Coca-Cola ୨୦୧୮ ଅଗଷ୍ଟରେ ବ୍ରିଟିଶ୍ କମ୍ପାନୀ Whitbreadଠାରୁ$5.1 ବିଲିୟନ୍ରେ Costa Coffeeକିଣିଥିଲା। Coca-Cola ପାଇଁ ଏହି ଡିଲ୍ର ଉଦ୍ଦେଶ୍ୟ ଥିଲା ପାରମ୍ପରିକ ଥଣ୍ଡା ପାନୀୟ ବ୍ୟବସାୟ ବାହାରେ ଯାଇ ବିଶ୍ୱ କଫି ବଜାରରେ ନିଜ ସ୍ଥାନ ମଜବୁତ କରିବା।

ଲଣ୍ଡନରେ ୧୯୭୧ରେ ଆରମ୍ଭ ହୋଇଥିବା Costa ସେତେବେଳକୁ ବ୍ରିଟେନ୍ର ଏକ ପରିଚିତ କଫି ବ୍ରାଣ୍ଡ ହୋଇସାରିଥିଲା। Coca-Cola ଭାବିଥିଲା ଯେ ନିଜର ବିଶାଳ ବୋତଲିଂ ଓ ବିତରଣ ନେଟୱର୍କକୁ ବ୍ୟବହାର କରି Costaର ready-to-drink coffee ଏବଂCosta Expressମେସିନ୍କୁ ବିଭିନ୍ନ ଦେଶରେ ଶୀଘ୍ର ବିସ୍ତାର କରାଯାଇପାରିବ।

ମହଙ୍ଗା ମେସିନ୍ ଓ ଅପରେସନ୍ର ଚ୍ୟାଲେଞ୍ଜ

Costa Express ମେସିନ୍ଗୁଡ଼ିକ ସାଧାରଣ soft-drink vending machine ଭଳି ସରଳ ନୁହେଁ। ଏଥିରେ କଫି ବିନ୍, ତାଜା କ୍ଷୀର ଏବଂ ଅନ୍ୟ ସାମଗ୍ରୀର ନିୟମିତ ରକ୍ଷଣାବେକ୍ଷଣ ଦରକାର। Coca-Colaର ବୋତଲିଂ ପାର୍ଟନରମାନେ ଏଭଳି ଜଟିଳ କଫି ମେସିନ୍ ପରିଚାଳନାରେ ସବୁବେଳେ ପ୍ରସ୍ତୁତ ନଥିଲେ।

Coca-Cola Costaକୁ କିଣିବା ସମୟରେ8,237 Costa Express ମେସିନ୍ଥିଲା। ପରେ ଏହି ସଂଖ୍ୟା15,000ରୁ ଅଧିକହୋଇଛି। କିନ୍ତୁ ଏତେ ବିସ୍ତାର ସତ୍ତ୍ୱେ Coca-Cola ଯେଉଁ ବିଶ୍ୱବ୍ୟାପୀ ପ୍ରଭାବ ଆଶା କରିଥିଲା, ତାହା ହାସଲ ହୋଇନାହିଁ।

ଆମେରିକାରେ Costaକୁ ମିଳିଲାନି ଆଶାକରା ଗ୍ରହଣୀୟତା

Costa ପାଇଁ ଆମେରିକା ଏକ ବଡ଼ ସମ୍ଭାବନାର ବଜାର ଥିଲା। କିନ୍ତୁ ସେଠାରେ Costa ବ୍ରାଣ୍ଡର ପରିଚିତି ବହୁତ କମ୍ ଥିଲା। ଆମେରିକାର ଗ୍ରାହକମାନେ Costa ତୁଳନାରେ ପାରମ୍ପରିକ drip coffee ଏବଂ ଅନ୍ୟ ପରିଚିତ ବ୍ରାଣ୍ଡ ସହିତ ଅଧିକ ପରିଚିତ ଥିଲେ।

ଏହା ସହିତ Coca-Colaର McDonald's ସହିତ ଥିବା ବ୍ୟବସାୟିକ ସମ୍ପର୍କ ମଧ୍ୟ ଆମେରିକାରେ ବଡ଼ ପରିମାଣର Costa coffee-shop expansion କରିବାରେ ଏକ ବିଚାରଣୀୟ କାରଣ ଥିଲା। ଫଳରେ Coca-Cola vending machines ଓ ready-to-drink coffee ଉପରେ ଅଧିକ ଗୁରୁତ୍ୱ ଦେଲା।

