ବାଲିଅନ୍ତା ଭିଡ଼ ହତ୍ୟା ମାମଲାର ତଦନ୍ତ ମଧ୍ୟରେ ଏକ ନୂଆ ତଥ୍ୟ ସାମ୍ନାକୁ ଆସିଛି। ମୃତସୌମ୍ୟ ରଞ୍ଜନ ସ୍ୱାଇଁଙ୍କବାପାଦୁଶାସନ ସ୍ୱାଇଁକ୍ରାଇମବ୍ରାଞ୍ଚ କାର୍ଯ୍ୟାଳୟରେ ହାଜର ହୋଇ ପ୍ରାୟ ପାଞ୍ଚ ଘଣ୍ଟା ଧରି ପଚରାଉଚରାର ସମ୍ମୁଖୀନ ହୋଇଥିଲେ।

ଏହି ସମୟରେ ସେ ସୌମ୍ୟଙ୍କ ବ୍ୟବହୃତ ଏକ ମୋବାଇଲ ଫୋନ କ୍ରାଇମବ୍ରାଞ୍ଚକୁ ହସ୍ତାନ୍ତର କରିଥିଲେ। ପରିବାରର ଦାବି ଅନୁଯାୟୀ, ସେହି ଫୋନରେ ମୃତ୍ୟୁ ପୂର୍ବରୁ ନିଲମ୍ବିତ ଏଡିଜିଦୟାଲ ଗଙ୍ଗୱାରଙ୍କୁସୌମ୍ୟ ପଠାଇଥିବା ଏକ ମେସେଜ୍ ରହିଛି।

ପରିବାରର କହିବା ଅନୁସାରେ, ଘଟଣା ଦିନ ସକାଳେ ସୌମ୍ୟ ମେସେଜ୍ରେ ଲେଖିଥିଲେ,"ମୋତେ କ୍ଷମା କରିଦେବେ, ଆଉ ଏଭଳି ଭୁଲ କେବେ ହେବ ନାହିଁ।"ଏହି ମେସେଜ୍ ତଦନ୍ତରେ ଗୁରୁତ୍ୱପୂର୍ଣ୍ଣ ସୁରାକ୍ ହୋଇପାରେ ବୋଲି ଚର୍ଚ୍ଚା ଚାଲିଛି।

ସୌମ୍ୟଙ୍କ ବାପା ଦାବି କରିଛନ୍ତି ଯେ, ଚାର୍ଜସିଟ୍ରେ ସୌମ୍ୟଙ୍କ ମୃତ୍ୟୁ ପଛରେ ଥିବା ପ୍ରକୃତ ଷଡ଼ଯନ୍ତ୍ର ଓ କାରଣକୁ ସାମ୍ନାକୁ ଅଣାଯାଉ। ଏଥିସହ ଘଟଣାରେ ବୟାନ ଦେଇଥିବା ଦୁଇ ଯୁବତୀଙ୍କଲାଏ ଡିଟେକ୍ସନ ଟେଷ୍ଟକରାଯିବା ସହ ସୌମ୍ୟଙ୍କ ଗାଡ଼ି ଚାବି ରଖିଥିବା ବ୍ୟକ୍ତିଙ୍କୁ ମଧ୍ୟ ତଦନ୍ତ ପରିସରକୁ ଆଣିବାକୁ ସେ ଦାବି କରିଛନ୍ତି।

ଏହାଛଡ଼ା ସୌମ୍ୟଙ୍କ ମା'ଙ୍କ ପାଖରେ ଥିବା ଆଉ ଏକ ମୋବାଇଲ ଫୋନକୁ ମଧ୍ୟ କ୍ରାଇମବ୍ରାଞ୍ଚକୁ ଦିଆଯାଇଛି। ପରିବାରର ଦାବି ଅନୁଯାୟୀ, ସେହି ଫୋନରେ ଘଟଣା ସହ ଜଡ଼ିତ କିଛି ଗୁରୁତ୍ୱପୂର୍ଣ୍ଣ ତଥ୍ୟ ରହିଛି।

ଏବେ କ୍ରାଇମବ୍ରାଞ୍ଚ ଏହି ମୋବାଇଲ ଫୋନ ଓ ମେସେଜ୍ର ଡିଜିଟାଲ ଯାଞ୍ଚ କରି ତଦନ୍ତକୁ ଆଗକୁ ବଢ଼ାଉଥିବାବେଳେ, ଚାର୍ଜସିଟ୍ ପୂର୍ବରୁ ଏହି ନୂଆ ତଥ୍ୟ ମାମଲାକୁ ନୂଆ ମୋଡ଼ ଦେଇପାରେ ବୋଲି ଚର୍ଚ୍ଚା ହେଉଛି।