ଜଗତସିଂହପୁର:ଜଗତସିଂହପୁର ଜିଲ୍ଲା ସିଆଳି ବେଳାଭୂମି ଅଞ୍ଚଳରେ ପୂର୍ବତନ ଓଡ଼ିଶା ମୁଖ୍ୟମନ୍ତ୍ରୀ ତଥା ବିଶିଷ୍ଟ ନେତାବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ଭଙ୍ଗାରୁଜାହୋଇଛି। କିଛି ଦୁର୍ବୃତ୍ତ ପ୍ରତିମୂର୍ତ୍ତିକୁ କ୍ଷତିଗ୍ରସ୍ତ କରିବା ସହ ଏହାର କିଛି ଅଂଶ ଭାଙ୍ଗି ନେଇଥିବା ଅଭିଯୋଗ ହୋଇଛି।

ସିଆଳି ବେଳାଭୂମି ନିକଟରେ ବିଜୁ ପଟ୍ଟନାୟକଙ୍କ ସ୍ମୃତିରେ ଏହି ପ୍ରତିମୂର୍ତ୍ତି ସ୍ଥାପନ କରାଯାଇଥିଲା। ସ୍ଥାନୀୟ ଲୋକେ ପ୍ରତିମୂର୍ତ୍ତି କ୍ଷତିଗ୍ରସ୍ତ ହୋଇଥିବା ଦେଖିବା ପରେ ଘଟଣା ସାମ୍ନାକୁ ଆସିଥିଲା।

ଘଟଣାକୁ ନେଇ ଅସନ୍ତୋଷ

ପ୍ରତିମୂର୍ତ୍ତି ଭଙ୍ଗାରୁଜା ଘଟଣାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେତୀବ୍ର ଅସନ୍ତୋଷ ଓ ଉଦ୍ବେଗପ୍ରକାଶ ପାଇଛି। ବିଜୁ ପଟ୍ଟନାୟକଙ୍କ ଭଳି ଜଣେ ବିଶିଷ୍ଟ ନେତାଙ୍କ ପ୍ରତିମୂର୍ତ୍ତିକୁ ଏଭଳି କ୍ଷତିଗ୍ରସ୍ତ କରାଯିବାକୁ ନେଇ ଲୋକେ ଅସନ୍ତୋଷ ପ୍ରକାଶ କରିବା ସହ ଘଟଣାରେ ସମ୍ପୃକ୍ତ ଦୁର୍ବୃତ୍ତଙ୍କ ବିରୋଧରେ କଠୋର ପଦକ୍ଷେପ ଦାବି କରିଛନ୍ତି।

ଘଟଣା ପରେପଦ୍ମପୁର ସରପଞ୍ଚ ଏରସମା ଥାନାରେ ଅଭିଯୋଗକରିଛନ୍ତି। ପ୍ରତିମୂର୍ତ୍ତି ଭଙ୍ଗାରୁଜାରେ ସମ୍ପୃକ୍ତ ଲୋକଙ୍କୁ ଚିହ୍ନଟ କରି ଆଇନ ଅନୁଯାୟୀ ଉପଯୁକ୍ତ କାର୍ଯ୍ୟାନୁଷ୍ଠାନ ନେବାକୁ ସେ ପୁଲିସକୁ ଅନୁରୋଧ କରିଛନ୍ତି।

ପୁଲିସର ତଦନ୍ତ ଆରମ୍ଭ

ଅଭିଯୋଗ ପରେ ଏରସମା ପୁଲିସ ଘଟଣାର ତଦନ୍ତ ଆରମ୍ଭ କରିଛି।ପ୍ରତିମୂର୍ତ୍ତି କିପରି ଓ କେଉଁ ପରିସ୍ଥିତିରେ ଭଙ୍ଗାଗଲା ଏବଂ ଏଥିରେ କିଏମାନେ ସମ୍ପୃକ୍ତ, ସେନେଇ ତଦନ୍ତ ଚାଲିଛି। ଅଭିଯୁକ୍ତଙ୍କ ପରିଚୟ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।

ଉଲ୍ଲେଖଯୋଗ୍ୟ, ଏହାର କିଛି ଦିନ ପୂର୍ବରୁ ପାରାଦୀପ ଅଞ୍ଚଳରେ ପୂର୍ବତନ ଓଡ଼ିଶା ମନ୍ତ୍ରୀ ଦାମୋଦର ରାଉତଙ୍କ ପ୍ରତିମୂର୍ତ୍ତି ଭଙ୍ଗାରୁଜା ହୋଇଥିବା ଅଭିଯୋଗ ଆସିଥିଲା। ଲଗାତାର ଏଭଳି ଘଟଣା ସାମ୍ନାକୁ ଆସିବା ପରେ ସାର୍ବଜନୀନ ସ୍ମାରକୀ ଓ ପ୍ରତିମୂର୍ତ୍ତିର ସୁରକ୍ଷାକୁ ନେଇ ମଧ୍ୟ ପ୍ରଶ୍ନ ଉଠିଛି।