ଓଡ଼ିଶାର ରାଜଧାନୀ ଭୁବନେଶ୍ୱରରେ ଏକ ଗଞ୍ଜେଇ ରାକେଟ୍କୁ ଧରିଛି କମିଶନରେଟ୍ ପୁଲିସ। ଏକ ଘରେ ଗଞ୍ଜେଇ ମହଜୁଦ ରଖି ଦାମୀ କାର୍ରେ ଗ୍ରାହକଙ୍କ ସହ କାରବାର କରାଯାଉଥିବା ପୁଲିସ ଅଭିଯୋଗ କରିଛି।

ପୁଲିସ ସୂଚନା ଅନୁଯାୟୀ, ଅଭିଯୁକ୍ତମାନେ ଘର ଭିତରେ ଗଞ୍ଜେଇ ରଖୁଥିଲେ। ଏହାପରେ ଏକ ହାଇ-ଏଣ୍ଡ କାର୍ରେ ଗ୍ରାହକଙ୍କୁ ଭେଟି ଡିଲ୍ କରୁଥିବା ଅଭିଯୋଗ ହୋଇଛି।

କନ୍ଧମାଳରୁ ଆସୁଥିଲା ଗଞ୍ଜେଇ!

ପୁଲିସର ପ୍ରାଥମିକ ସୂଚନା ଅନୁସାରେ, ଏହି ଗ୍ୟାଙ୍ଗ୍ କନ୍ଧମାଳରୁ ଗଞ୍ଜେଇ ଆଣି ଭୁବନେଶ୍ୱରରେ ଗ୍ରାହକଙ୍କୁ ଯୋଗାଣ କରୁଥିବା ଅଭିଯୋଗ ରହିଛି। ଆଗକୁ ଆସୁଥିବା ପାର୍ବଣ ଋତୁକୁ ନଜରରେ ରଖି ଅଧିକ ଗଞ୍ଜେଇ ମହଜୁଦ କରି ଯୋଗାଣ କରିବାକୁ ଯୋଜନା ଥିବା ମଧ୍ୟ ପୁଲିସ କହିଛି।

ଗ୍ରାହକ ସାଜିଲେ ପୁଲିସ

ଏକ ବିଶ୍ୱସ୍ତ ସୂଚନା ପାଇବା ପରେ ମାଞ୍ଚେଶ୍ୱର ଥାନା ପୁଲିସ ଅଭିଯୁକ୍ତଙ୍କ ନିକଟରେ ପହଞ୍ଚିବାକୁ ଅଣ୍ଡରକଭର ଅପରେସନ୍ କରିଥିଲା। ପୁଲିସର କିଛି କର୍ମଚାରୀ ଗ୍ରାହକ ସାଜି ଅଭିଯୁକ୍ତଙ୍କ ସହ ଯୋଗାଯୋଗ କରିଥିଲେ।

ଏହି ଯୋଜନା ମାଧ୍ୟମରେ ପୁଲିସ ଗଞ୍ଜେଇ ମହଜୁଦ ରଖାଯାଇଥିବା ସ୍ଥାନ ସମ୍ପର୍କରେ ସୂଚନା ପାଇଥିଲା। ପରେ ଉକ୍ତ ଘରେ ଚଢ଼ାଉ କରାଯାଇଥିଲା।

ଚଢ଼ାଉ ସମୟରେ ଘର ଭିତରୁ୫୨ କେଜି ଗଞ୍ଜେଇଜବତ କରାଯାଇଥିବା ବେଳେ ଏହି ମାମଲାରେ୭ ଜଣଙ୍କୁ ଗିରଫକରାଯାଇଛି।

ପୁଲିସ ଗଞ୍ଜେଇ କାରବାରରେ ବ୍ୟବହୃତ ହେଉଥିବା ଏକ ହାଇ-ଏଣ୍ଡ କାର୍ ସହ୩ଟି ମୋବାଇଲ୍ ଫୋନ୍ମଧ୍ୟ ଜବତ କରିଛି।

ଘଟଣାରେ ଆଉ କେହି ସମ୍ପୃକ୍ତ ଅଛନ୍ତି କି ନାହିଁ ଏବଂ ଗଞ୍ଜେଇ ଯୋଗାଣର ସମ୍ପୂର୍ଣ୍ଣ ଚେନ୍ ସମ୍ପର୍କରେ ଜାଣିବା ପାଇଁ ପୁଲିସ ତଦନ୍ତ ଜାରି ରଖିଛି।