ଫିଫା ବିଶ୍ୱକପ୍ ୨୦୨୬ରେ ପ୍ରଥମଥର ପାଇଁ ଅଂଶଗ୍ରହଣ କରିଥିବା କେପ୍ ଭର୍ଡେ ଦଳ ରାଉଣ୍ଡ ଅଫ୍ ୩୨ରୁ ବିଦାୟ ନେଇଥିଲେ ମଧ୍ୟ ନିଜର ଲଢ଼ୁଆ ପ୍ରଦର୍ଶନ ଯୋଗୁଁ ବିଶ୍ୱ ଫୁଟବଲ୍ ମଞ୍ଚରେ ଚର୍ଚ୍ଚାର ବିଷୟ ପାଲଟିଛି। ଏହି ଦଳର ୪୦ ବର୍ଷୀୟ ଅଭିଜ୍ଞ ଗୋଲକିପର ଭୋଜିନ୍ହା ନିଜର ଦମଦାର ପ୍ରଦର୍ଶନ ପାଇଁ ବିଶେଷ ପ୍ରଶଂସା ସାଉଁଟିଛନ୍ତି।
ପ୍ରତିଯୋଗିତାରେ ଭୋଜିନ୍ହା ମୋଟ ୧୮ଟି ସେଭ୍ କରି ନିଜ ଦଳକୁ ଅନେକଥର ବିପଦରୁ ରକ୍ଷା କରିଥିଲେ। ସ୍ପେନ୍ ବିପକ୍ଷରେ ସେ ୭ଟି ଏବଂ ଆର୍ଜେଣ୍ଟିନା ବିପକ୍ଷରେ ୮ଟି ଚମତ୍କାର ସେଭ୍ କରି ପ୍ରତିପକ୍ଷ ଆକ୍ରମଣକୁ ବିଫଳ କରିଥିଲେ। ବିଶେଷକରି ଲିଓନେଲ୍ ମେସିଙ୍କ ଏକାଧିକ ପ୍ରୟାସକୁ ସେ ସଫଳତାର ସହ ଅଟକାଇ ଚର୍ଚ୍ଚାରେ ରହିଥିଲେ।
ରିପୋର୍ଟ ଅନୁଯାୟୀ, ୪୦ ବର୍ଷରୁ ଅଧିକ ବୟସ୍କ ଗୋଲରକ୍ଷକଙ୍କ ମଧ୍ୟରେ ଗୋଟିଏ ବିଶ୍ୱକପ୍ରେ ସର୍ବାଧିକ ସେଭ୍ କରିବା ତାଲିକାରେ ଭୋଜିନ୍ହା ତୃତୀୟ ସ୍ଥାନରେ ରହିଛନ୍ତି। ତାଙ୍କ ଆଗରେ କେବଳ ଇଂଲଣ୍ଡର ପିଟର ଶିଲଟନ୍ ଓ ଇଟାଲିର ଡିନୋ ଜଫ୍ ରହିଛନ୍ତି।
କେପ୍ ଭର୍ଡେ ବିଶ୍ୱକପ୍ରେ ମୋଟ ୪ଟି ଗୋଲ୍ କରିଥିବା ବେଳେ ୫ଟି ଗୋଲ୍ ବରଣ କରିଥିଲା। ଦଳ ୩ଟି ମ୍ୟାଚ୍ ଡ୍ର' କରିଥିବା ବେଳେ ଏକମାତ୍ର ପରାଜୟ ଅତିରିକ୍ତ ସମୟରେ ଆସିଥିଲା। ଫଳାଫଳଠାରୁ ଅଧିକ ଦଳର ଲଢ଼ୁଆ ମନୋଭାବ ଏବଂ ଭୋଜିନ୍ହାଙ୍କ ଅସାଧାରଣ ଗୋଲକିପିଂ ପ୍ରଦର୍ଶନକୁ ଫୁଟବଲ୍ପ୍ରେମୀମାନେ ଉଚ୍ଚ ପ୍ରଶଂସା କରୁଛନ୍ତି।
ଭାରତୀୟ ସିନେମା ଜଗତର ବହୁ ପ୍ରତୀକ୍ଷିତ ଫିଲ୍ମ 'ରାମାୟ...
ଝାରସୁଗୁଡ଼ାରେ ବେଦାନ୍ତର ସବୁଜ ଅଭିଯାନ, ରୋପଣ କଲା ୨ ହଜାର...
ତାମିଲ୍ ସିନେମାର ଲୋକପ୍ରିୟ ଅଭିନେତା ସୂର୍ଯ୍ୟଙ୍କ ପାଇଁ ୨୦...
୪୩ ବର୍ଷର ଆଇନ ଲଢ଼େଇରେ ଓଡ଼ିଶା ସରକାରଙ୍କ ବଡ଼ ବିଜୟ! ୮୦୦...
ଓଡ଼ିଶାରେ ବଡ଼ IAS ଅଦଳବଦଳ! ରୂପା ମିଶ୍ରଙ୍କୁ ପଞ୍ଚାୟତିରା...
କ’ଣ କହିଛନ୍ତି ସୁପ୍ରିମକୋର୍ଟ? ନଭେମ୍ବର ୪, ୨୦୨...
ରିଲିଜ୍ ପୂର୍ବରୁ ‘ରାମାୟଣ’ର ବଡ଼ ରେକର୍ଡ...
ବହୁ ଦିନର ଅପେକ୍ଷା ପରେ ନଭେମ୍ବର ୫ ତାରିଖରେ ସାରା ବିଶ୍ୱର...
