ରାଜଧାନୀ ଭୁବନେଶ୍ୱରରେ ମଦ୍ୟପାନ କରି ଗାଡ଼ି ଚାଳନା (Drunk Driving) ମାମଲା ଚିନ୍ତାଜନକ ଭାବେ ବଢ଼ିଛି। ୨୦୨୬ ମସିହାର ପ୍ରଥମ ୬ ମାସ ମଧ୍ୟରେ କମିଶନରେଟ୍ ପୁଲିସ ୧୬୩୨ଟି ଗାଡ଼ି ଜବତ କରି କୋର୍ଟକୁ ପଠାଇଛି।
ପୁଲିସ ସୂତ୍ର ଅନୁଯାୟୀ, ୨୦୨୫ ମସିହାରେ ମଦ୍ୟପାନ କରି ଗାଡ଼ି ଚାଳନା ମାମଲାରେ ମୋଟ ୯୨୫ଟି ଗାଡ଼ି ଜବତ ହୋଇଥିଲା। କିନ୍ତୁ ୨୦୨୬ର ଅଧା ବର୍ଷ ମଧ୍ୟରେ ଏହି ସଂଖ୍ୟା ୧୬୩୨ରେ ପହଞ୍ଚିଛି। ଗାଡ଼ି ଚାଳକମାନଙ୍କୁ ଗିରଫ କରାଯାଇଥିବା ମଧ୍ୟ ପୁଲିସ କହିଛି।
ସମ୍ପ୍ରତି ଭୁବନେଶ୍ୱରରେ ଘଟିଥିବା ଏକ ଦାମୀ କାର୍ ଦୁର୍ଘଟଣା ପରେ ଏହି ପ୍ରସଙ୍ଗ ପୁଣି ଚର୍ଚ୍ଚାକୁ ଆସିଛି। ଦୁର୍ଘଟଣାରେ ଜଣେ ବ୍ୟକ୍ତିଙ୍କ ଜୀବନ ଯାଇଥିବା ବେଳେ ଗାଡ଼ି ଚାଳକ ମଦ୍ୟପାନ କରିଥିବା ମେଡିକାଲ୍ ପରୀକ୍ଷାରୁ ଜଣାପଡ଼ିଥିଲା।
ଅଭିଯୁକ୍ତ ଭାବେ ଜୟଦେବ ବିହାର ଅଞ୍ଚଳର ସୌମ୍ୟ ରଞ୍ଜନଙ୍କୁ ପୁଲିସ ଗିରଫ କରି କୋର୍ଟରେ ହାଜର କରିଛି। ସେ ଏକ ଘରୋଇ ବିଶ୍ୱବିଦ୍ୟାଳୟରେ ଆଇନ ପଢ଼ୁଥିବା ଜଣାପଡ଼ିଛି।
ପୁଲିସ କହିଛି ଯେ, କେବଳ କଡ଼ା ଯାଞ୍ଚ ଓ ଜରିମାନା ଦ୍ୱାରା ସଡ଼କ ଦୁର୍ଘଟଣା ରୋକାଯାଇପାରିବ ନାହିଁ। ଏଥିପାଇଁ ଲୋକଙ୍କ ମଧ୍ୟରେ ଦାୟିତ୍ୱପୂର୍ଣ୍ଣ ଡ୍ରାଇଭିଂ ଅଭ୍ୟାସ ଓ ସଚେତନତା ଆବଶ୍ୟକ।
ଟ୍ୱିନ୍ ସିଟି ପୁଲିସ କମିଶନର ସୁରେଶ ଦେବ ଦତ୍ତ ସିଂହ କହିଛନ୍ତି ଯେ, ମଦ୍ୟପାନ କରି ଗାଡ଼ି ଚାଳନା ବିରୋଧରେ ପୁଲିସ ଲଗାତାର କାର୍ଯ୍ୟାନୁଷ୍ଠାନ ନେଉଛି। ଅଭିଭାବକମାନେ ମଧ୍ୟ ନିଜ ପିଲାଙ୍କୁ ଦାମୀ ଓ ଅଧିକ ଗତିଶୀଳ ଗାଡ଼ି ଦେବା ସମୟରେ ସତର୍କ ରହିବା ଦରକାର।
ସେ ଆହୁରି କହିଛନ୍ତି ଯେ, ସଡ଼କ ସୁରକ୍ଷା କେବଳ ପୁଲିସର ଦାୟିତ୍ୱ ନୁହେଁ, ଏହା ସମସ୍ତଙ୍କର ସାମୂହିକ ଦାୟିତ୍ୱ ହେବା ଆବଶ୍ୟକ।
ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଶନିବାର ଆଦିତ୍ୟ ବିର୍ଲା ଗ୍...
ମେଷ : ଏହି ସପ୍ତାହରେ ଆପଣଙ୍କ ପରିଶ୍ରମର ଫଳ ମିଳିବା ଆର...
ବିଜେଡିର ପୂର୍ବତନ ନେତା ତଥା ବର୍ତ୍ତମାନ ବିଜେପିରେ ସାମିଲ...
ଦେଶର ସାଧାରଣ ଉପଭୋକ୍ତାଙ୍କ ପାଇଁ ମହଙ୍ଗା ମାଡ଼ ଆହୁରି ବଢ଼...
ଇଥାନଲ୍ ମିଶ୍ରିତ (ଇ-୨୦) ପେଟ୍ରୋଲକୁ ନେଇ ଦେଶର ବିଭିନ୍ନ ସ...
ଆମେରିକା ଓ ଇରାନ ମଧ୍ୟରେ ବଢ଼ୁଥିବା ସାମରିକ ତଣାପୋଡ଼ ଏବଂ...
ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ବାଣିଜ୍ୟିକ ସମ୍ପର୍କକୁ ଆହୁର...
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନର ନୂତନ ସର୍ବୋ...
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନର ପରମାଣୁ କାର...
