବରୁ ଗୁଜରାଟର ପ୍ରାକୃତିକ ସୌନ୍ଦର୍ଯ୍ୟ, ବନ୍ୟଜନ୍ତୁ ଓ ଧାର୍ମିକ ସ୍ଥଳର ଅନୁଭୂତି ନେଇ ଦିଲଜିତ୍ ନିଜ ପ୍ରଶଂସକଙ୍କ ସହ ଏହି ମୁହୂର୍ତ୍ତଗୁଡ଼ିକ ସେୟାର କରିଛନ୍ତି।
ମଧ୍ୟାହ୍ନ ଭୋଜନକୁ ନେଇ ସ୍କୁଲରେ ମହାଭାରତ! ସହକର୍ମୀ ଶିକ୍ଷ...
ଜଳେଶ୍ୱରରେ ଆବାସ ଯୋଜନାକୁ ନେଇ ବିବାଦ: ଟଙ୍କା ନେଇ ଅଯୋଗ୍ୟ...
ବାତ୍ୟା ‘ଅକଭାନ୍’ ପାଇଁ ପୁରୀରେ ହାଇଆଲର୍ଟ!...
ଝାନ୍ସୀ: ଉତ୍ତରପ୍ରଦେଶରେ ନିର୍ବାଚନୀ ପ୍ରସ୍ତୁତି ଓ ଭୋଟର ତ...
ଗାନ୍ଧୀ ସାଗରରେ ବସିଲା ମଧ୍ୟପ୍ରଦେଶ କ୍ୟାବିନେଟ୍ ମଧ୍ୟପ...
କନ୍ଧମାଳ କାର୍ ଜଳି ମୃତ୍ୟୁ ଘଟଣାରେ ବଢ଼ୁଛି ରହସ୍ୟ! ପାଉଁଶ...
ବାତ୍ୟା ‘ଅକଭାନ୍’ ପ୍ରଭାବ: ଗଞ୍ଜାମ ଆର୍ଯ୍ୟପ...
ଗୋରଖପୁର: ଉତ୍ତରପ୍ରଦେଶର ରାଜନୀତିରେ ପୁଣି ତେଜିଛି ବୟାନବା...