ମେକ୍ସିକୋର ସଲ୍ଟିଲୋରେ ଅନୁଷ୍ଠିତ ତୀରନ୍ଦାଜି ବିଶ୍ୱକପ୍ ଫାଇନାଲରେ ଭାରତ ପାଇଁ ଐତିହାସିକ ସଫଳତା ଆଣିଛନ୍ତି ଧୀରଜ ବୋମ୍ମାଦେବରା। ପୁରୁଷ ରିକର୍ଭ ବିଭାଗରେ ସ୍ୱର୍ଣ୍ଣ ପଦକ ଜିତି ସେ ପ୍ରଥମ ଭାରତୀୟ ପୁରୁଷ ତୀରନ୍ଦାଜ ଭାବେ ଏହି ଗୌରବ ହାସଲ କରିଛନ୍ତି।
ଫାଇନାଲରେ ଧୀରଜଙ୍କ ମୁକାବିଲା ଜାପାନର ବିଶ୍ୱ ଚାମ୍ପିୟନସିପ୍ ପଦକ ବିଜେତା ନାକାନିଶି ଜୁନ୍ୟାଙ୍କ ସହ ହୋଇଥିଲା। ରୋମାଞ୍ଚକର ମୁକାବିଲାରେ ଉଭୟ ତୀରନ୍ଦାଜଙ୍କ ସ୍କୋର ୫-୫ରେ ସମାନ ରହିଥିଲା। ଫଳରେ ମ୍ୟାଚ୍ର ନିଷ୍ପତ୍ତି ସୁଟ୍-ଅଫ୍ରେ ହୋଇଥିଲା।
ସୁଟ୍-ଅଫ୍ର ନିର୍ଣ୍ଣାୟକ ତୀରରେ ଧୀରଜ ଚମତ୍କାର ପ୍ରଦର୍ଶନ କରି ୧୦ ପଏଣ୍ଟ ହାସଲ କରିଥିଲେ। ଅନ୍ୟପକ୍ଷରେ ନାକାନିଶି ୯ ପଏଣ୍ଟ ପାଇଥିଲେ। ଏହା ସହ ଧୀରଜ ସ୍ୱର୍ଣ୍ଣ ପଦକ ନିଜ ନାମରେ କରିଥିଲେ।
ଧୀରଜଙ୍କ ଏହି ସ୍ୱର୍ଣ୍ଣ ସହ ଭାରତୀୟ ପୁରୁଷ ରିକର୍ଭ ତୀରନ୍ଦାଜିର ଦୀର୍ଘ ୧୬ ବର୍ଷର ପଦକ ଅପେକ୍ଷାର ମଧ୍ୟ ଅନ୍ତ ଘଟିଛି।
୨୦୧୦ରେ ଏଡିନବର୍ଗରେ ଜୟନ୍ତ ତାଲୁକଦାର କାଂସ୍ୟ ପଦକ ଜିତିବା ପରେ ତୀରନ୍ଦାଜି ବିଶ୍ୱକପ୍ ଫାଇନାଲର ପୁରୁଷ ରିକର୍ଭ ବିଭାଗରେ ଭାରତୀୟ ପୁରୁଷ ତୀରନ୍ଦାଜମାନେ ପଦକ ଜିତିପାରିନଥିଲେ। ଧୀରଜ ଏହି ଅପେକ୍ଷାର ଅନ୍ତ ଘଟାଇ ଇତିହାସ ରଚିଛନ୍ତି।
୨୫ ବର୍ଷୀୟ ଧୀରଜଙ୍କ ଏହି ସଫଳତା ଆଗାମୀ ଏସୀୟ କ୍ରୀଡ଼ା ପ୍ରସ୍ତୁତି ପାଇଁ ମଧ୍ୟ ମନୋବଳ ବଢ଼ାଇଛି। ଭାରତୀୟ ତୀରନ୍ଦାଜି ପାଇଁ ଏହି ଐତିହାସିକ ସ୍ୱର୍ଣ୍ଣ ଏକ ବଡ଼ ଉପଲବ୍ଧି ଭାବେ ଦେଖାଯାଉଛି।
ବାତ୍ୟା ‘ଅର୍ଣ୍ଣବ’ର ପ୍ରଭାବରୁ ଓଡ଼ିଶା ଏବେ...
୨୦୨୭ରେ ୧୦.୧% ବଢ଼ିପାରେ ଚିକିତ୍ସା ଖର୍ଚ୍ଚ ଭାରତରେ ମେ...
ଅସ୍ଥିର କାରବାର ପରେ ଲାଭରେ ବନ୍ଦ ହେଲା ବଜାର ବୁଧବାର ଭ...
ବାତ୍ୟା ‘ମୁରାସୁ’ ପ୍ରଭାବରେ ବଢ଼ିବ ବର୍ଷା...
ବାତ୍ୟା ‘ମୁରାସୁ’ର ପ୍ରଭାବରେ ଓଡ଼ିଶାର ବିଭି...
ଦୀପାବଳି ପୂର୍ବରୁ ଭାରତୀୟ ସେୟାର ବଜାରରେ ଖୁସିର ମାହୋଲ୍।...
ତାମିଲ୍ ସିନେମାର ଲୋକପ୍ରିୟ ଅଭିନେତା ସୂର୍ଯ୍ୟଙ୍କ ପାଇଁ ୨୦...
ବିଭିନ୍ନ ପ୍ରସ୍ତାବ ଉପରେ ଆଲୋଚନା ହେବାର ସମ୍ଭାବନା ବୈଠ...