ଏହି କ୍ଷେତ୍ରରେ PepsiCo ଓ Starbucksର partnership ଦ୍ୱାରା ବିକ୍ରି ହେଉଥିବାFrappuccinoଅଧିକ ଶକ୍ତିଶାଳୀ ସ୍ଥାନ ନେଇଥିଲା।

କୋଭିଡ୍ ମହାମାରୀ ଆଉ ଏକ ବଡ଼ ଝଟକା

୨୦୨୦ରେ କୋଭିଡ୍ ପ୍ରତିବନ୍ଧକ ଯୋଗୁଁ ବ୍ରିଟେନ୍ର Costa coffee shops ବନ୍ଦ ହୋଇଥିଲା। ଏହା Costaର ମୁଖ୍ୟ ଆୟ ଉତ୍ସ ଉପରେ ବଡ଼ ପ୍ରଭାବ ପକାଇଥିଲା। ଲକଡାଉନ୍ ସମୟରେ ଅନେକ ଲୋକ ଘରେ coffee machines କିଣିବାରୁ ଗ୍ରାହକଙ୍କ coffee-buying behaviour ମଧ୍ୟ ବଦଳିଥିଲା।

ବିକ୍ରି କରିବାକୁ ଚେଷ୍ଟା, ହେଲେ ଡିଲ୍ ହୋଇପାରିଲାନି

୨୦୨୫ ସୁଦ୍ଧା Coca-Cola ସାର୍ବଜନୀନ ଭାବେ ସ୍ୱୀକାର କରିଥିଲା ଯେ Costaରେ ହୋଇଥିବା ନିବେଶ ଆଶା କରାଯାଇଥିବା ଫଳ ଦେଇନାହିଁ। ପରେ Costaକୁ ବିକ୍ରି କରିବା ନେଇ ଆଲୋଚନା ହୋଇଥିଲା। କିଛି ସମ୍ଭାବ୍ୟ କ୍ରେତା ପ୍ରାୟ£1 ବିଲିୟନ୍ମୂଲ୍ୟର ପ୍ରସ୍ତାବ ଉପରେ ବିଚାର କରିଥିବା ରିପୋର୍ଟ ଆସିଥିଲା—Coca-Cola ଦେଇଥିବା ମୂଲ୍ୟଠାରୁ ଯାହା ବହୁତ କମ୍। ତେବେ ମୂଲ୍ୟ ଓ Costaର କେଉଁ ବ୍ୟବସାୟ ଡିଲ୍ରେ ସାମିଲ ହେବ, ସେନେଇ ସମ୍ମତି ନହେବାରୁ ଆଲୋଚନା ବିଫଳ ହୋଇଥିଲା।

ତଥାପି Costaର ଆର୍ଥିକ ପ୍ରଦର୍ଶନରେ ସୁଧାର

ସମସ୍ୟା ମଧ୍ୟରେ Costaର ସମ୍ପ୍ରତିର ଆର୍ଥିକ ତଥ୍ୟ କିଛି ଆଶା ଦେଉଛି। ୨୦୨୫ରେ Costa ପ୍ରାୟ£1.29 ବିଲିୟନ୍ revenueକରିଥିଲା, ଯାହା ପୂର୍ବବର୍ଷ ତୁଳନାରେ ୫% ବୃଦ୍ଧି। ସେହି ସମୟରେ operating profit£20.4 millionହୋଇଥିଲା; ୨୦୨୪ରେ ଏହା£13.5 million operating lossଥିଲା।

୨୦୨୩ ପରଠାରୁ UK ଓ Irelandରେ1,063ଟି ଷ୍ଟୋର୍ର renovationହୋଇଛି। Costaର ଉପସ୍ଥିତି ମଧ୍ୟ ପ୍ରାୟ ୫୦ଟି ଦେଶକୁ ବଢ଼ିଛି। ତେଣୁ Costaର ମୂଳ ବ୍ୟବସାୟରେ କିଛି ସୁଧାର ଦେଖାଯାଉଥିଲେ ମଧ୍ୟ, Coca-Cola ଆରମ୍ଭରେ ଯେଉଁ ବିଶ୍ୱବ୍ୟାପୀ coffee powerhouse ଗଢ଼ିବାର ଲକ୍ଷ୍ୟ ରଖିଥିଲା, ସେହି ଲକ୍ଷ୍ୟ ଏପର୍ଯ୍ୟନ୍ତ ପୂରଣ ହୋଇନାହିଁ।